Book Title: Shrutpanchami Author(s): Darbarilal Kothiya Publisher: Z_Darbarilal_Kothiya_Abhinandan_Granth_012020.pdf Catalog link: https://jainqq.org/explore/212072/1 JAIN EDUCATION INTERNATIONAL FOR PRIVATE AND PERSONAL USE ONLYPage #1 -------------------------------------------------------------------------- ________________ zruta-paJcamI zrIvRSabhAdivIrAntaM raagdvessvivjitm| jinaM natvA guruM ceti zrutaM naumi jinodbhavam // digambarajainaparamparAyAM mahAvIra-janyatyutsavavadeva zruta-paJcamyutsavo'pi mahatA''dareNa prativarSa sollAsaM sampadyate / taddivase sve sve sthAne sarve jainAH sambhUya zrutapUjAM prakurvate / zrutotpattezcai tihyamAkarNayanti / tanmAhAtmyaM cAvadhArayanti / prasIdanti ca muhurmuhuH svamanassu / dhanyo'yaM divasaH / dhanyAste mahAbhAgAH yairasmin divase'smatkRte svahitapradarzakaH zru tAlokaH pradattaH / yadAlokenAdyAvadhi pazyAmo vayaM svahitasya panthAnam / yadi nAma na syAccha tAloko'yaM na jAne pathabhraSTAH santaH kva gacchema vayam / 'na hi kRtamapakAraM sAdhavo vismaranti' iti satAM vacanamanusmRtyAsmAbhiH zrutadevatAjanmadAtuH smaraNArthaM svasya kRtajJatAprakAzanArtha cedaM zratapaJcamotiparva savaiziSTayaM sampAdanIyam / satataM zrutAbhyAsa-paThana-pAThanadattacetobhizca bhAvyam / sarvatra ca zrutapracAraH kAryaH / kevalamekatra sthAne zAstrANyekIkRtya tebhya arghapradAnaM na zrutapUjA zru topAsanA vA, apitu nityaM prasannena manasA zAstrAdhyayanaM gRhe gRhe zAstrapravezaH zAstradAnaM zAstraprakAzanaM cetyevaM zrutapracAraH zrutaprasAro vA zrutapUjA vijJeyA / zrAvakasya SaDAvazyakeSu 'devapUjA gurUpAsti svAdhyAyaH saMyamastapaH / ' ityAdinA svAdhyAyasyAvazyakakarttavyatvena nirdezaH kRtaH / zrAvakAcAra-sAdhvAcAramarmajJena viduSA zrImadAzAdhareNa zrutapUjA devapUjAtulyaivAbhihitA ye yajante zrutaM bhaktyA te yajante jinmnyjsaa| na kiJcidantaraM prAhurAptA hi zrutadevayoH / / -sAgAradharmAmRte 2-44 / svAmisamantabhadrAcAryeNApyuktaM devAgamesyAdvAda-kevalajJAne srvtttv-prkaashne| bhedaH sAkSAdasAkSAcca hyavastvanyatamaM bhavet // 105 // ataeva pUjA-bhaktyAdiSu zrutasyaiva bhaktiH prArthitA, na matyAdicatuSTayasya, saMsAravArakatvAbhAvAt mokSakAraNatvAbhAvAcca / zrutasya tu tadubhayakAryakAritvAt / tathA hi zrute bhaktiH zru te bhaktiH zru te bhaktiH sadA'tu me| sajjJAnameva saMsAravAraNaM mokSakAraNam / / itthaM zrutasya mAhAtmyaM viditameva / sAmprataM zrutotpatteH kiJcidaitihyaM vilikhyate / yadyapi zrutAvatArAdigrantheSu zrutotpatteraitiAM nibaddhameva tathApi sarvajanAvabodhArthamatra saMkSepataH tannigadyate / tathA hi SaTkhaNDAgamasya TIkAyAM dhavalAyAM vIrasenAcAryeNa kartR vivecanaprasaGgena kartA dvividhaH proktaH-arthakartA granthakartA ca / tatrArthakartA dravyAdicatuSTayApekSayA caturvidho nirUpitaH-dravyakartA kSetrakartA kAlakartA bhAvakartA ca / aSTAdazadoSavimuktazcaturvidhopasagaMdvAviMzatiparISahAtikrAnto yojanAntaradarasamIpasthASTAdazabhASAsaptazata -462 - Page #2 -------------------------------------------------------------------------- ________________ kSullakabhASAsamanvitatiryagdevamanuSyabhASAkAranyUnAdhikabhAvAtItamadhuramanoharagambhIravizadavAgatizayasampanna: