________________
.
सु० ३६-४३] सक्क-चमर-वजाणं गइखेत-कालऽप्पाबहुयाइ
१५३ [सु. ४२-४३. सक्कयाषमाणणापच्चइयखेयकहणाणंतरं णियसामाणियदेहिं
सद्धिं चमरकयं भगवओ चंदणा-पज्जुषासणाइ] ४२. तए णं से चमरे असुरिंदे असुरराया वज्जभयविप्पमुक्के सक्केणं देविदेणं देवरण्णा महया अवमाणेणं अवमाणिते समाणे चमरचंचाए रायहाणीए सभाए सुहम्माए चमरंसि सीहासणंसि ओहतमणसंकप्पे चिंतासोकसागरसंपविढे ५ करतलपल्हत्थमुहे अट्टज्झाणोवगते भूमिगतदिट्ठीए झियाति ।
४३. तते णं तं चमरं असुरिंदं असुररायं सामाणियपरिसोववन्नया देवा ओहयमणसंकप्पं जाव झियायमाणं पासंति, २ करतल जाव एवं वयासि-किं णं देवाणुप्पिया ओहयमणसंकप्पा जाव झियायंति ? तए णं से चमरे असुरिंदे असुरराया ते सामाणियपरिसोववन्नए देवे एवं वयासी-' एवं खलु देवाणु- १० प्पिया ! मए समणं भगवं महावीरं नीसाए कटु सक्के देविंदे देवराया सयमेव अचासोदिए । तए णं तेणं परिकुवितेणं समाणेणं ममं वहाए वजे निसिढे । तं भई णं भवतु देवाणुप्पिया ! समणस्स भगवओ महावीरस्स जैस्स म्हि पभावेण अकिडे अव्वहिए अपरिताविए इहमागते, इह समोसढे, इह संपत्ते, इहेव अजं उवसंपजित्ताणं विहरामि । तं गच्छामो णं देवाणुप्पिया ! समणं भगवं महावीरं वंदामो १५ णमंसामो जाव पज्जुवासामो' ति कट्ठ चउसट्ठीए सामाणियसाहस्सीहिं जाव सबिड्ढीए जाव जेणेव असोगवरपादवे जेणेव ममं अंतिए तेणेव उवागच्छइ, २ ममं तिक्खुत्तो आदाहिणपदाहिणं जाव नमसित्ता एवं वदासि-'एवं खलु भंते ! मए तुब्भं नीसाए सक्के देविंदे देवराया सयमेव अच्चासाँदिए जाव तं भदं णं भवतु देवाणुप्पियाँणं जस्स म्हि पभावेणं अक्किडे जाव विहरामि । तं २० खामेमि णं देवाणुप्पिया !' जाव उत्तरपुरस्थिमं दिसीमागं अवक्कमइ, २ ता जाव बत्तीसइबद्धं नट्टविहिं उवदंसेइ, २ जामेव दिसिं पादुभूए तामेव दिसिं पडिगते।
१. झियायह? मु० ॥ २. °सातिते । तते णं ला १ ॥ ३. जस्सि मि पभा लों० ला१। जस्स सिं पभा जे० । जस्स मम्हिमनुपभा मु०॥ ४. अज ला १॥ ५. सव्वड्ढी ला०॥ ६. पदाहिणं करेंति जाव ला०॥ ७. सातिए ला० ला१॥ ८. णं मम्हि जस्स अणुपमा मु०॥ ९. जस्स स्सिं पभा लों० । जस्स सिं पभा जे० । जस्स मिम्हि पभा ला१॥ १०. °सविह पट्टविहं उव ला० । °सबद्धं णट्टविहं उव' ला१॥
Jain Education International
For Private & Personal Use Only
www.jainelibrary.org
