Page #1
--------------------------------------------------------------------------
________________ 45 "jaisI karanI vaisI bharanI" para eka TippaNI O DaoN. rAjendrasvarUpa bhaTanAgara hama sabhI sunate Aye haiM ki jo jaisA karegA vaha vaisA phala paayegaa| 'jaisI karanI vaisI bhrnii'| parantu hama meM se bahutoM kA yaha anubhava bhI hai, ki vyavahAra meM isa mAnyatA ke ullaMghana hI adhika milate haiN| yadi anubhava se isa mAnyatA kI puSTi nahIM hotI to ise kyoM sahI samajhA jAya ? eka uttara yaha ho sakatA hai ki yaha mAnyatA eka aisI daNDa vyavasthA kI sUcaka hai, jo taba bhI sakriya rahatI hai, jaba mAnavIya vyavasthA chinna-bhinna ho jAtI hai, aura pariNAmasvarUpa sanmArga meM pravRtti ke lie isameM vizvAsa sahAyaka hai| parantu punaH zaMkA hotI hai ki yadi aisI koI daNDa vyavasthA hai to usakI puSTi kisa prakAra hotI hai ? mAnavIya vyavasthA ke chinna-bhinna hone para 'trAhi mAm, trAhi mAm' to sarvatra sunAI par3atA hai, parantu usa pukAra ko koI sunatA hai, yaha kaise nizcaya ho, jabaki anubhava isake viparIta hai / purANa tathA sAhitya ke kSetra se aise udAharaNa prastuta kiye jA sakate haiM jinase karma-phala kI saMgati kI yukti kA aucitya siddha ho| parantu aise sabhI udAharaNoM ke viSaya meM, vivAda ko sthiti (aitihAsikatA kI dRSTi se) hone se, itanA hI kahA jA sakatA hai, ki yaha mAnyatA mAnavIya icchA kI dyotaka hai, hama cAhate haiM, kiM aisA ho, para aisA hogA, isakI koI gAranTI nahIM / aura yadi kinhIM avasaroM para aisI saMgati mila bhI jAya taba bhI yaha siddha nahIM hogA ki yaha saMgati anivArya hai / isakI anivAryatA kevala tabhI siddha mAnI jA sakatI hai jaba usakA apavAda asambhava ho| dUsarI ora isa ukti kI vilakSaNatA yaha hai ki viparIta anubhava hone para bhI buddhi ko yaha bAta yuktiyukta lagatI hai, ki jo jaisA karegA vaha vaisA phala pAyegA / aisA kyoM ? isa sambandha meM do bhinna prakAra kI bAtoM kI ora dhyAna jAtA hai / prathama to kAryakAraNa kA siddhAnta, dUsare kartA ke sandarbha meM karma kA jiivnvRtt| yaha buddhi kI eka mAMga hai ki yadi ghaTanAeM buddhigrAhya haiM to unameM kAryakAraNa sambandha prApta honA caahie| yadi aise saMsAra kI kalpanA kareM jisameM kucha bhI sambhava ho, kisI ghaTanA ke bAda koI bhI ghaTanA ho jAtI ho, to vahAM buddhi ko koI gati nahIM ho sakatI-aise saMsAra ke viSaya meM kisI bhI ghaTanA ke bAre meM koI yuktiyukta bAta nahIM kahI jA sktii| bhaviSya ke viSaya meM hamArI apekSAe~ pahale to ho ho nahIM sakatIM, aura yadi hama kisI prakAra kI Jain Educationa International For Personal and Private Use Only
Page #2
--------------------------------------------------------------------------