zatendraprAptapUjAtizayo mahAvIro'rthakartA / kSetrato'rthakartA paJcazailapure (rAjagRhanagarasamIpe) ramye parvatottame vipulAcale bhavyalokAnAM hitArtha mahAvIreNArthaH kathitaH / itthaM sa eva vipulAcalastho bhavyajIvAnAmarthopadezako mahAvIraH kSetrakA vijJeyaH / kAlato'rthakartA'bhidhIyate immisse vasappiNoe cauttha-samamassa pacchime bhaae| cotIsa-vAsa-sese kiMci vi sesUNae saMte // vAsassa paDhamamAse pakkhammi sAvaNe bhule| pADivada-puvva-divase titthuppattI du abhijammi / AbhyAM gAthAmyAmidamuktam-asyAmavasarpiNyAM caturthakAlasya duHSamAsuSamAnAmakasyAntime bhAge kiJcinnyUnacatustrizadvarSAvazeSa varSasya prathamamAse zrAvaNe'sitapakSe pratipaddivase pUrvAlle'bhijinnakSanne dharmatIrthotpattiH (vIrazAsanotpattiH) jaataa| tAtparya midaM yacchrAvaNakRSNapratipadivase bhagavatA tIrthakareNa mahAvIreNa svadivyadhvaninA bhavyalokasya hitamupadiSTamiti / ataeva zrAvaNakRSNapratipahivasaH samagrajainasaMsAre 'vIrazAsana-jayanti' iti nAmnA parva prkhyaatimvaap| vIrajayantivadvIrazAsanajayantyapi samprati kvacitkvacita samAyujyate jainaiH / idAnI bhAvato'rthakartA nirUpyate-karmacatuSTayamukto'nantacatuSTayasampanno navakevalalabdhisaMyuto mahAvIro bhAvazrutamupadizatIti bhAvato'rthakartA samabhidhIyate / tena mahAvIreNa kevalajJAninA kathitArthastasminneva kAle tatraiva kSetre kSAyopazamikamatyAdijJAnacatuSTayasampannena jIvAjIvaviSayasandehavinAzanArthamupagatavarddhamAna-pAdamUlena gautamendrabhUtinA'vadhAritaH / itthaM zrutaparyAyeNa pariNato gautamo dravyazrutasya kartA / tasmAd gautamAd grantharacanA jAtA iti / tena gautamena dvividhamapi zrutaM lohAryasya saMcAritam / tenApi jambUsvAminaH / evaM parinATIkrameNa ete trayo'pi mahAbhAgAH sakalazrutadhArakA bhaNitAH / paripATIkramamanavekSya ca saMkhyAtasahasrAH sakalazrutadhArakA vabhUbuH / gautamadevo lohAryo jambUsvAmI caite trayo'pi saptavidhalabdhisampannAH sakalazrutapAraMgatA bhUtvA kevajJajJAnamavApya nirvRti (mukti) prApuH / tato viSNunandimitrAdayaH paJcApi caturdazapUrvadhArakA jAtAH / tadanantaraM vizAkhAcAryAdaya ekAdazAcAryA ekAdazAnAmaGgAnAmutpAdapUrvAdidazapUrvANAM ca pAraMgatAH saMjAtAH / zeSoparimacaturNA pUrvANAmekadezadharAzca / tato nakSatrAcAryAdayaH paJcAcAryA ekAdazAnAmaGgAnAM pAraMgatAzcaturdazAnAM ca pUrvANAmekadezajJAtAraH smbhuutaaH| tataH subhadrAdayazcAtvAra AcAryAH sAmastyenAcArAGgadhArakAH zeSAGgapUrvANAmekadezadhArakAH samabhavan / eteSAM sarveSAM kAla: 683 varSaparimitaH / vIranirvANAt 683 varSANi yAvadaGgazrutajJAnamavasthitam / tataH sarveSAmaGgAnAM nikhilapUrvANAM caikadezaH zrutabodha AcAryaparamparayA dharasenAcArya samprApta iti / tena dharasenAcAryeNa zrutavatsalenASTAGgamahAnimittapAratena granthavicchedo bhaviSyatIti jAtazrutavicchedabhayena mahimAnagaryAM samAyojite viziSTadharmotsave sammilitAnAM dakSiNApathAcAryANAM samIpe eko lekhaH (patrAtmakaH) preSitaH / tallekhAt dharasenAcAryasya zrutarakSaNAbhiprAyaM vijJAya tairAcAryavidyAgrahaNa-dhAraNasamarthoM dhavalAmalabahuvidhavinayavibhUSitAGgau suzIlau deza-kula-jAtizuddhau sakalakalApAraMgatau dvau sAdhU dharasenAcAryasamIpe