________________
५८६
१०
वियाहपण्णत्तिसुत्तं [स० १२ उ० ४-५ [सु. ४७-४९. सत्तण्हं ओरालियाइपोग्गलपरियट्टाणं सरूपं]
४७. से केणद्वेणं भंते! एवं वुच्चइ ‘ओरालियपोग्गलपरियट्टे, ओरालियपोग्गलपरियट्टे' १ गोयमा ! जंणं जीवेणं ओरालियसरीरे वट्टमाणेणं ओरालियसरीरपायोग्गाई दव्वाइं ओरालियसरीरत्ताए गहियाइं बद्धाइं पुट्ठाई कैडाई पट्टवियाई निविट्ठाइं अभिनिविट्ठाइं अभिसमन्नागयाइं परियाइयाइं परिणामियाइं निजिण्णाई निसिरियाई निसिट्ठाई भवंति, सेतेणद्वेणं गोयमा ! एवं वुच्चइ 'ओरालियपोग्गलपरियट्टे, ओरालियपोग्गलपरियट्टे'।
४८. एवं वेउव्वियपोग्गलपरियट्टे वि, नवरं वेउव्वियसरीरे वट्टमाणेणं वेउव्वियसरीरपायोग्गाई दव्वाइं वेउब्वियसरीरत्ताए। सेसं तं चेव सव्वं ।
४९. एवं जाव आणापाणुपोग्गलपरियट्टे, नवरं आणापाणुपायोग्गाई सव्वदव्वाइं आणापाणुत्ताए। सेसं तं चेव। [सु. ५०-५२. सत्तण्हं पोग्गलपरियट्टाणं निव्वत्तणाकालपरूवणं]
५०. ओरालियपोग्गलपरियट्टे णं भंते ! केवतिकालस्स निव्वत्तिजति १ - गोयमा ! अणंताहिं ओसप्पिणि-उस्सप्पिणीहिं, एवतिकालस्स निव्वत्तिज्जइ । १५ ५१. एवं वेउव्वियपोग्गलपरियट्टे वि।
५२. एवं जाव आणापाणुपोग्गलपरियट्टे। [सु. ५३. ओरालियाइपोग्गलपरियट्टसत्तगनिव्वत्तणाकालस्स अप्पाबहुयं]
५३. एतस्स णं भंते ! ओरालियपोग्गलपरियट्टनिव्वत्तणाकालस्स, वेउब्वियपोग्गलपरियट्टनिव्वत्तणाकालस्स जाव आणापाणुपोग्गलपरियट्टनिव्वत्तणाकालस्स य कयरे कयरेहितो जाव विसेसाहिया वा ? गोयमा ! सव्वत्थोवे कम्मगपोग्गलपरियट्टनिव्वत्तणाकाले, तेयापोग्गलपरियट्टनिव्वत्तणाकाले अणंतगुणे, ओरालियपोग्गलपरियट्टनिव्वत्तणाकाले अणंतगुणे, आणापाणुपोग्गलपरियट्टनिव्वत्तणाकाले अणतगुणे, मणपोग्गलपरियट्टनिव्वत्तणाकाले अणंतगुणे, वइपोग्गलपरियट्टनिव्वत्तणाकाले अणंतगुणे, वेउव्वियपोग्गलपरियट्टनिव्वत्तणाकाले अणंतगुणे।
१. "पुट्ठाई ति यतः पूर्व स्पृष्टानि, तनौ रेणुवत्। अथवा पुष्टानि-पोषितानि, अपरापरग्रहणतः।" अवृ०॥ २. “कडाई ति पूर्वपरिणामापेक्षया परिणामान्तरेण कृतानि ।" अवृ०॥ ३. निसट्ठाई जे०, अवृ०प्राचीनादर्श च ॥ १. °णुपाओग्गाई ला १ ला ४ ॥
Jain Education International
For Private & Personal Use Only
www.jainelibrary.org