________________ "jaisI karanI vaisI bharanI" para eka TippaNI ] [ 266 kalpanA kara bhI leM, to usakI saMbhAvyatA ke bAre meM koI nizcaya sambhava nahIM hogaa| isake viparIta mAnavIya vyavahAra bar3I sImA meM isa apekSA para nirbhara hai ki ghaTanAoM meM koI paraspara sambandha hotA hai, isa sambandha ko kAryakAraNa ke rUpa meM jAnA jA sakatA hai, tathA isa prakAra ke jJAna ke AdhAra para hI karma ko sambhAvanA ko svIkAra kiyA jA sakatA hai| anya zabdoM meM, vyavasthA evaM saMgaThana kI avadhAraNA jJAna tathA karma ke lie samAna rUpa meM mahattvapUrNa haiN| kucha dArzanikoM ne isa sambandha meM yaha zaMkA uThAI hai ki kAryakAraNa kI anivAryatA kA koI bauddhika evaM prAnubhAvika AdhAra nahIM hai| ghaTanAoM ke kisI krama vizeSa ko aneka bAra dekhane para eka ghaTanA se dUsarI ghaTanA kI ora hamArA dhyAna sahasA hI calA jAtA hai, aura hama mAna baiThate haiM ki eka dUsare kA kAraNa hai / skaoNTalaiNDa ke dArzanika hya ma kA yaha mata dArzanikoM ke lie bhArI cunautI rahA hai| isa mata ko yadi mAna bhI leM, taba bhI isa bAta para koI prabhAva nahIM par3atA ki viSaya grahaNa ke lie buddhi kI kiMcita mAMgoM kI pUrti Avazyaka hai| isa bahasa meM jAye binA tathA kama se kama itanA svIkAra kara lene para ki ghaTanAoM meM kisI prakAra kA krama dekhanA sambhava hai, usakA AdhAra cAhe kucha bhI ho, karma ke viSaya meM bhI yaha apekSA hotI hai ki koI bhI karma pariNAma svarUpa kisI sthiti vizeSa meM parisamApta hotA hai / isa pariNAma tathA karma kI Thosa prakriyA meM koI sambandha hotA hai| yaha upayukta sambandha honA cAhie / spaSTa hai ki isa DhAMce meM hama karma tathA pariNAma ko do alaga-alaga sthitiyoMkAraNa tathA kArya ke rUpa meM dekha rahe haiN| yahAM eka kaThinAI upasthita hotI hai aura vaha karma ke jIvanavRtta ko dUsare rUpa meM dekhane ke lie bAdhya karatI hai| pariNAma ko karma se alaga dekhane se kyA tAtparya hai ? hamane kahA ki pariNAma vaha sthiti hai jisameM karma ko parisamApti hotI hai / to kyA yaha kahanA adhika saMgata nahIM hogA ki parisamApti taka jo kucha hotA hai, vaha saba karma hai ? kisI vyakti kA icchA karanA, saMkalpa karanA, viSaya athavA sthiti vizeSa (lakSya) ke prApti ke nimitta udyama karanA, lakSya ko prApta karanA-ye sabhI avasthAe~ karma ke jIvana vatta kI vibhinna avasthAeM haiM, aura inameM antima sthiti karma ke pariNAma kI sthiti hai| isa avasthA meM karma tathA pariNAma kA bheda vastutaH karma ke antargata hI par3egA-kadAcit 'karma' ke sthAna para kevala 'prakriyA' kahanA adhika ucita hogA-prakriyA tathA pariNAma karma ke do aMga hoMge jinameM kAraNa aura kArya kA sambandha mAna skeNge| aura phira kAraNa tathA kArya kI saMgati ke sandarbha meM prakriyA tathA pariNAma kI saMgati kI carcA karanA kadAcit adhika yuktisaMgata hogaa| yahA~ prabuddha pAThaka yaha Apatti uThAyeMge ki karma phala kI saMgati, prakriyA aura pariNAma kI saMgati kI bAta nahIM hai| isa Apatti ko samajhane ke lie Jain Educationa International For Personal and Private Use Only
Page #3
--------------------------------------------------------------------------
