________________
सु० २१-३४] सणकुमाराइइड्ढिपरूवणाइ
१२९ सेवं भंते ! सेवं भंते ! त्ति तच्चे गोयमे वायुभूती अणगारे समणं भगवं महावीरं वंदइ नमसति जाव विहरति ।
[सु. ३१. भगवओ मोयानगरीओ जणवयविहारो]
३१. तेए णं समणे भगवं महावीरे अन्नया कयाई मोयाओ नगरीओ नंदणाओ चेतियाओ पडिनिक्खमइ, २ बहिया जगवयविहारं विहरइ। ५ [सु. ३२-३३. ईसाणदेविंदस्स भगवतो वंदणत्थं रायगिहे आगमणं
तओ पडिगमणं च] ३२. तेणं कालेणं तेणं समएणं रायगिहे नामं नगरे होत्था। वण्णओ। जाव परिसा पज्जुवासइ।
३३. तेणं कालेणं तेणं समएणं ईसाणे देविंदे देवराँया सूलपाणी वसभ- १० वाहणे उत्तरड्ढलोगाहिबई अट्ठावीसविमाणावाससयसहस्साहिवई अरयंबरवत्थधरे आलइयमालमउडे नवहेमचारुचित्तचंचलकुंडलविलिहिज्जमाणगंडे जाव दस दिसाओ उज्जोवेमाणे पभासेमाणे ईसाणे कप्पे ईसाणवडिंसए विमाणे जहेव रायप्पसेणइजे जाव (राज. पत्र ४४-५४) दिव्वं देविढि जाव जामेव 'दिसिं पाउन्भूए तामेव दिसिं पडिगए। [सु. ३४. कूडागारसालादिटुंतपुव्ययं ईसाणिंददेविड्ढीए
ईसाणिंदसरीराणुप्पवेसपरूवणा] ३४. [१] ‘भंते !' त्ति भगवं गोयमे समणं भगवं महावीरं वंदति णमंसति, २ एवं वदासी—अहो णं भंते ! ईसाणे देविंदे देवराया महिड्ढीएं। ईसाणस्स णं भंते ! सा दिव्वा देविड्ढी कहिं गता ? कहिं अणुपविट्ठा ? २० गोयमा ! सरीरं गता, सरीरं अणुपविट्ठा ।
[२] से केणडेणं भंते ! एवं वुच्चति सरीरं गता, सरीरं अणुपविट्ठा ?
१. भंते एवं भंते त्ति ला १ ॥ २. तते णं ला०, 'तए णं' स्थाने सर्वत्र 'तते ण' इत्यस्मिन्नादर्शे ॥ ३. यातो नगरीतो नंदगातो चितियातो पडि° ला० ॥ ४. णवइवि ला०॥ ५. °गिहे नगरे ला०॥ ६. देवेंदे देवराया ईसाणवडेंसए विमाणे जहेव राइपसेणइए जाव देविडिंढ जाव जामेव दिसं पडिगते । भंते त्ति ला०॥ ७. ° राया ईसाणवडेसए विमाणे जहेब रायप्प लों० जे०॥ ८. दिसं लों, अस्मिन् आदर्श 'दिसिं' स्थाने 'दिसं' पाठः ॥ ९. °ए कूडागारसालादिटुंतो भाणियव्वो जे० लों० ला०॥ १०. गते ला १॥११. अणुपविठू ला १॥
Jain Education International
For Private & Personal Use Only
www.jainelibrary.org
