________________
४५१
सु० १-९] उसभदत्तमाहण-देवाणंदामाहणीअहियारो गच्छामो णं देवाणुप्पिए ! समणं भगवं महावीरं वंदामो नमसामो जाव पज्जुवासामो। एयं णं इहभवे य परभवे य हियाए सुहाए खमाए निस्सेसाए आणुगामियत्ताए भविस्सइ।
६. तए णं सा देवाणंदा माहणी उसभदत्तेणं माहणेणं एवं वुत्ता समाणी हट्ट जाव हियया करयल जावं कटु उसमदत्तस्स माहणस्स एयमढे विणएणं ५ पडिसुणेइ।
७. तए णं से उसभदत्ते माहणे कोडुंबियपुरिसे सद्दावेइ, कोडुंबियपुरिसे सद्दावेत्ता एवं वयासि-खिप्पामेव भो! देवाणुप्पिया! लहुकरणजुत्तजोइयसमखुर-वालिधाणसमलिहियसिंगएहिं जंबूर्णयामयकलावजुत्तप'विसिट्ठएहिं रैययामयघंटसुत्तरज्जुयवरकंचणनत्थपग्गहोग्गहियएहिं नीलुप्पलकयामेलएहिं पवर- १० गोणजुवाणएहिं नाणामणिरयणघंटियाजालपरिगयं सुजायजुगजोतरज्जुयजुगपसत्थसुविरचितनिम्मियं पवरलक्खणोववेयं [ग्रन्थाग्रम् ६०००] धम्मियं जाणप्पवरं जुत्तामेव उवट्ठवेह, उवट्ठवित्ता मम एयमाणत्तियं पञ्चप्पिणह ।
८. तए णं ते कोडुंबियपुरिसा उसभदत्तेणं माहणेणं एवं वुत्ता समाणा हट्ट जाव हियया करयल० एवं वयासी—सामी ! 'तह' ताणाए विणएणं वयणं १५ जाव पडिसुणेत्ता खिप्पामेव लहुकरणजुत्त० जाव धम्मियं जाणप्पवरं जुत्तोंमेव उवट्ठवेत्ता जाव तमाणत्तियं पञ्चप्पिणंति । ।
९. तए णं से उसमदत्ते माहणे ण्हाए जाव अप्पमहग्घाभरणालंकियसरीरे साओ गिहाओ पडिनिक्खमति, साओ गिहाओ पडिनिक्खमित्ता जेणेव बाहिरिया उवट्ठाणसाला, जेणेव धम्मिए जाणप्पवरे तेणेव उवागच्छइ, तेणेव उवागच्छित्ता १० धम्मियं जाणप्पवरं दुरूढे ।
१. हिदाए ला १॥२. “यावत्करणादेवं दृश्यम्-हट्टतुट्ठचित्तमाणंदिया...पीइमणा...परमसोमणस्सिया...हरिसवसविसप्पमाणहियया” अवृ०॥ ३. 'जाव' पदेन एवं बोध्यम्-'करयलपरिग्गहियं सिरसावत्तं दसनहं मत्थए अंजलिं' ॥ ४. वालधानं-पुच्छम् ॥ ५. °यसंग ला १॥ ६. °णतामतक° ला १। “जाम्बूनदमयौ यौ कलापौ-कण्ठाभरणविशेषौ ताभ्यां युक्तौ प्रतिविशिष्टको च" अवृ०॥ ७. परिवि ला १ विना॥ ८. रयताम ला १॥ ९. 'यघंटासुत्तरज्जुयपवर मु०॥ १०. जुत्त ला १॥ ११. त्ति +आणाए =त्ताणाए। त्ति आणाए मु०॥ १२. जुत्तमेव ला १॥
Jain Education International
For Private & Personal Use Only
www.jainelibrary.org