saurASTradezasthe girinagare preSitau / nizAyAH pazcime prahare dharasenAcAryeNAtivinayasampannau dhavalavarNI zubhau dvau vRSabhau svapne dRSTau / evaMvidhaM susvapnaM dRSTvA prasannena cetasA dharasenAcAryeNa 'jayau suyadevadA'-jayatu zrutadevateti saMlapitam / tasminneva divase prAtaH tau dvAvapi sAdhU samAgatau / tAbhyAM dharasenAcAryasya pUrNatayA vinayAcAro vihitaH / tathApi tayoH parIkSaNArtha suparIkSA hi hRdayasantoSakareti saJcintya hInAdhikavarNayukte dve vidye sAdhayituM pradatte / to pratyuktaM caite vidye SaSThopavAsena sAdhanIye / tadanantaraM tayordai vikRtAGge vidyAdevate Page #3 -------------------------------------------------------------------------- ________________ dRSTipathamAjagmatuH / tayormadhye ekodgatadantA aparekanetrA / na caiSo devatAnAM svabhAva iti vicintya maMtravyAkaraNazAstrakuzalAbhyAM tAbhyAM te vidye zuddhIkRtya punaH sAdhite / tatazca te vidyAdevate svasvabhAvasthite dRSTe / punastAbhyAM sarvametadvRttaM varasenAcArya prati niveditam / dharasenAcAryeNa jJAtazrutagrahaNayogyatAviziSTapAtreNa santuSTena zubhatithau zubhanakSatre zubhadivase tAbhyAM siddhAntagranthaH prArabdhaH / punaH krameNa vyAcakSamANena tena dharasenAcAryeNASADhamAsazuklapakSakAdazamyAM pUrvAhna granthaH samApti niitH| tena santuSTabhUta vizeSairdevaistadA tayormadhye ekasya bali (naivedya) puSpAdibhiH mahatI pUjA kRtA / tenAcAryeNa dharasenenaikasya bhUtavaloti nAma kRtam / aparasya bhUtavizeSairdevaireva pUjitasya samIkRtAstavyastadantasya puSpadanta iti saMjJA kRtA / etAbhyAmevAcAryAbhyAM SaTkhaNDAgamasya dharasenAcAryataH paThitasya grantha-racanA kRtA / yadyapi alpAyuSkeNa puSpadantAcAryeNa viMzatiprarUpaNAsamanvitasatprarUpaNAyA eva sUtrANi racitAni, bhatabalyAcAryasya savidhe jinapAlitadvArA preSitAni ca, bhagavatA bhUtabalibhaTTArakeNa mahAkarmaprakRtiprAmRtasya vicchedo bhaviSyatIti vicArya dravyapramANAnugamAdinikhilaSaTkhaNDAgamazrutasya nibandhanaM kRtam, tathApi khaNDasiddhAntApekSayA tAvubhAvAcAryoM zrutasya (SaTkhaNDAgamasya) kartArAvabhidhIyate / ___ evaM mUlagranthakartA varddhamAnabhaTTArakaH, anugranthakartA gautamasvAmI, upagranthakartAro bhUtabali-puSpadantAdayo vItarAga-dveSa-mohA munivarA ityavadheyam / zrutanivandhanaviSayakametAvanmAtrameva vRttaM vIrasenAcAryeNa dhavalATIkAyAM nibaddhamasti / atastaduktavacanAt zrutArambhatithirna vijJAyate / tasmAttu kevalamidamevAvagamyate yacchubhatithau zubhanakSatre zubhavAre tAbhyAM zrutAbhyAsaH samArabdhaH / ASADhamAsazuklapakSakadazamyAM ca samApti nItaH / kintu zrImadindranandikRte zrutAvatAre pustakAkAreNa nibaddhasya zrutasya (SaT khaNDAgamasya) titheH spaSTatayollekhaH kRtaH / tathA hi jyeSThasitapakSapaJcamyAM cAturvarNyasaMghasamavetaH / tatpustakopakaraNaiya'dhAt kriyApUrvakaM pUjAm // zru tapaJcamIti tena prakhyAti tithiriyaM parAmApa / adyApi yena tasyAM zrutapUjAM kurvate jainAH / / ata etatpramANAjjyeSThazuklA paJcamI samupalabdhasya nibaddhazrutasya tithiriti nizcIyate / atra sandehasya kimapi kAraNaM nAsti; tadavacanasya prAmANyAGgIkArAta tato'syAM tithau zratapaJcamIsamAroha: sarvajanaH samullAsapUrvakaM samAyujyate /