________________
३९८
. वियाहपण्णत्तिसुत्तं
[स०८ उ०१० सीलवं, असुयवं, उवरए, अविण्णायधम्मे, एस णं गोयमा ! मए पुरिसे देसाराहए पण्णते। तत्थ णं जे से दो पुरिसजाए से णं पुरिसे असीलवं, सुयवं, अणुवरए, विण्णायधम्मे, एस णं गोयमा ! मए पुरिसे देसविराहए
पण्णत्ते। तत्थ णं जे से तचे पुरिसजाए से णं पुरिसे सीलवं, सुयवं, उवरए, ५ विण्णायधम्मे, एस णं गोयमा ! मए पुरिसे सव्वाराहए पण्णत्ते। तत्थ णं जे
से चउत्थे पुरिसजाए से णं पुरिसे असीलवं, असुतवं, अणुवरए, अविण्णायधम्मे एस णं गोयमा ! मए पुरिसे सव्वविराहए पण्णत्ते ।
[सु. ३-६. आराहणाए णाणाइतिभेया तप्पभेया य]
३. कतिविहा णं भंते ! आराहणा पण्णता ? गोयमा ! तिविहा आराहणा १० पण्णता, तं जहा-नाणाराहणा दंसणाराहणा चरिताराहणा।
४. णाणाराहणा णं भंते ! कतिविहा पण्णता ? गोयमा! तिविहा पण्णत्ता, तं जहा—उक्कोसिया मज्झिमिया जहन्ना ।
५. दंसणाराहणा णं भंते !० १ एवं चेव तिविहा वि । ६. एवं चरित्ताराहणा वि। [सु. ७-९. आराहणाभेयाणं परोप्परमुवनिबंधपरूषणा]
७. जस्स णं भंते ! उक्कोसिया णाणाराहणा तस्स उक्कोसिया दंसणाराहणा ? जस्स उक्कोसिया दंसणाराहणा तस्स उक्कोसिया णाणाराहणा ? गोयमा ! जस्स उक्कोसिया णाणाराहणा तस्स दंसणाराहणा उक्कोसिया वा अजहन्नउक्कोसिया वा, जस्स पुण उक्कोसिया दंसणाराहणा तस्स नाणाराहणा उक्कोसा वा जहन्ना वा अजहन्नमणुक्कोसा वा।
८. जस्स णं भंते ! उक्कोसिया णाणाराहणा तस्स उक्कोसिया चरिताराहणा? जैस्सुक्कोसिया चरिताराहणा तस्सुक्कोसिया णाणाराहणा १ जहा उक्कोसिया णाणाराहणा य दंसणाराहणा य भणिया तहा उक्कोसिया णाणाराहणा य चरित्ताराहणा य भाणियव्वा ।
९. जस्स णं भंते ! उक्कोसिया दंसणाराहणा तस्सुक्कोसिया चरित्ताराहणा १ जस्सुक्कोसिया चरित्ताराहणा तस्सुक्कोसिया दंसणाराहणा १ गोयमा! १. दुच्चे ला १ ॥ २. तस्सुक्को' ला १ ॥ ३. जस्स उक्को' ला १ ॥ ४. वस्स उक्को' ला १॥
२५
Jain Education International
For Private & Personal Use Only
www.jainelibrary.org
