________________
सु० १७-३०]
नरयपुढवी विवहा वक्तव्वया
मिच्छद्दिट्ठी नेरइया उववज्जंति, सम्मामिच्छद्दिड्डी नेरइया न उववजंति ।
२५. एवं उव्वति वि ।
२६. अविरहिए जहेव रयणप्पभाए ।
२७. एवं असंखेज्ज वित्थडेसु वि तिणि गमगा ।
[सु. २८-३०, लेस्सं पहुच नरयोववायपरूवणा ]
२८. [१] से नूणं भंते ! कण्हलेस्से नीललेस्से जाव सुक्कलेस्से भवित्ता के'हलेस्सेसु नेरइएसु उववज्र्ज्जति १ हंता, गोयमा ! कण्हलेस्से जाव उववज्जंति |
[२] से केणट्टेणं भंते! एवं बुच्चइ ' कण्हलेस्से जाव उववज्जंति' १ गोयमा ! लेस्सट्ठाणेसु संकिलिस्समाणेसु संकिलिस्समाणेसु कण्हलेसं परिणमइ कण्हलेसं परिणमित्ता कण्हलेस्सेसु नेरइएसु उववजंति, सेतेणट्टेणं जाव उववज्जंति । १० २९. [१] से नूणं भंते! कण्हलेस्से जाव सुक्कलेस्से भवित्ता नीललेस्से सु नेरइएस उववज्जंति ? हंता, गोयमा ! जाव उववज्जंति ।
.
[२] से केणद्वेणं जाव उववजंति ? गोयमा ! लेस्सट्ठाणेसु संकिलिस्समाणेसु वा विसुज्झमाणेसु वा नीललेस्सं परिणमति, नीललेसं परिणमित्ता नीललेस्सेसु नेरइएसु उववज्जंति, सेतेणट्टेणं गोयमा ! जाव उववज्र्ज्जति ।
३०. से नूणं भंते! कण्हलेस्से नील० जाव भवित्ता काउलेस्सेसु नेरइएसु उववज्जंति ? एवं जहा नीललेस्साए तहा काउलेस्सा वि भाणियव्वा जाव सेतेणणं जाव उववज्जंति ।
सेवं भंते! सेवं भंते! ति० ।
॥ १३.१ ॥
[बीओ उद्देसओ 'देव']
[सु. १. चउव्विदेवभेयपरूवणा]
१. कतिविधा णं भंते! देवा पन्नत्ता ? गोयमा ! चउव्विहा देवा पन्नत्ता, तं जहा —भवणवासी वौणमंतरा जोतिसिया त्रेमाणिया ।
१. किण्ड ला४ ॥ २. 'णमंति जं० मु० । णमइ ला४ ॥ ३. वाणमं० - जोतिस - वेमा' जे० ॥
Jain Education International
६२१
For Private & Personal Use Only
१५
२०
www.jainelibrary.org
