________________
'वहित्तु' सूत्र ● १२१
इत्तो अणुव्वए पंचमम्मि आयरिअमप्पसत्थम्मि । परिमाण-परिच्छेए, इत्थ पमाय - प्पसंगेणं ॥ १७॥ धण-धन्न - खित्त-वत्थू, रूप्प - सुवन्ने अ कुविअ - परिमाणे । दुपए चउप्पयम्मि य, पडिक्कमे देसिअं सव्वं ॥१८॥ गमणस्स य परिमाणे, दिसासु उड्डुं अहे अ तिरिअं च । ★ वुड्डि सइ - अंत्तद्धा, पढमम्मि गुणव्वए निंदे ॥ १९ ॥ मज्जम्मि अ मंसम्मि अ, पुप्फे अ फले अ गंध मल्ले अ । उवभोग-परीभोगे, बीअम्मि गुणव्वए निंदे ॥२०॥ सच्चित्ते पडिबद्धे, अपोल - दुप्पोलियं च आहारे । तुच्छोसहि-भक्खणया, पडिक्कमे देसिअं सव्वं ॥ २१ ॥ इंगाली - वण - साडी भाडी फोडी सुवज्जए कम्मं । वाणिज्जं चेव दंत - लक्ख-रस- केस - विस - विसयं ॥२२॥ एवं खु जंतपीलण -कम्मं निल्लंछणं च दव- दाणं । सर - दह-तलाय - सोसं, असई-पोसं च वज्जिज्जा
( ज्जेमि ) ॥२३॥ सत्यग्गि-मुसल- जंतग-तण-कट्ठे मंत- मूल - भेसज्जे । दिन्ने दवाविए वा, पडिक्कमे देसिअं सव्वं ॥२४॥ हाणुव्वट्टण-वन्नग - विलेवणे सद्द-रूव-रस- गंधे । वत्थासण - आभरणे, पडिक्कमे देसिअं सव्वं ॥२५॥ कंदप्पे कुक्कुइए, मोहरि - अहिगरण - भोग - अइरिते । दंडम्मि अणवट्टाए, तइअम्मि गुणव्वए निंदे ॥ २६ ॥ तिविहे दुप्पणिहाणे, अणवट्ठाणे तहा सइ - विहूणे । सामाइय (ए) वितह - कए, पढमे सिक्खावए निंदे ॥२७॥
-
★ वुड्डी पाठांतर - श्राद्ध प्रतिभासूत्र - भाषांतर, पृ. २६४.
Jain Education International
For Private & Personal Use Only
www.jainelibrary.org