________________ 300 ] [ karma siddhAnta eka udAharaNa leM : 'ka' ne 'kha' ko cAkU se mAra ddaalaa| 'ka' pakar3A jAtA hai| use daNDa milatA hai-use AjIvana kArAvAsa diyA jAtA hai| isa sthiti meM 'cAkU mAranA' tathA 'kha kA maranA' kAraNa kArya ke rUpa meM dekhe jA sakate haiM tathA prakriyA evaM pariNAma ke rUpa bhI / 'kha kA maranA' ka ke lie usake karma kA phala nahIM mAnA jaaygaa| apitu 'ka' kA isa karma ke lie daNDa pAnA phala kahA jaaygaa| svayaM 'ka' kI dRSTi se dekheM to kadAcit vaha 'kha' ko kevala jakhmI karanA cAhatA thA, athavA. kadAcit vaha apane tIvra roSa ko vyakta karanA cAhatA thaa| aisI avasthA meM phala ke sambandha meM 'ka' kI kyA apekSA ho sakatI thI? zAyada yaha ki 'kha' usakI tAkata ko phcaane| aba 'kha' ke coTa laganA, usake . prAraNoM kA ghAta, tathA 'ka' kI tAkata kI pahacAna 'kha' ke lie, ye eka hI bAta nahIM hai, aura pariNAmasvarUpa pariNAma, kArya tathA phala bhI eka hI cIja nahIM hai| karma phala kI saMgati kI dRSTi se, yadi 'ka' nyAyika dRSTi se doSI thA, to usakA daNDa pAnA, saMgati kI puSTi ke rUpa meM dekhA jaaygaa| parantu 'ka' (mAna lIjie, vaha vivAhita hai, usake bacce haiM) kI patnI tathA baccoM ko kisa karma kA phala milA ? ve hatyAre ke parivAra ke sadasya kahalAyeMge, unake jIvana yApana para saMkaTa AyegA, baccoM ke pAlana poSaNa, zikSA-dIkSA para hAnikAraka prabhAva par3egA-ye saba unake kisa karma se jor3A jAya ? isI prakAra, jisakI hatyA huI hai, usake parivAra ke sadasyoM ke sambandha meM prazna uThatA hai| sthiti ke ye dUsare pakSa karmaphala saMgati para prazna cihna lagAte haiM / uparyukta udAharaNa se aneka ulajhanoM kI ora dhyAna jAtA hai / pariNAma, kArya athavA phala kI avadhAraNAoM kA paraspara kyA sambandha hai? phala kI bAta karate samaya hama eka silasile meM kisI eka kar3I ko kyoM cunate haiM ? isa vizleSaNa meM ghaTanAoM ko sAmAjika artha dene se kisa prakAra kI jaTilatA utpanna hotI hai ? aadi| dUsare jina avasthAoM meM phala tathA karma kI saMgati baiThatI nahIM dIkhatI vahAM kisa prakAra kI vyAkhyA santoSajanaka ho sakatI hai ? ina praznoM ke Aloka meM eka bAra karma ke jIvanavRtta para punaH dRSTi ddaaleN| hamane karma kI vibhinna avasthAoM ko nimnalikhita rUpa meM liyA : icchA, saMkalpa, udyama tathA pariNAma (lakSya kI praapti/apraapti)| vizleSaNa kI dRSTi se karma ke rUpa kA yaha bar3A sIdhA sAdA tathA spaSTa citraNa mAlUma par3atA hai| parantu yaha aparyApta vizleSaNa kA pariNAma hai, tathA kevala vyAvahArika dRSTi se hI sarala sthiti hai| yaha anAvazyaka rUpa meM sarala kyoM hai, isameM kisa prakAra kI jaTilatAe~ haiM ? inakI ora dhyAna deN| pahale to 'icchA' svayaM eka pariNAma hai| kisI karma vizeSa ko alaga karane ke prayAsa meM hI hama use kisI icchA vizeSa se jor3ate haiM / parantu usakI vizada samajha ke lie 'icchA' ko samajhanA Avazyaka hotA hai| nyAyika sandarbha meM bahudhA karma kI preraNA ke viSaya meM prazna uThAyA Jain Educationa International For Personal and Private Use Only
Page #4
