Book Title: Agam 35 Bruhatkappo Bieyam Cheyasuttam Mulam PDF File
Author(s): Dipratnasagar, Deepratnasagar
Publisher: Deepratnasagar
Catalog link: https://jainqq.org/explore/003769/1

JAIN EDUCATION INTERNATIONAL FOR PRIVATE AND PERSONAL USE ONLY
Page #1 -------------------------------------------------------------------------- ________________ नमो नमो निम्मलदंसणस्स पू. आनंद-क्षमा-ललित-सुशील-सुधर्मसागर गुरुभ्यो नमः। ३५ बुहत्कप्पो-बीइयं छेयसुत्तं मुनि दीपरत्नसागर Date://2012 Jain Aagam Online Series-35 Page #2 -------------------------------------------------------------------------- ________________ ३५ गंथाणक्कमो उद्देसो कमको १ सुत्तं पिढेको । १-५० । अणक्कमो १-५० ५१-८० १-३० ८१-११० पढमो बिइओ तइओ चउत्थो पंचमो छट्ठो १-३० १-३२ १११-१४२ १४३-१९५ १-५३ ६ १-२० १९६-२१५ १६ दीपरत्नसागर संशोधितः] [1] [३५-बुहत्कप्पो] Page #3 -------------------------------------------------------------------------- ________________ बालब्रह्मचारी श्री नेमिनाथाय नमः नमो नमो निम्मलदंसणस्स ॐ ह्रीं नमो पवयणस्स |३५ बुहत्कप्पो - बीइयं छेयसुत्तं • पढमो उद्देसो ० COM [१] नो कप्पइ निग्गंथाण वा निग्गंथीण वा आमे तालपलंबे अभिन्ने पडिग्गाहित्तए | कप्पड़ निग्गंथाण वा निग्गंथीण वा आमे तालपलंबे भिन्ने पडिग्गाहित्तए । कप्पइ निग्गंथाणं पक्के तालपलंबे भिन्ने वा अभिन्ने पडिग्गाहित्तए । नो कप्पइ निग्गंथीणं पक्के तालपलंबे अभिन्ने पडिगाहित्तए । [५] कप्पइ निग्गंथीणं पक्के तालपलंबे भिन्ने पडिगाहित्तए, सेऽवि य विहिभिन्ने नो चेव णं अविहिभिन्ने । [६] से गामंसि वा नगरंसि वा खेडंसि वा कब्बडंसि वा मडंबंसि वा पट्टणंसि वा आगरंसि वा दोणमहंसि वा निगमंसि वा रायहाणिसि वा आसमंसि वा सन्निवेसंसि वा संवाहसि वा घोसंसि वा अंसियंसि वा पुडभेयणंसि वा सपरिक्खेवंसि अबाहिरियंसि कप्पइ निग्गंथाणं हेमंत-गिम्हासु एगं मासं वत्थए । [७] से गामंसि वा जाव रायहाणिसि वा सपरिक्खेवंसि सबाहिरियंसि कप्पइ निग्गंथाणं हेमंत-गिम्हास् दो मासे वत्थए, अंतो एगं मासं बाहिं एगं मासं, अंतो वसमाणाणं अंतो भिक्खायरिया बाहिं वसमाणाणं बाहिं भिक्खायरिया । ८] से गामंसि वा जाव रायहाणिसि वा सपरिक्खेवंसि अबाहिरियंसि कप्पड़ निग्गंथीणं हेमंत-गिम्हास दो मासे वत्थए । [९] से गामंसि वा जाव रायहाणिंसि वा सपरिक्खेवंसि सबाहिरियसि कप्पइ निग्गंथीणं हेमंत-गिम्हासु दो मासे वत्थए-अंतो दो मासे, बाहिं दो मासे, अंतो वसमाणीणं अंतो भिक्खायरिया, बाहिं वसमाणीणं बाहिं भिक्खायरिया । __ [१०] से गामंसि वा जाव रायहाणिसि वा एगवगडाए एगदुवाराए एगनिक्खमणपवेसाए नो कप्पड़ निग्गंथाण य निग्गंथीण य एगयओ वत्थए । [११] से गामंसि वा जाव रायहाणिसि वा अभिनिव्वगडाए अभिनिद्वाराए अभिनिक्खमणपवेसाए कप्पड़ निग्गंथाण य निग्गंथीण य एगयओ वत्थए । [१२] नो कप्पड़ निग्गंथीणं आवणगिहंसि वा रत्थामहंसि वा सिग्घाडगंसि वा तियंसि वा, चउक्कंसि वा चच्चरंसि वा अंतरावणंसि वा वत्थए । [१३] कप्पइ निग्गंथाणं आवणगिहंसि