Book Title: Prof Jacobina Patra no Uttar
Author(s): Anandsagarsuri
Publisher: ZZ_Anusandhan
Catalog link: https://jainqq.org/explore/229515/1

JAIN EDUCATION INTERNATIONAL FOR PRIVATE AND PERSONAL USE ONLY


Page #1
--------------------------------------------------------------------------
________________ anusandhAna-41 pro. jekobInA patrano uttara muni nemivijaya-muniAnandasAgara || arha  //  rAjanagarato muninemavijayAnandasAgarAbhyAM jJAnAbhyAsavilAsavAsitAnta:karaNAn saMskRtAdhyApakAn yAkobiprakhyAn prati datto dharmalAbho vilasatutarAm  /  bhavatAM samAgataM parIhAryamImAMsApratyuttaraM zrAddhakhImajIhIrajIkAyAnIsamAkhyAtaM prati cirakAlena samAlabhya tatpratyuttaravisarjanaM vidhIyate  /  tathA hi -- bhUyiSThajainAgamasammatamadya-mAMsabhakSaNaniSedhavyavasthAyAM yadaikamatyaM prAdarzi tanmarmajJocitam  /  "kintu" yat prAcInAnAM madya-mAMsa-bhakSaNasya niSedho na sarvadA''sIditi pratipAdanArthamugrasenaM dRSTAntatvenopanyasya tadAdInAmAhatatvaM tIrthakarasambandhAdanumitaM, tanna - tIrthakarasambandhino jainA evetyatra vinigamanAvirahAt, zAntinAthAditIrthasRTsambandhiSu jainabhinnatvopalabdheH  /  adhunAtanajainAnAmapi svabhinnasambandhadarzanAcca  /  kenacidAcaritasya samudAyAcaraNAnumAne'kAraNatvAcca  /  ugrasenakumArIpariNayAvasarabaddhapazusamajAraTizravaNacakitapRSTasArathiniveditatatkAraNakatadanubhAvimRgavadhapratiSedhakRjjJAnatrayavibhUSitabhagavannemicaritracamatkRtisvAdananaipuNyenA''rhatAnAM mAMsabhakSaNaparIhArAnumAnasyaiva dAdAcca  /  /  yacca, samAcArAnyathAtvaprapaJcanapATavena prAcInasthavirakalpikamunikartRkamAMsabhakSaNAnumAne'pi na kSatirityucyate - tadapi rabhasAt  /  prAcInAdyatanasthavirakalpikamunikartRkabhakSaNAcArasyaikatvAt  /  adyatanAnAM munInAM madyamAMsabhakSaNAcArasya sarvathAbhAvAt  /  jinakalpikAnAM tu tadbhakSaNaM na sambhavatyeveti pUrvameva vishdiikRtm| ___ yadapi ca, tiktetyAdikozabalenopalabdhAvapi vanaspatiniSThavAcyatAyAH strItvenoddiSTo matsyazabdo'tra sUtre tu puMstveneti matsyazabdasya na mInArthAtiriktavAcakatvamityAdhuktaM, tadapyasat - caNDa-siddhahemacandra-pANinIyavyAkaraNastha"kvacid vyatyayaH" - "liGgamatantraM". "liGga vyabhicAryapI"tisUtrarliGgavyatyayasyA'pi sadbhAvAt  /  ata eva tatra tatra liGgavyatyayenoktirapi saGgacchate  /  yaccoktaM - yadi matsyazabdasya mukhyArthavyatirekeNA'rthAntarAbhidhAyitvaM syAt tadA tasyA'rthAntarasya bAdhakameva mAMsazabdasya tena saha sAmAnAdhikaraNyaM

Page #2
--------------------------------------------------------------------------
________________ October-2007 23 syAdityAdi-tadapi na; mAMsazabdasya svayaMsvIkRtaphalagarbhavizeSArthasyA'smaraNAt / etenA'rthaH prakaraNamityAdisidhyatyantamapAstamavaseyam / evaM zakyArthenaiva nirvAhe lakSaNAviSayakacarcAyA anudaya eva / yaccoktaM - dazamoddezake bhojanapAnayoH prastutatvAccikitsAyA abhAvAcca na bhujirbAhyaparibhogArtho gRhyate - tadapyApAtataH, atraiva piNDaiSaNAprakaraNe'prastutasyA'pi vihArasya kathaJcit prasakteraviruddhatvavanmAMsakarmakabAhyaparibhogArthasyA'pyaviruddhatvAditi vibhAvanIyam / yacca - padmAvatI kAmamaJjarI vA vRNuSvetyatreva sakRduccarito bhujirnA'bhyavahAraM bAhyaparibhogaM cA'rthaM vaktuM zakta ityAdi - tadapyanucitam; ekasyaiva bAhyaparibhogArthasya TIkAkRtA kathanAt / ___ yazca marmajijJAsorbhavato mAMsabhakSaNa-lepanadoSatAratamyapraznastatredaM vicAryatemAMsabhakSaNaM bahuzrutavirodhenA''saktivizeSajanakatvena vipAkadAruNatvena hiMsAmUlakatvena ca sutarAM parihAryam / anyattu na sarvathA tathAvidhamiti lUtAdiviSamarogasadbhAvAparihAre sadoSamapi sadvaidyopadezato na virudhyata ityAdi svayameva 'AyaM vayaM tulijjA' ityAdisiddhAntavacanabalenohanIyamiti / dRSTAntatvena jinakalpopAdAnaM bhavadbhiH kRtamapyAGglabhASAvaidagdhyadoSataH kAyAnIkRtabhASAntarAnusaraNato na tathA'vagatamiti nA'smadoSa ityata: prahitamudritapatrato'vagantavyam / etAvatA mUla eva punarAvRtteH prAgapi ca satyArthaprakAzanenA'nAgrahitvaprasiddhirbhavatAM bhavedityAzAsvahe / enaM vicAramavadhAryocitakaraNIyAya bhavate brUvo yadi kAcicchaGkA bhavata udeSyati tAvAM bhavatprahitaM patraM tUrNamavApya tadvinodAya yatevahIti / patraM tu nIcaistane sthAne praiSyamtatra zironAma - 'nemivijayAnandasAgarau' sthAnaM - pAMjarApola jainatattvavivecakasabhAmantrI-kezavalAla amathAbhAI ahamadAbAda / /