--------------------------------------------------------------------------
________________ "jaisI karanI vaisI bharanI" para eka TippaNI ] . [ 301 jAtA hai| yaha samajha hameM eka dUsare silasile kI ora le jAtI hai, aura hama icchA ko svabhAva, uddIpana Adi ke pariNAma athavA kArya ke rUpa meM dekhane lagate haiN| yadi aura dhyAna se vicAra kareM, to vyakti jisa samAja meM hai, jisa yuga tathA deza meM hai, tathA jisa sAMskRtika praveza meM hai, usase usakI icchA ke viSaya meM samajha bar3hatI hai| isa prakAra ke sandarbha usa avasthA meM mahattvapUrNa ho jAte haiM, jaba hama icchApUrti tathA usake sAdhana para kartA ke vicAra-vimarza tathA antataH usake nizcaya para dhyAna dete haiN| isa prakAra karma kA eka prAntarika itihAsa bhI hotA hai, jo parokSa rUpa meM jAnA, samajhA jA sakatA hai / jaba udyama ke viSaya meM vicAra karate haiM to sAdhAraNatayA kartA kI zArIrika gati tathA mudrA kI ora dhyAna jAtA hai| parantu udyama kI AvazyakatA tathA paryApta avasthAnoM para vicAra kareM, to patA calegA ki bahuta kucha hama mAna kara calate haiM, to bahuta kucha aisA bhI hai jisakI ora hamArA dhyAna nahIM jAtA parantu jisake binA udyama sambhava nahIM ho sktaa| ina avasthAoM meM gurutvAkarSaNa, deza, kAla, zarIra kI svasthAsvastha avasthA, zarIra kI paripakvatA, prazikSaNa (aupacArika, anaupacArika), abhyAsa, sAmAjika evaM sAMskRtika vyavadhAna athavA suvidhAe~, jaisI aneka bAteM AtI haiN| mahattvapUrNa bAta yaha hai ki udyama binA eka vRhat tathA vyApaka sandarbha kA aMga bane sambhava nahIM ho sktaa| aura jaba pariNAma para dRSTipAta karate haiM, to patA calatA hai ki pariNAma ko nAma diyA jAnA usa vyakti tathA dRSTi para Azrita hai jisase tathA jisake dvArA vaha lakSita ho / isa rUpa meM pariNAma koI sarala ekika sthiti nahIM hai, apitu eka bahu AyAmoM se yukta sthiti hai jise usake kisI eka yA aneka AyAmoM ke AdhAra para nAma diyA jA sakatA hai, aura jaisA pAThaka lakSya kareMge nAma denA eka sAMskRtika prakriyA hai tathA usameM hamAre mUlya evaM AdarzoM kA samAveza hotA hai / isa atyanta saMkSipta vivecana se yaha lagatA hai ki karma ko eka sarala zRMkhalA ke rUpa meM dekhanA, aneka mahattvapUrNa pakSoM kI avahelanA hogaa| vyakti ke dAyitva, karma phala ke rUpa meM use jo bhoganA par3atA hai, vyakti kI pariveza meM parivartana lAne kI sAmarthya kI somA-ina sabhI ke viSaya meM jo aneka vivAda haiM, kadAcit unakI taha meM karma ke sambandha meM use eka sarala zRMkhalA ke rUpa meM . dekhanA, tathA use eka pUre tantra ke aMga ke rUpa meM dekhanA-ye do dRSTiyA~ vidyamAna haiN| donoM kA sambandha do bhinna prakAra kI AvazyakatAoM se jar3A lagatA hai| jaba hama karma ko eka sarala zRMkhalA ke rUpa meM dekhate haiM to hamArA lakSya vyakti ke dAyitva ko nizcita karanA hotA hai, aura samAja meM daNDa yA nyAya-vyavasthA ko surakSita rakhane ke lie Avazyaka pratIta hotA hai / yahAM hamAre sAmane eka vyAvahArika samasyA hotI hai, aura hameM eka nirNaya lenA hotA haimukhya rUpa meM hamAre sAmane prazna hotA hai 'kisane kiyA ?' isa sandarbha meM hama Jain Educationa International For Personal and Private Use Only
Page #5