वा जाव अंतरावणंसि वा वत्थए । [१४] नो कप्पइ निग्गंथीणं अवंगुयदुवारिए उवस्सए वत्थए, एगं पत्थारं अंतो किच्चा एगं पत्थारं बाहिं किच्चा ओहाडियचिलिमिलियागंसि एवण्हं कप्पड़ वत्थए । [दीपरत्नसागर संशोधितः] 12 [३५-बुहत्कप्पो] Page #4 -------------------------------------------------------------------------- ________________ उद्देसो-१ वा । [१५] [१६] [१७] [१८] कप्पड़ निग्गंथाणं अवगुयदुवारिए उवस्सए वत्थए । कप्पइ निग्गंथीणं अंतोलित्तयं घडिमत्तयं धारित्तए वा परिहरित्तए वा । नो कप्पइ निग्गंथाणं अंतोलित्तयं घडिमत्तयं धारित्तए वा परिहरित्तए वा । कप्पड़ निग्गंथाण वा निग्गंथीण वा चलचिलिमिलियं धारित्तए वा परिहरित्तए [१९] नो कप्पइ निग्गंथाण वा निग्गंथीण वा दगतीरंसि चिट्ठित्तए वा निसीइत्तए वा तुयट्टित्तए वा निद्दाइत्तए वा पयलाइत्तए वा असनं वा पानं वा खाइमं वा साइमं वा आहारेत्तए उच्चारं पासवणं वा खेलं वा सिंघाणं वा परिद्ववेत्तए, सज्झायं वा करेत्तए, धम्मजागरियं वा जागरित्तए, काउस्सग्गं वा ठाणं ठाइत्तए । [२०] नो कप्पड़ निग्गंथाण वा निग्गंथीण वा सचित्तकम्मे उवस्सए वत्थए । [२१] कप्पड़ निग्गंथाण वा निग्गंथीण वा अचित्तकम्मे उवस्सए वत्थए । [२२] नो कप्पड़ निग्गंधीणं सागारिय-अनिस्साए वत्थए । [२३] कप्पड़ निग्गंथीणं सागारिय निस्साए वत्थए । [२४] कप्पड़ निग्गंथाणं सागारिय निस्साए वा अनिस्साए वा वत्थए । [२५] नो कप्पड़ निग्गंथाण वा निग्गंथीण वा सागारिए उवस्सए वत्थए । कप्पड़ निग्गंथाण वा निग्गंथीण वा अप्पसागारिए उवस्सए वत्थए । [२६] नो कप्पड़ निग्गंथाणं इत्थिसागारिए उवस्सए वत्थए । [२७] कप्पड़ निग्गंथाणं पुरिससागारिए उवस्सए वत्थए । [२८] नो कप्पड़ निग्गंथीणं पुरिससागारिए उवस्सए वत्थए । [२९] कप्पड़ निग्गंथीणं इत्थिसागारिए उवस्सए वत्थए । [३०] नो कप्पड़ निग्गंथाणं पडिबद्धसेज्जाए वत्थए । [३१] कप्पड़ निग्गंथीणं पडिबद्धसेज्जाए वत्थए । [३२] [३३] नो कप्पइ निग्गंथाणं गाहावइ कुलस्स मज्झंज्झेणं गंतुं वत्थए । कप्पड़ निग्गंथीणं गाहावइकुलस्स मज्झमज्झेणं गंतुं वत्थए । [३४] भिक्खू य अहिगरणं कट्टु तं अहिगरणं विओसवित्ता विओसवियपाहुडे, इच्छाए परो आढाएज्जा, इच्छाए परो नो आढाएज्जा, इच्छाए परो अब्भुट्ठेज्जा इच्छाए परो नो अब्भुट्ठेज्जा, इच्छाए परो वंदिज्जा इच्छाए परो नो वंदिज्जा, इच्छाए परो संभुंजेज्जा इच्छाए परो नो संभुंजेज्जा, इच्छाए परो संवसेज्जा इच्छाए परो नो संवसेज्जा, इच्छाए परो उवसमेज्जा इच्छाए परो नो उवसमेज्जा । जो उवसमइ तस्स अत्थि आराहणा, जो न उवसमइ तस्स नत्थि आराहणा, तम्हा अप्पणा चेव उवसमियव्वं । से किमाहु ? भंते उवसमसारं सामण्णं । [३५] नो कप्पड़ निग्गंथाण वा निग्गंथीण वा वासावासासु चारए । [३६] कप्पड़ निग्गंथाण वा निग्गंथीण वा हेमंत गिम्हासु चारए । [दीपरत्नसागर संशोधितः ] [3] [३५-बुहत्कप्पो] Page #5 -------------------------------------------------------------------------- ________________ [३७] नो कप्पड़ निग्गंथाण वा निग्गंथीण वा वेरज्ज - विरुद्धरज्जंसि सज्जं गमनं सज्जं आगमनं सज्जं