________________
. तइयं सयं [सु. १. तइयसयदसुद्देसऽस्थाहिगारगाहा] १. केरिस विउव्वणा १ चमर २ किरिय ३ जाणित्थि ४-५ नगर ६
पाला य ७। अहिवति ८ इंदिय ९ परिसा १० ततियम्मि सते दसुद्देसा ॥१॥ [पढमो उद्देसो 'मोया-केरिस विउव्वणा']
[सु. २. पढमुद्देसस्सुवुग्घाओ] २. तेणं कालेणं तेणं समएणं मोया नाम नगरी होत्था । वेण्णओ। तीसे णं मोयाए नगरीए बहिया उत्तरपुरस्थिमे दिसीमागे णं नंदणे नामं चेतिए होत्था। वण्णओ । तेणं कालेणं २ सामी समोसढे । परिसा निग्गच्छति । पडिगता परिसा । [सु. ३-६. अग्गिभूइपुच्छाए भगषओ चमर-तस्सामाणिय-तायत्तीसग-लोग- १० पाल-अग्गमहिसीणं इड्ढि-जुति-बल-जस-सोक्ख-अणुभाग-विउषणापरूषणा]
३. तेणं कालणं तेणं समएणं समणस्स भगवतो महावीरस्स दोच्चे अंतेवासी अग्गिभूती नामं अणगारे गोतमे गोत्तेणं सत्तुस्सेहे जाँव पजुवासमाणे एवं वदासी-चमरे णं भंते ! असुरिंदे असुरराया केमॅहिड्ढीए १ केमहन्जुतीए ? केमहाबले ? केमहायसे १ केमहासोक्खे १ केमहाणुभागे? केवतियं च । णं पभु विकुवित्तए १ गोयमा! चमरे णं असुरिंदे असुरराया महिड्ढीए जाव महाणुभागे। से णं तत्थ चोत्तीसाए भवणावाससतसहस्साणं, चउसट्ठीए सामाणियसाहस्सीणं, तायत्तीसाए तायत्तीसगाँणं जाँव विहरति । एमहिड्ढीए १. पालय त्ति। लघुवृ०॥ २. “मोया समत्ता-मोकाभिधाननगर्याम् अस्य उद्देशकार्थस्थ कीदृशी क्कुिर्वणा' इत्येतावद्रूपस्य उक्तत्वाद् ‘मोका' एव अयम् उद्देशक उच्यते” इत्यस्य प्रथमोद्देशकस्यान्ते अवृ०॥ ३. एतौ नगरी-चैत्यवर्णको पूर्ववर्णकवद् वाच्यौ॥ ४. अत्र 'जाव'पदेन प्रथमशतके प्रथमोद्देशके आगतः श्रीगौतमस्वामिनः समग्रो वर्णको वाच्यः॥ ५. केमहड्ढी ला०॥ ६. तावत्ती° लो० ला १॥ ७. अभिधर्मकोशे "षड् देवाः चातुर्माहाराजिक-त्रयस्त्रिंशयामतुषित-निर्माणरति-परनिर्मितवशवर्तिनः इति देवाः" अभिधः । तावतिसा इति पालिशब्दः॥ ८. 'जाव'पदेन 'चउण्हं लोगपालाणं पंचण्हं अग्गमहिसीणं सपरिवाराणं, तिण्हं परिसाणं, सत्तण्हं अणियाणं, सत्तण्हं अणियाहिवईणं, चउण्हं चउसठ्ठीणं आयरक्खदेवसाहस्सीणं, अन्नेसिं च बहूणं चमरचंचारायहाणिवत्थव्वाणं देवाण य देवीण य आहेवच्चं पोरेवच्चं सामित्तं भट्टित्तं आणाईसरसेणावचं कारेमाणे पालेमाणे महयाऽऽहयनट्ट-पीय-वाइय-तंती-तल-ताल-तुडिय-घणमुइंगपडुप्पबाइयरवेणं दिब्वाइंभोगभोगाई भुंजमाणे' इति वाच्यम् ॥
Jain Education International
For Private & Personal Use Only
www.jainelibrary.org