--------------------------------------------------------------------------
________________ 302 ] [ kama siddhAnta vyakti ko eka samartha kartA kA darjA dete haiM, aura yaha mAna kara calate haiM ki vaha cAhatA to jo usane kiyA vaha, vaha nahIM bhI kara sakatA thA, vastutaH use vaisA nahIM karanA cAhie thA, use vaisA nahIM cAhanA cAhie thaa| hama mAna lete haiM, ki jo usane kiyA usakA Arambha eka nizcita icchA athavA preraNA thI, usake pare socane kI koI AvazyakatA nahIM hai / aura itanA usake kartta tva ko nizcita karane ke lie paryApta hai, aura nizcita niyamoM ke AdhAroM para hama vyakti ko usake kie lie upayukta daNDa kA vidhAna karate haiN| dUsarI ora jaba hama karma ko 'samajhanA' cAhate haiM, jaba sambandhita karmaphala kI saMgati ke apavAda sAmane Ate haiM, taba hama vaiyaktika praNAlI ko chor3akara samaSTimUlaka praNAlI ko apanAte haiN| karma ko samajhane ke lie hama svabhAva, Adata, tAtkAlika paristhiti, vyakti kA sAMskRtika pariveza tathA aneka dUsare pahaluoM para socate haiM, jinakA pahale ullekha kiyA jA cukA hai| hameM yaha yuktiyukta nahIM lagatA ki jo na kiyA ho usakA hameM phala mile tathA jo kiyA ho usakA phala nahIM mile| pariNAmasvarUpa hamane janama-janmAntara kI kalpanA kI, adRza tathA apUrva kI kalpanA ko / hameM lagA ki kisI vyavasthA ke binA to jIvana kI kalpanA hI sambhava nahIM hai, vaha vyavasthA mUlataH nyAya, aucitya, satya kI rakSA karatI hai / mAnava svayaM, (apanI parisImA ke kAraNa) kisI vyavasthA ko sthApita karane, tathA usakI rakSA karane meM asamartha rahate haiM to yaha mUla vyavasthA sakriya hotI hai tathA daivI daNDa vidhAna samAja kI sthiti tathA sthiratA kI rakSA karatA hai| parantu yahAM phira eka aura dilacaspa bindu kI ora dhyAna jAtA hai / mAnavoM ke samAja meM jo avyavasthA hai, karmaphala kI jahAM asaMgati hai, vahA~ vastutaH daivI vidhAna hI sakriya hai| hameM asaMgati isalie dikhalAI par3atI hai ki hama pUrI zRkhalA ko nahIM dekha pAte, jo pUrI zRkhalA ko dekha sakatA, jo janma-janmAntaroM meM phaile jIvana kA sArA gaNita kara sakatA, vaha yaha dekha letA ki mUlataH vyakti hI apane sAre bhUta, vartamAna tathA bhaviSya ke lie uttaradAyI hai / eka janma meM jo asaMgata lagatA hai, eka se adhika janmoM ko dekhane para, saMgati kI adRSTa kar3iyA~ spaSTa ho jAtI haiN| parantu bahuta loga janma-janmAntara tathA adRza ko bIca meM lAnA pasanda nahIM kreNge| zAyada ve kaheM ki mAnavIya sambandhoM meM, mAnava ke kriyA kalApa tathA usake pariNAmoM ke bIca kisI saMgati ko na to pAyA jA sakatA hai, aura na sthApita kiyA jA sakatA hai| phalataH karmaphala kI asaMgati koI samasyA nahIM hai parantu aisI avasthA meM koI bhI samasyA nahIM hogii| parantu samasyAe~ to haiM, ataH isa dRSTi ko chor3anA hogaa| taba usa avasthA meM karmaphala kI asaMgati ko * kaise samajhA jAya ? 'ka' kI patnI tathA bacce hatyA ke lie uttaradAyI nahIM haiM, to ve usakA daNDa kyoM bhogeM ? zAyada yahA~ kahA jAya ki yadi ve patnI aura Jain Educationa International For Personal and Private Use Only
Page #6