गमनामगनं करेत्तए, जो खलु निग्गंथो वा निग्गंथे वा वेरज्ज - विरुद्धरज्जंसि सज्जं गमनं सज्जं आगमनं सज्जं गमनागमनं करेइ करेंतं वा साइज्जइ, से दुहओ वि अइक्कममाणे आवज्जइ उद्देसो-१ चाउम्मासियं परिहारट्ठाणं अनुग्घाइयं । [३८] निग्गंथं च णं गाहावइकुलं पिंडवायपडियाए अनुप्पविट्ठे केइ वत्थेण वा पडिग्ग वा कंबलेण वा पाय-पुंछणेण वा उवनिमंतेज्जा, कप्पड़ से सागारकडं गहाय आयरियपायमूले ठवेत्ता दोच्च पि ओग्गहं अणुण्णवेत्ता परिहारं परिहरित्तए । [३९] निग्गंथं च णं बहिया वियारभूमिं वा विहारभूमिं वा निक्खंतं समानं केइ वत्थेण वा पडिग्गहेण वा कंबलेण वा पाय-पुंछणेण वा उवनिमंतेज्जा, कप्पड़ से सागारकडं गहाय आयरियपायमूले ठवेत्ता दोच्चं पि ओग्गहं अणुन्नवेत्ता परिहारं परिहरित्तए । [४०] निग्गंथिं च णं गाहावइकुलं पिंडवायपडियाए अनुप्पविट्ठे केइ वत्थेण वा० उवनिमंतेज्जा, कप्पड़ से सागारकडं गहाय पवित्तणीपायमूले ठवेत्ता दोच्चं पि ओग्गहं० परिहरित्तए । [४१] निग्गंथिं च णं बहिया वियारभूमिं वा विहारभूमिं वा निक्खंतिं समाण इत् वा पडिग्गहेण वा कंबलेण वा पाय-पुंछणेण वा उवनिमंतेज्जा, कप्पड़ से सागारकडं गहाय पवत्तिणी पायमूले ठवेत्ता दोच्चं पि ओग्गहं अणुन्नवेत्ता परिहारं परिहरित्तए । [४२] नो कप्पइ निग्गंथाण वा निग्गंथीण वा राओ वा वियाले वा असनं वा पानं वा खाइमं वा साइमं वा पडिग्गाहेत्तए । नन्नत्थ एगेणं पुव्वपडिलेहिएणं सेज्जा - संथारएणं । [४३] [४४ ] नो कप्पड़ निग्गंथाण वा निग्गंथीण वा राओ वा वियाले वा वत्थं पडिग्गहं वा कंबलं वा पायपुंछणं वा पडिग्गाहेत्तए । [४५] नन्नत्थ एगाए हरियाहडियाए, सा वि य परिभुत्ता वा धोया वा रत्ता वा घट्ठावा मट्ठा वा पधूमिया वा । [४६] नो कप्पड़ निग्गंथाण वा निग्गंथीण वा राओ वा वियाले वा अद्धागमनं एत्तए । [४७] संखडिं वा संखडिपडियाए अद्धागमनं एत्तए । [४८] नो कप्पइ निग्गंथस्स एगाणियस्स राओ वा वियाले वा बहिया वियारभूमिं वा विहारभूमिं वा निक्खमित्तए वा पविसित्तए वा । कप्पड़ से अप्पबिइयस्स वा अप्पतइयस्स वा राओ वा वियाले वा बहिया वियारभूमिं वा विहारभूमिं वा निक्खमित्तए वा पविसित्तए वा । [४९] न कप्पड़ निग्गंथी एगाणियाए राओ वा वियाले वा बहिया वियारभूमिं वा विहारभूमिं वा निक्खमित्तए वा पविसित्तए वा । कप्पड़ से अप्पबिइयाए वा अप्पतइयाए वा अप्पचउत्थीए वा राओ वा वियाले वा बहिया वियारभूमिं वा जाव पविसित्तए वा । [५० ] कप्पइ निग्गंथाण वा निग्गंथीण वा पुरित्थिमेणं जाव अंग-मगहाओ दक्खिणेणं जाव कोसंबीओ एत्तए, पच्चत्थिमेणं जाव थूणाविसयाओ एत्तए, उत्तरेणं जाव कुणालाविसयाओ एत्तए, एताव ताव कप्पड़, एताव ताव आरिए खेत्ते । नो से कप्पइ एत्तो बाहिं, तेन परं जत्थ नाणदंसणचरित्ताइं उस्सप्पंति तिबेमि । [दीपरत्नसागर संशोधितः] [4] [३५-बुहत्कप्पो] Page #6 -------------------------------------------------------------------------- ________________ • पढमो उद्देसओ समत्तो . उद्देसो-२ ० बीओ-उद्देसो . [५१] उवस्सयस्स अंतो वगडाए सालीणि वा वीहीणि वा मुग्गाणि वा मासाणि वा तिलाणि वा कुलत्थाणि वा गोहूमाणि वा जवाणि