________________
...... धियाहपण्णत्तिसुत्तं
[स०५ उ०७ खेचोगाहण-दव्वे भावट्ठाणाउयं च अप्पबहुं । खेत्ते सव्वत्थोवे' सेसा ठाणा असंखगुणा ॥१॥ .....
[सु. ३०-३६. चउच्चीसइदंडगेसु सारंभाइवत्तव्यया]
३०. [१] नेरइया णं भंते ! किं सारंभा सपरिग्गहा ? उदाहु अणारंभा ५ अपरिग्गहा ? गोयमा ! नेरइया सारंभा सपरिग्गहा, नो अणारंभा णो अपरिग्गहा।
[२] से केणद्वेणं जाव अपरिग्गहा ? गोयमा ! नेरइया णं पुढविकायं समारंभंति जाव तसकायं समारंभंति, सरीरा परिग्गहिया भवंति, कम्मा परिग्गहिया भवंति, सचित्त-अचित्त-मीसयाई दव्वाइं परिग्गहियाई भवंति; से तेणटेणं तं चेव ।
३१. [१] असुरकुमारा णं भंते ! किं सौरंभा सपरिग्गहा ? उदाहु १० अणारंभा अपरिग्गहा ? गोयमा! असुरकुमारा सारंभा सपरिग्गहा, नो अणारंभा अपरिग्गहा।
[२] से केणटेणं० १ गोयमा ! असुरकुमारा णं पुढविकायं समारंभंति जाव तसकायं समारंभंति, सरीरा परिग्गहिया भवंति, कम्मा परिग्गहिया
भवंति, भवणा परि० भवंति, देवा देवीओ मणुस्सा मणुस्सीओ तिरिक्खजोणिया १५ तिरिक्खजोणिणीओ परिग्गहियाओ भवंति, आसण-सयण-भंडमत्तोवगरणा
परिग्गहिया भवंति, सचित्त-अचित्त-मीसयाई दव्वाइं परिग्गहियाई भवंति; से तेणद्वेणं तहेव। .
[३] एवं जाव थणियकुमारा। ३२. एगिदिया जहा नेरइया ।
३३. [१] बेइंदिया णं भंते ! किं सारंमा सपरिग्गहा १० तं चेव जाव ‘सरीरा परिग्गहिया भवति, बाहिरया भंडमत्तोवगरणा परि० भवंति, सचित्तअचित्त० जाव भवंति।
[२] एवं जाव चउरिंदिया।
१. स्थोबा ला१-२॥ २. असंखेजा॥१॥ मु०॥ ३. सारंभा पुच्छा? ला१-२ मु०॥ ४. "इह भाण्डानि मृण्मयभाजनानि । मात्राणि कांस्यभाजनानि। उपकरणानि लौही-कडच्छुकादीनि" अवृ०॥ ५. “बाहिरया भंडमत्तोवगरण त्ति उपकारसाधाद् द्वीन्द्रियाणां शरीररक्षाथै तत्कृतगृहकादीनि" अवृ०॥
Jain Education International
For Private & Personal Use Only
www.jainelibrary.org
