________________
३६८ . वियाहपण्णत्तिसुंत
[स०८ उ०७ णं अजो! दिन्नं गेण्हामो, दिन्नं भुंजामो, दिन्नं सातिजामो, तए णं अम्हे दिन्नं गेण्हमाणा दिन्नं भुंजमाणा दिन्नं सातिजमाणा तिविहं तिविहेणं संजयविरयपडिहय जहा सत्तमसए (स. ७ उ. २ सु. १[२]) जाव एगंतपंडिया यावि भवामो ।
१०. तए णं ते अन्नउत्थिया ते थेरे भगवंते एवं वयासी-केण कारणणं ५ अजो ! तुम्हे दिन्नं गेण्हह जाव दिन्नं सातिजह, तए णं तुब्भे दिन्नं गेण्हमाणा जाव एगंतपंडिया यावि भवह ?
११. तए णं ते थेरा भगवंतो ते अन्नउत्थिए एवं वयासी–अम्हे णं अजो! दिजमाणे दिन्ने, पंडिगहेजमाणे पडिग्गहिए, निसिरिज्जमाणे निसट्टे । अम्हं णं अजो! दिजमाणं पडिग्गहगं असंपत्तं एत्थ ण अंतरा केइ अवहरेजा, अम्हं णं तं, णो खलु तं गाहावइस्स, तए णं अम्हे दिन्नं गेण्हामो दिन्नं भुंजामो, दिन्नं सातिजामो, तए णं अम्हे दिन्नं गेण्हमाणा जाव दिन्नं सातिजमाणा तिविहं तिविहेणं संजय जाव एगंतपंडिया यावि भवामो। तुब्भे गं अजो! अप्पणा चेव तिविहं तिविहेणं अस्संजय जाव एगंतबाला यावि भवह।
१२. तए णं ते अन्नउत्थिया ते थेरे भगवंते एवं वयासी–केण कारणेणं १५ अजो! अम्हे तिविहं जाव एगंतबाला यावि भवामो ?
१३. तए णं ते थेरा भगवंतो ते अन्नउत्थिए एवं वयासी-तुब्भे गं अजो! अदिन्नं गेण्हह, अदिन्नं भुंजह, अदिन्नं साइजह, तए णं अजो! तुब्भे अदिन्नं गे० जाव एगंतबाला यावि भवह ।
१४. तए णं ते अन्नउत्थिया ते थेरे भगवते एवं वयासी-केण २. कारणेणं अजो! अम्हे अदिन्नं गेण्हामो जाव एगंतबाला यावि भवामो?
१५. तए णं ते थेरा भगवंतो ते अन्नउत्थिए एवं वयासी-तुब्भे णं अजो! दिजमाणे अदिन्ने तं चेव जाव गाहावइस्स णं तं, णो खलु तं तुभं, तए णं तुब्भे अदिन्नं गेण्हह, तं चेव जाव एगंतबाला यावि भवह।
[सु. १६-२४. अन्नउत्थियाणं निग्गंथथेरेहिं सह पुढविहिंसाविसओ विषादो]
१६. तए णं ते अन्नउत्थिया ते थेरे भगवंते एवं वयासी-तुब्भे गं अज्जो ! तिविहं तिविहेणं अस्संजय जाव एगंतबाला यावि भवह।
१. पडिग्गाहिजमाणे पडिग्गाहिए ला १॥
Jain Education International
For Private & Personal Use Only
www.jainelibrary.org :