वा जवजवाणि वा उक्खिण्णाणि वा विक्खिण्णाणि वा विइकिण्णाणि वा विप्पकिण्णाणि वा नो कप्पइ निग्गंथाण वा निग्गंथीण वा अहालंदमवि वत्थए । [२] अह पण एवं जाणेज्जा - नो उक्खिण्णाई नो विक्खिण्णाई नो विइकिण्णाइं नो विप्पकिण्णाई रासिकडाणि वा पुंजकडाणि वा भित्तिकडाणि वा कुलियकडाणि वा लंछियाणि वा मुद्दियाणि वा पिहियाणि वा कप्पड़ निग्गंथाण वा निग्गंथीण वा हेमंत-गिम्हासु वत्थए । [५३] अह पुण एवं जाणेज्जा नो रासिकडाइं नो पुंजकडाइं नो भित्तिकडाइं नो कलियकडाइं कोहाउत्ताणि वा पल्लाउत्ताणि वा मंचाउत्ताणि वा मालाउत्ताणि वा ओलित्ताणि वा विलित्ताणि वा लंछियाणि वा मद्दियाणि वा पिहियाणि वा कप्पइ निग्गंथाण वा निग्गंथीण वा वासावासं वत्थए । [१४] उवस्सयस्स अंतो वगडाए सुरावियडकुंभे वा सोवीरयवियडकुंभे वा उवनिक्खित्ते सिया नो कप्पइ निग्गंथाण वा निग्गंथीण वा अहालंदमवि वत्थए, हुरत्था य उवस्सयं पडिलेहमाणे नो लभेज्जा , एवं से कप्पड़ एगरायं वा दुरायं वा वत्थए, जे तत्थ एगरायाओ वा दुरायाओ वा परं वसति से संतरा छेए वा परिहारे वा । [१५] उवस्सयस्स अंतो वगडाए सीओदगवियडकुंभे वा उसिणोदगवियडकुंभे वा उवनिविक्खत्ते सिया नो कप्पइ निग्गंथाण वा निग्गंथीण वा अहालंदमवि वत्थए, हत्था य उवस्सयं पडिलेहमाणे नो लभेज्जा, एवं से कप्पइ एगरायाओ वा, दुरायाओ वा परं वत्थए, जे तत्थ एगरायाओ वा दरायाओ वा परं वसति से संतरा छेए वा परिहारे वा । [१६] उवस्सयस्स अंतो वगडाए सव्वराईए जोई झियाएज्जा, नो कप्पइ निग्गंथाण वा निग्गंथीण वा अहालंदमवि वत्थए, हरत्था य उवस्सयं पडिलेहमाणे नो लभेज्जा, एवं से कप्पड़ एगरायं वा दुरायं वा वत्थए, जे तत्थ एगरायाओ वा दुरायाओ वा परं वसति से संतरा छेए वा परिहारे वा । [१७] उवस्सयस्स अंतो वगडाए सव्वराईए पईवे दिप्पेज्जा, नो कप्पइ निग्गंथाण वा निग्गंथीण वा अहालंदमवि वत्थए, हरत्था य उवस्सयं पडिलेहमाणे नो लभेज्जा, एवं से कप्पइ एगरायं वा दुरायं वा वत्थए, जे तत्थ परं जाव से संतरा छेए वा परिहारे वा | [१८] उवस्सयस्स अंतो वगडाए पिंडए वा लोयए वा खीरं वा दहिं वा सप्पिं वा नवनीए वा तेल्ले वा फाणियं वा पूर्व वा सक्कली वा सिहरिणी वा उक्किण्णाणि वा विक्खिण्णाणि वा विइकिण्णाणि वा विप्पकिण्णाणि वा नो कप्पइ निग्गंथाण वा निग्गंथीण वा अहालंदमवि वत्थए । [दीपरत्नसागर संशोधितः] [5] [३५-बुहत्कप्पो] Page #7 -------------------------------------------------------------------------- ________________ [ ५९ ] अह पुण एवं जाणेज्जा-नो उक्खिण्णाई वा विक्खिण्णाई वा विइकिण्णाई वा विप्पइण्णाइं वा रासिकडाणि वा पुंजकडाणि वा भित्तिकडाणि वा कुलियाकडाणि वा लंछियाणि वा मुद्दियाणि वा पिहियाणि वा कप्पड़ निग्गंथाण वा निग्गंथीण वा हेमंत- गिम्हासु वत्थए । [६०] अह पुण एवं जाणेज्जा-नो रासिकडाणि वा नो पुंजकडाणि वा नो भित्तिकाणि वा नो कुलियाकडाणि वा कोट्ठाउत्ताणि वा पल्लाउत्ताणि वा मंचाउत्ताणि वा मालाउत्ताणि वा कुंभा वा करभिउत्ताणि वा ओलित्ताणि वा विलित्ताणि वा लंछियाणि वा मुद्दियाणि वा पिहियाणि वा कप्पइ निग्गंथाण वा निग्गंथीणं वा