________________
सु० १३-२०] चउवीसइदंडएसु अणंतरनिग्गयत्तपरूवणाइ ६६१ अणंतरपरंपरखेदाणुववन्नगा १ गोयमा ! नेरइया०, एवं एतेणं अभिलावेणं ते चेव चत्तारि दंडगा भाणियव्वा। सेवं भंते ! सेवं भंते! त्ति जाव विहरति ।
॥ चोदसमसयस्स पढमो ॥ ४.१॥
[बीओ उद्देसओ ‘उम्माद'] [सु. १. उम्मायस्स जक्खावेस-मोहणिजसमुभवरूवं भेयजुयं तस्सरूवं च]
१. कतिविधे णं भंते ! उम्मादे पन्नत्ते ? गोयमा ! दुविहे उम्मादे पण्णत्ते, तं जहा-जक्खाएसे य मोहणिजस्स य कम्मस्स उदएणं। तत्थ णं जे से जक्खाएसे से णं सुहवेयणतराए चैव, सुहविमोयणतराए । तत्थ णं जे से मोहणिजस्स कम्मस्स उदएणं से णं दुहवेयणतराए चैव, दुहविमोयणतराए १० चे।
[सु. २-६. चउवीसइदंडएमु सहेउया उम्मायपरूवणा]
२. [१] नेरइयाणं भंते ! कतिविधे उम्मादे पन्नत्ते १ गोयमा ! दुविहे उम्मादे पन्नत्ते, तं जहा–जक्खाएसे य, मोहणिज्जस्स य कम्मस्स उदएणं ।
[२] से केणद्वेणं भंते ! एवं वुच्चइ ‘नेरइयाणं दुविहे उम्मादे पन्नत्ते, तं १५ जहा–जक्खाएसे य, मोहणिजस्स जाव उदएणं' ? गोयमा ! देवे वा से असुभे पोग्गले पक्खिवेजा, से णं तेसिं असुभाणं पोग्गलाणं पक्खिवणयाए जक्खाएसं उम्मायं पाउणिज्जा। मोहणिजस्स वा कम्मस्स उदएणं मोहणिजं उम्मायं पाउणेज्जा, सेतेणटेणं जाव उदएणं ।
३. असुरकुमाराणं भंते ! कतिविधे उम्मादे पन्नत्ते १ गोयमा ! दुविहे २० उम्माए पन्नत्ते । एवं जहेव नेरइयाणं, नवर–देवे वा से महिडियतराए असुभे पोग्गले पक्खिवेजा, से णं तेसिं असुभाणं पोग्गलाणं पक्खिवणयाए जक्खाएसं उम्मादं पाउणेज्जा, मोहणिज्जस्स वा० । सेसं तं चेव । सेतेणटेणं जाव उदएणं ।
४. एवं जाव थणियकुमाराणं । १. खेत्ताणु' जं० ॥ २. “तत्र प्रथमः खेदोपपन्नदण्डकः, द्वितीयस्तदायुष्कदण्डकः, तृतीयः खेदनिर्गतदण्डकः, चतुर्थस्तु तदायुष्कदण्डक इति" अवृ०॥ ३. चेव ला १ ला ४ ॥ वि. २/१२
Jain Education International
For Private & Personal Use Only
www.jainelibrary.org