--------------------------------------------------------------------------
________________ "jaisI karanI vaisI bharanI" para eka TippaNI ] [ 303 bacce nahIM hote to unheM daNDa nahIM bhoganA par3atA parantu unakA patnI tathA bacce honA kyA unake apane saMkalpa kA pariNAma hai ? zAyada patnI ke lie yaha kahA jA sakatA ho, kyA baccoM ke lie bhI yaha kahA jA sakatA hai ? zAyada yahAM yaha kahA jAya ki jisa samAja meM 'ka' sadasya thA usakI saMracanA meM hI ye sambandha antanihita haiM, tathA ina sambandhoM kA eka vizeSa prakAra kA honA, samAja ke sadasyoM ke lie viziSTa prakAra ke pariNAma lAtA hai| yadi aise samAja kI kalpanA kareM jisameM 'ka' ko kArAvAsa milane para patnI tathA baccoM kI dekhabhAla samAja ke anya sadasyoM para, athavA vyavasthA para Azrita hotI, to vahAM, spaSTatayA inake lie bhinna pariNAma hote| parantu hamAre samAja meM, athavA aise ho kisI samAja meM, jahAM 'ka' ke kie phala anyoM ko bhI bhugatanA par3atA hai, vahAM zAyada mAnyatA yaha hai ki bIvI-baccoM kA moha 'ka' ko usa avivekapUrNa kRtya se bacA letaa| dUsaroM ko isase sabaka lenA cAhie, aura yadi unheM apane bIvI baccoM se moha hai, to unheM aise avivekapUrNa kRtyoM se bacanA cAhie / anya zabdoM meM, yadyapi bIvI baccoM ne aisA kucha nahIM kiyA jo unheM 'ka' ke kie kA phala bhugatanA par3e, unakA eka vizeSa sAmAjika saMracanA kA aMga honA hI unakI vipatti kA kAraNa hai| jisa prakAra daivI athavA pRcchanna vyavasthA ko na jAnane para karmaphala kI saMgati hameM aprApya hotI hai, usI prakAra samAja kI saMracanA ko na samajhane ke kAraNa hama use nahIM dekha pAte, donoM hI avasthAoM meM karma tathA phala kA koI sIdhA sambandha ho, athavA ve kisI eka sarala zRkhalA kA aMga hoM, yaha Avazyaka nahIM hai / hamane yaha dekhA ki samAja kI aisI saMracanA kI kalpanA sambhava hai, jisameM yaha sambandha adhika nikaTa kA ho| isa sambandha meM yaha dhyAna dene yogya hai ki jina vicArakoM ne nyAya tathA daNDa kI usa vyavasthA kI kalpanA kI hai jisameM aparAdhI kA bahiSkAra nahIM kiyA jAtA, apitu usake sAtha lagabhaga usI prakAra kA vyavahAra hotA hai jaisA rugNa vyaktiyoM ke sAtha / ve vastutaH aisI sAmAjika saMracanA ko prastuta karate haiM jisameM karmaphala ko saMgati adhika tarka saMgata rUpa meM prApta hotI hai| isa vivecana meM jina do dRSTiyoM kI bAta kI gaI hai, ve mahAbhArata ke manISiyoM ke lie alaga-alaga nahIM thiiN| zAntiparva meM isa bAta para bar3A bala diyA gayA hai ki rAjA tathA rAjya itane ghaniSTha rUpa meM sambandhita haiM ki sArI sAmAjika vyavasthA isa sambandha kA pratibimba hai| rAjA ke kartavyanirvAha ke abhAva meM na kevala sArI vyavasthA ho chinna-bhinna ho jAtI hai, apitu prAkRtika ghaTanAe~ bhI aniyamita ho jAtI haiN| varSA, Rtue~ mAnava jIvana meM ghaniSTha rUpa se sambandhita haiM / jIvana kalyANamaya ho tathA samRddha dizA le isake sAtha RtuoM kA sahayoga athavA unakI anukUlatA bhI Avazyaka hai / aisA lagatA hai ki samasta carAcara jagat kI eka akhaNDa kalpanA tathA usake AdhAra meM eka nyAyika Jain Educationa International For Personal and Private Use Only
Page #7
--------------------------------------------------------------------------
________________ 304 ] [ karma siddhAnta vyavasthA mAnavIya samAja evaM vyApAra kI samajha meM AdhArabhUta sthAna rakhatI hai| rAjA kA kartavya na kevala daNDa nIti dvArA duSToM ko daNDa dekara maryAdA ko sthApita karanA, apitu sabhI vargoM ke trivarga kI rakSA karanA bhI thaa| pUrvApekSA yaha lagatI hai ki sabhI sadasya apanA-apanA karttavya zAstravihita rUpa meM nahIM nibhAyeMge, tathA eka dUsare ke dharma kSetroM meM hastakSepa kareMge to aisI avyavasthA janma legI jisameM koI vyakti dharma, artha, kAma kI siddhi nahIM kara skegaa| vyakti kA kalyANa tathA eka nizcita sAmAjika saMracanA paraspara itane ghaniSTha rUpa meM sambandhita haiM ki eka ke binA dUsare kI kalpanA nahIM kI jA sktii| pRthvI para rAjA tathA paraloka meM devatA isa saMracanA kI rakSA karate haiM / yaha kalpanA bar3I mohaka hai, parantu phira yahI prazna uThatA hai ki kisI bhI samaya samAja meM vighaTana Arambha hI kaise huA? yahAM mahAbhArata kA sandarbha dekara hamArA uddezya mahAbhArata ke manISiyoM ke vicAroM kI mImAMsA nahIM hai, apitu kevala isa ora dhyAna AkarSita karanA hai ki karmaphala kI saMgati kA prazna sAmAjika saMracanA ke prazna se jur3A huA hai / niSkarSa ke rUpa meM hama yaha kaha sakate haiM ki karmaphala kI saMgati ke viSaya meM hameM asantoSa isalie hotA hai ki hama prathama to karma ko eka aisI sarala zRkhalA ke rUpa meM dekhate haiM jo eka nizcita Adi tathA anta rakhatI hai, dUsare isa zRMkhalA ko hama eka anya zRkhalA arthAt kAraNa-kArya kI zRMkhalA ke udAharaNa ke rUpa meM le lete haiM jahA~ hama do ghaTanAoM meM sIdhe eka nizcita saMbaMdha mAna baiThate haiM / donoM hI apekSAeM anucita haiM / kArya tathA phala eka hI cIja nahIM hai, dUsare karma kI AvazyakatA tathA paryApta avasthAe~ hameM karma ko eka jaTila vyavasthA ke aMga ke rUpa meM dekhane ke lie bAdhya karatI haiN| jisa kArya kA sambandha vartamAna se ho, jisake binA kiye kisI prakAra na raha sakeM, jisake sampAdana ke sAdhana upalabdha hoM, jisase kisI kA ahita na ho, aise sabhI kArya prAvazyaka kArya haiN| Avazyaka kArya ko pUrA na karane se aura anAvazyaka kArya kA tyAga na karane se kartA uddezya-pUrti meM saphala nahIM hotaa| ataH mAnava mAtra ko anAvazyaka kArya kA tyAga aura Avazyaka kArya kA sampAdana karanA anivArya hai| Jain Educationa International For Personal and Private Use Only