वासावासं वत्थए । उद्देसो-२ [६१] नो कप्पइ निग्गंथीणं अहे गमनगिहंसि वा वियडगिहंसि वंसीमूलंसि वा रुक्खमूलंसि वा अब्भावगासियंसि वा वत्थए | [६२] कप्पइ निग्गंथाणं अहे आगमनगिहंसि वा वियडगिहंसि वा वंसीमूलंसी वा रुक्ख मूलंसि वा अब्भावगासियंसि वा वत्थए । [६३] एगे सागारिए पारिहारिए दो तिन्नि चत्तारि पंच सागारिया पारिहारिया, एवं तत्थ कप्पागं ठवइत्ता अवसेसे निव्विसेज्जा । [ ६४ ] नो कप्पड़ निग्गंथाण वा निग्गंथीण वा सागारियपिंड बहिया अनीहडं असंसट्टं पडिग्गाहेत्तए । पडिग्गाहेत्तए । पडिग्गाहेता । [ ६५ ] नो कप्पड़ निग्गंथाण वा निग्गंथीण वा सागारियपिंड बहिया अनीहडं संसट्ठ [ ६६ ] नो कप्पड़ निग्गंथाण वा निग्गंथीण वा सागारियपिंड बहिया नीहडं असंसट्टं [ ६७ ] कप्पइ निग्गंथाण वा निग्गंथीण वा सागारियपिंड बहिया नीहडं संसट्ठे पडि० । [ ६८ ] नो कप्पड़ निग्गंथाण वा निग्गंथीण वा सागारियपिंड बहिया नीहडं असंस संस करेत्तए, जे खलु निग्गंथे वा निग्गंथी वा सागारियपिंड बहिया नीहडं असंस संस करेइ करेंतं वा साइज्जइ से दुहओ वि अइक्कममाणे आवज्जइ चाउम्मासियं परिहारट्ठाण अनुग्घाइयं । [६९] सागारियस्स आहडिया सागारिएण पडिग्गाहिया तम्हा दावए नो से कप्पड़ पडिग्गाहित्तए । [ ७०] पडिग्गाहित्तए । सागारियस्स आहडिया सागारिएण अपडिग्गाहिया तम्हा दावए एवं से कप्पइ [ ७१] [७२] सागारियस्स नीहडिया परेण अपडिग्गाहिया, तम्हा दावए नो से कप्पड़ पडि० । सागारियस्स नीहडिया परेण पडिग्गाहिया, तम्हा दावए एवं से कप्पड़ पडि० । [७३] सागारियस्स अंसियाओ अविभत्ताओ अव्वोच्छिन्नाओ अव्वोगडाओ, अनिज्जूढाओ, तम्हा दावए नो से कप्पड़ पडिग्गाहित्तए । [७४] सागारियस्स अंसियाओ विभत्ताओ व्वोच्छिन्नाओ वोगडाओ निज्जूढाओ म्हा दाव एवं से कप्पड़ पडिग्गाहित्तए । [दीपरत्नसागर संशोधितः ] [6] [३५-बुहत्कप्पो] Page #8 -------------------------------------------------------------------------- ________________ [७५] सागारियस्स पूयाभत्ते उद्देसिए चेइए पाहुडियाए, सागारियस्स उवगरणजाए निट्ठिए निसट्टे पाडिहारिए, तं सागारिओ देइ सागारियस्स परिजनो देइ, तम्हा दावए नो से कप्पड़ पडिग्गाहित्तए । [७६] सागारियस्स पूयाभत्ते उद्देसिए चेइए पाहुडियाए सागारियस्स उवगरणजाए निहिए निसट्टे पाडिहारिए, तं नो सागारिओ देइ नो सागारियस्स परिजनो देइ सागारियस्स पूया देइ तम्हा दावए नो से कप्पड़ पडिग्गाहित्तए । [७७] सागारियस्स पूयाभत्ते उद्देसिए चेइए जाव निसट्टे अपाडिहारिए तं सागारिओ देइ सागारियस्स परिजनो देइ, तम्हा दावए नो से कप्पड़ पडिग्गाहित्तए । उद्देसो-२ [७८] सागारियस्स पूयाभत्ते उद्देसिए चेइए पाहुडियाए सागारियस्स उवगरणजाए निहिए निसट्टे अपाडिहारिए, तं नो सागारिओ देइ नो सागारियस्स परिजनो देइ सागारियस्स पूया देइ, तम्हा दावए एवं से कप्पड़ पडिग्गाहित्तए | [७९] कप्पड़ निग्गंथाण वा निग्गंथीण वा इमाइं पंच वत्थाई धारित्तए वा परिहरित्तए वा तं जहा-जंगिए भगिए साणए पोत्तए तिरीडपट्टे नाम पंचमे । [८०] कप्पइ निग्गंथाण वा निग्गंथीण वा इमाइं पंच रयहरणाई धारित्तए वा परिहरित्तए वा तं जहा-उण्णुए