Page Text
________________
सु० ३२-३५] दूसमदूसमाए भरहवासस्स विविहा परूवणा .. २९५ विक्खयतणू देव-किडिभ-सिज्झफुडियफरूसच्छवी चित्तलंगा टोलगति-विसमसंधिबंधणउक्कुडुअद्विगविभत्तदुब्बलकुसंघयणकुप्पमाणकुसंठिता कुरुवा कुट्ठाणासणकुसेजकुभोइणो असुइणो अणेगवाहिपरिपीलियंगमंगा खलंतविन्भलगती निरुच्छाहा सत्तपरिवजिया विगतचेट्टनट्ठतेया अभिक्खणं सीय-उण्ह-खर-फरुसवातविज्झडियमलिणपंसुरउंग्गुंडितंगमंगा बहुकोह-माण-माया बहुलोभा असुह- ५ दुक्खभागी ओसँन्नं धम्मसण्णा-सम्मतपरिभट्ठा उक्कोसेणं रैयणिपमाणमेत्ता सोलसवीसतिवासपरमाउसा पुत्त-णत्तुपेरियालपणयबहुला गंगा-सिंधूओ महानदीओ वेयड्ढं च पव्वयं निस्साए बहुत्तरिं णिगोदी बीयं बीयामेत्ता बिलवासिणो भविस्संति ।
[सु. ३४. दूसमदूसमाए भरहवासमणुयाणं आहारपरूवणा]
३४. ते णं भंते ! मणुया कमाहारमाहारेहिंति ? गोयमा ! तेणं कालेणं तेणं १० समएणं गंगा-सिंधूओ महानदीओ रहँपहवित्थाराओ अक्खसोतप्पमाणमित्तं जलं वोज्झिहिंति, से वि य णं जले बहुमच्छ-कच्छभाइण्णे ञ्चेव णं आउबहुले भविस्सति। तए णं ते मणुया सूरोग्गमणमुहुत्तंसि य सूरत्थमणमुहुत्तंसि य बिलेहिंतो निद्धाहिति, बिलेहिंतो निद्धाइत्ता मच्छ-कच्छभे थलाइं गाहेहिंति, मच्छ-कच्छभे थलाइं गाहेत्ता सीतातवतत्तएहि मच्छ-कच्छएहिं एकवीसं वाससहस्साई वित्तिं कप्पेमाणा विहरिस्संति। १५ । [सु. ३५-३७. दूसमदूसमाए समाए भरहवासमणुय-सीहादि
ढंकादीणं जम्मंतरगइपरूवणा] ३५. ते णं भंते ! मणुया निस्सीला णिग्गुणा निम्मेरा निप्पच्चक्खाणपोसहोरवासा उस्सन्नं मंसाहारा मच्छाहारा खोदाँहारा कुणिमाहारा कालमासे कालं १. “विकृता-कृतव्रणा तनुः" अवृ० । “विक्षता-विशेषेण क्षतयुक्ता तनुः" इत्यपि, सम्पा० ॥ २. “दद्रु-किडिभ-सिध्मानि क्षुद्रकुष्ठविशेषाः" अवृ०॥ ३. “टोलगतयः-उष्ट्रादिसमप्रचाराः, पाठान्तरेण टोलाकृतयः-अप्रशस्ताकाराः" अवृ० । टोलागति°मु०॥ ४."अशुचयः अश्रुतयो वा" अवृ०॥ ५. विगयचिट्ठा नट्ट मु०, मुद्रितवृत्तावपीत्थमेव प्रतीकम्, किन्तु लिखितवृत्तिपुस्तकेष्वत्र मूलवाचनानुसारी पाठः ॥ ६. “उग्गुंडिय-उद्धूलित" अवृ०॥ ७. “ओसन्नंबाहुल्येन" अव०। उस्सण्णं ला १॥८."रत्नेः-हस्तस्य यत्प्रमाणम् अङ्गुल-चतुर्विंशतिलक्षणम्" अवृ०॥ ९. "परिवारप्रणय” अवृ० । “पाठान्तरे परिपालणबहुलाः” अवृपा० ॥ १०. महाणतीओ वेदड्ढं च ला १॥ ११. बावत्तरिमु०॥ १२. “निगोदाः-कुटुम्बानि" अवृ०॥ १३. महानतीओ ला १॥१४. "रथपथः-शकटचक्रद्वयप्रमितो मार्गः" अवृ०॥ १५. “अक्षश्रोतः -चक्रधुरः प्रवेशरन्ध्रम्" अवृ०॥ १६. “निर्धाविष्यन्ति-निर्गमिष्यन्ति" अवृ०॥ १७.णिद्धातेत्ता ला १॥ १८. “खोद्दाहारा-मधुभोजिनः, भूक्षोदेन वा आहारो येषां ते" अवृ०॥
Jain Education International
For Private & Personal Use Only
www.jainelibrary.org
| SR No. | 001018 |
| Book Title | Agam 05 Ang 05 Bhagvati Vyakhya Prajnapti Sutra Part 01 |
| Original Sutra Author | N/A |
| Author | Bechardas Doshi, Amrutlal Bhojak |
| Publisher | Mahavir Jain Vidyalay |
| Publication Year | 1974 |
| Total Pages | 548 |
| Language | Prakrit |
| Classification | Book_Devnagari, Agam, Canon, Philosophy, & agam_bhagwati |
| File Size | 9 MB |