उट्टिए साणए बद्धाचिप्पए मंजचिप्पिए वि नाम पंचमे - त्ति बेमि । ० बिओ उद्देसो समत्तो . ० तइओ-उद्देसो ० [८१] नो कप्पइ निग्गंथाणं निग्गंथीणं उवस्सयंसि चिद्वित्तए वा निसीइत्तए तुयट्टित्तए वा निद्दाइत्तए वा पयलाइत्तए वा असनं वा पानं वा खाइमं वा साइमं वा आहारमाहारेत्तए, उच्चारं वा पासवणं वा खेलं वा सिंघाणं वा परिद्ववेत्तए, सज्झायं वा करेत्तए, झाणं वा झाइत्तए, काउस्सग्गं वा करेत्तए ठाणं वा ठाइत्तए । [८२] नो कप्पइ निग्गंथीणं निग्गंथाणं उवस्सयंसि चिद्वित्तए वा जाव ठाणं ठाइत्तए | [८३] नो कप्पइ निग्गंथीणं सलोमाइं चम्माई अहिद्वित्तए | [८४] कप्पइ निग्गंथाणं सलोमाई चम्माई अहिद्वित्तए, से वि य परिभत्ते नो चेव णं अपरिभत्ते, से वि य पाडिहारिए नो चेव णं अपाडिहारिए, से वि एगराइए नो चेव णं अनेगराइए | [८५] नो कप्पड़ निग्गंथाण वा निग्गंथीण वा कसिणाई चम्माइं धारित्तए वा परि० । [८६] कप्पइ निग्गंथाण वा निग्गंथीण वा अकसिणाई चम्माइं धारित्तए वा परि० । [८७] नो कप्पइ निग्गंथाण वा निग्गंथीण वा कसिणाई वत्थाइंधारित्तए वा परिहरित्तए वा कप्पइ निग्गंथाण वा निग्गंथीण वा अकसिणाई वत्थाई धारित्तए वा परिहरित्तए वा । [८८] नो कप्पड़ निग्गंथाण वा निग्गंथीण वा अभिन्नाइं वत्थाइं धारित्तए वा परिहरित्तए वा कप्पइ निग्गंथाण वा निग्गंथीण वा भिन्नाइं वत्थाई धारित्तए वा परिहरित्तए वा | [८९] नो कप्पइ निग्गंथाणं उग्गहनंतगं वा उग्गहपट्टगं वा धारित्तए वा परिहरित्तए वा | [९०] कप्पइ निग्गंथीण उग्गहनंतगं वा उग्गहपट्टगं वा धारित्तए वा परिहरित्तए वा । दीपरत्नसागर संशोधितः] [7] [३५-बुहत्कप्पो ] Page #9 -------------------------------------------------------------------------- ________________ [९१] निग्गंथीए य गाहावइकुलं पिंडवायपडियाए अनुप्पविट्ठाए चेलढे समुप्पज्जेज्जा नो से कप्पइ अप्पणो निस्साए चेलं पडिग्गाहित्तए, कप्पड़ से पवित्तणीनिस्साए चेलं पडिग्गाहित्तए, नो तत्थ पवत्तिणी समाणी सिया जे तत्थ समाणे आयरिए वा उवज्झाए वा पवत्ती वा थेरे वा गणी वा गणहरे वा गणावच्छेइए वा जं चण्णं पुरओ कट्ट विहरइ कप्पड़ से तन्नीसाए चेलं पडिग्गाहित्तए | __[९२] निग्गंथस्स तप्पढमयाए संपव्वयमाणस्स कप्पड़ रयहरण-गोच्छग-पडिग्गहमायाए तिहिं कसिणेहिं वत्थेहि आयाए संपव्वइत्तए, से य पव्वोवहिए सिया एवं से नो कप्पइ रयहरण-गोच्छगपडिग्गह मायाए तिहिं कसिणेहिं वत्थेहिं आयाए संपव्वइत्तए कप्पड़ से अहापरिग्गहियं वत्थाई गहाय आयाए संपव्वइत्तए | उद्देसो-३ [९३] निग्गंथीए णं तप्पढमयाए संपव्वयमाणीए कप्पड़ रयहरण-गोच्छग-पडिग्गहमायाए चउहिं कसिणेहिं वत्थेहिं आयाए संपव्वइत्तए, सा य पुव्वोवट्ठियाए सिया एवं से नो कप्पड़ रयहरणगोच्छग-पडिग्गहमायाए चउहिं कसिणेहिं वत्थेहिं आयाए संपव्वइत्तए, कप्पड़ से अहापरिग्गहियाइं वत्थाई गहाय आयाए संपव्वइत्तए | [९४] नो कप्पइ निग्गंथाण वा निग्गंथीण वा पढमसमोसरणुद्देसपत्ताई चेलाई पडिग्गा - हेत्तए, कप्पइ निग्गंथाण वा निग्गंथीण वा दोच्च समोसरणद्देस पत्ताई चेलाई पडिग्गाहेत्तए | [९५] कप्पइ निग्गंथाण वा निग्गथीण वा अहाराइणियाए चेलाई पडिग्गाहित्तए । [९६] कप्पइ निग्गंथाण वा निग्गंथीण वा अहाराइणियाए सेज्जा-संथारए पडिगाहेत्तए । [९७] कप्पड़ निग्गंथाण वा निग्गंथीण वा अहाराइणियाए किइकम्मं करेत्तए | [९८] नो कप्पइ निग्गंथाण वा निग्गंथीण वा अंतरगिहंसि चिद्वित्तए वा आसइत्तए वा निसीइत्तए वा त्यट्टित्तए वा निदाइत्तए वा पयलाइत्तए वा असनं वा पानं वा खाइमं वा साइमं वा आहारमाहारेत्तए, उच्चारं वा पासवणं व खेलं वा सिंघाणं वा परिद्ववेत्तए, सज्झायं वा करेत्तए, झाणं वा झाएत्तए, काउस्सग्गं वा करेत्तए, ठाणं वा ठाइत्तए, अह पण एवं जाणेज्ज-वाहिए जराजण्णे घेरे तवस्सी दुब्बले किलंते जज्जरिए मच्छेज्ज वा पवडेज्ज वा एवं से कप्पड़ अंतरगिहंसि चिद्वित्तए वा जाव काउस्सग्गं वा ठाणं ठाइत्तए | [९९] नो कप्पइ निग्गंथाण वा निग्गंथीण वा अंतरगिहंसि जाव चउगाहं वा पंचगाहं वा आइक्खित्तए वा विभावेत्तए वा किट्टित्तए वा पवेइत्तए वा नन्नत्थ एगनाएण वा एगवागरणेण वा एगगाहाए वा एगसिलोएण वा, से वि य ठिच्चा, नो चेव णं अद्विच्चा । [१००] नो कप्पइ निग्गंथाण वा निग्गंथीण वा अंतरगिहंसि वा इमाइं पंच महव्वयाई सभावणाई आइक्खित्तए वा विभावेत्तए वा किट्टित्तए वा पवेइत्तए वा नन्नत्थ एगनाएण वा एगवागरणेण वा एगगाहाए वा एगसिलोएण वा, से वि य ठिच्चा, नो चेव णं अठिच्चा | [१०१] नो कप्पइ निग्गंथाण वा निग्गंथीण वा पाडिहारियं सेज्जा-संथारयं आयाए अप्पडिहट्ट संपव्वइत्तए । [१०२] नो कप्पइ निग्गंथाण वा निग्गंथीण वा सागारियसंतियं सेज्जा-संथारयं आयाए अविकरणं कट्ट संपव्वइत्तए । कप्पइ निग्गंथाण वा निग्गंथीण वा पाडिहारियं वा सागारिय संतियं वा सेज्जासंथारयं आयाए विगरणं कट्ट संपव्वइत्तए | [दीपरत्नसागर संशोधितः] [8] [३५-बुहत्कप्पो] Page #10 -------------------------------------------------------------------------- ________________ [१०३] इह खलु निग्गंथाण वा निग्गंथीण वा पाडिहारिए वा सागारियसंतिए वा सेज्जासंथारए विप्पणसेज्जा से य अनुगवेसियव्वे सिया, से य अनुगवेस्समाणे लभेज्जा तस्सेव पडिदायव्वे सिया, से य अनुगवेस्समाणे नो लभेज्जा एवं से कप्पड़ दोच्चं पि ओग्गहं अणुण्णवित्ता परिहारं परिहरित्तए । [१०४] जद्दिवसं च णं समणा निग्गंथा सेज्जा-संथारयं विप्पजहंति तद्दिवसं च णं अवरे समणा निग्गंथा हव्वमागच्छेज्जा सच्चेव ओग्गहस्स पुव्वाणुण्णवणा चिट्ठइ अहालंदमवि ओग्गहे | [१०५] अत्थि या इत्थ केइ उवस्सयपरियावन्नए अचित्ते परिहरणारिहे स च्चेव ओग्गहस्स पुव्वाणुण्णवणा चिट्ठइ अहालंमदवि ओग्गहे । उद्देसो-३ [१०६] से वत्थूसु अव्वावडेसु अव्वोगडेसु अपरपरिग्गहिएसु [अमरपरिग्गहिएसु] स च्चेव ओग्गहस्स पुव्वाणुण्णवणा चिट्ठइ अहालंदमवि ओग्गहे । [१०] से वत्थूसु वावडेसु वोगडेसु परपरिग्गहिएसु भिक्खुभावस्स अट्ठाए दोच्चंपि ओग्गहे अणुण्णवेयव्वे सिया अहालंदमवि ओग्गहे । ___ [१०८] से अनुकुड्डेसु वा अनुभित्तीसु वा अनुचरियासु वा अनुफरिहासु वा अनुपंथेसु वा अनुमेरासु वा सच्चेव ओग्गहस्स पुव्वाणुण्णवणा चिट्ठइ अहालंदमवि ओग्गहे | __[१०९] से गामंसि वा जाव रायहाणीए वा बहिया सेणं सन्निविट्ठ पेहाए कप्पइ निग्गंथाण वा निग्गंथीण वा तद्दिवसं भिक्खयरियाए गंतूणं पडिनियत्तए, नो से कप्पड़ तं रयणिं तत्थेव उवाइणावेत्तए जे खलु निग्गंथे वा निग्गंथी वा तं रयणिं तत्थेव उवाइणावेइ उवाइणावेंतं वा साइज्जइ, से दुहओ वि अइक्कममाणे आवज्जइ चाउम्मासियं परिहारट्ठाणं अनुग्घाइयं । [११०] से गामंसि वा जाव सन्निवेसंसि वा कप्पइ निग्गंथाण वा निग्गंथीण वा सव्वओ संमंता सक्कोसं जोयणं ओग्गहं ओगिण्हित्ताणं चिट्ठित्तए परिहरित्तए त्ति बेमि | • त्तइओ उद्देसो समत्तो . ० चउत्थो-उद्देसो . [१११] तओ अनुग्घाइया पन्नत्ता तं जहा-हत्थकम्मं करेमाणे, मेहुणं पडिसेवमाणे, राईभोयणं भंजमाणे । [११२] तओ पारंचिया पन्नत्ता तं जहा-दुहेपारंचिए, पमत्तेपारंचिए, अन्नमन्नं करेमाणे पारंचिए । [११३] तओ अणवठ्ठप्पा पन्नत्ता तं जहा साहम्मियाणं तेणियं करेमाणे, अन्न धम्मियाणं तेणियं करेमाणे, हत्थदालं दलमाणे | [११४] तओ नो कप्पंति पव्वावेत्तए तं जहा-पंडए, कीवे, वाइए | [११५] [तओ नो कप्पंति] मुंडावेत्तए सिक्खावेत्तए उवट्ठावेत्तए संभंजित्तए संवासित्तए त्तं जहा- पंडए, वाइए, कीवे । [११६] तओ नो कप्पंति वाइत्तए तं जहा अविनीए विग्गईपडिबद्धे अविओसवियपाहुडे तओ कप्पंति वाइत्तए तं जहा-विनीए नो विगईपडिबद्धे विओसवियपाहुडे | [दीपरत्नसागर संशोधितः] 191 [३५-बुहत्कप्पो] Page #11 -------------------------------------------------------------------------- ________________ [११७] तओ दुस्सण्णप्पा पन्नत्ता तं जहा दुट्ठे मूढे वुग्गाहिए । [११८] तओ सुस्सण्णपा पन्नत्ता तं जहा अदुट्ठे अमूढे अवग्गाहिए । [११९] निग्गंथिं च णं गिलायमाणिं पिया वा भाया वा पुत्तो वा पलिस्सएज्जा तं च निग्गंथी साइज्जेज्जा मेहुणपडिसेवणपत्ता आवज्जइ चाउम्मासियं परिहारट्ठाणं अनुग्घाइयं । [१२०] निग्गंथं च णं गिलायमाणं माया वा भगिनी वा धूया वा पलिस्सएज्जा तं चं निग्गंथे साइज्जेज्जा मेहुणपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [१२१] नो कप्पइ निग्गंथाण वा निग्गंथीण वा असनं वा० पढमाए पोरिसीए पडिग्गाहित्ता पच्छिमं पोरिसिं उवाइणावेत्तए से य आहच्च उवाइणाविए सिया तं नो अप्पणा भुंजेज्जा नो अन्नेसिं उद्देसो-४ अनुप्पदेज्जा एगंतमंते बहुफा पएसे थंडिले पडिलेहित्ता पमज्जित्ता परिट्ठवेयव्वे सिया, तं अप्पणा भुंजमाणे अन्नेसिं वा दलमाणे आवज्जइ चाउम्मासियं परिहारट्ठाणं उग्घाइयं । [१२२] नो कप्पइ निग्गंथाण वा निग्गंथीण वा असनं वा पानं वा खाइमं वा साइमं वा परं अद्धजोयणमेराए उवाइणावेत्तए, से य आहच्च उवाइणाविए सिया तं नो अप्पणा भुंजेज्जा नो अन्नेसिं अनुप्पदेज्जा एगंतमंते बहुफासुए पएसे थंडिले पडिलेहित्ता पमज्जित्ता परिट्ठवेयव्वे सिया, तं अप्पणा भुंजमाणे अन्नेसिं वा दलमाणे आवज्जइ चाउम्मासियं परिहारट्ठाणं उग्घाइयं । [१२३] निग्गंथेण य गाहावइकुलं पिंडवायपडियाए अनुप्पविद्वेणं अन्नयरे अचित्ते अनेसणिज्जे पान-भोयणे पडिग्गाहिए सिया, अत्थि या इत्थ केइ सेहतराए अनुवट्ठावियए कप्पड़ से तस्स दाउं वा अनुप्पदाउं वा, नत्थि या इत्थ केइ सेहतराए अनुवट्ठावियए तं नो अप्पणा भुंजेज्जा, नो अन्नेसिं दावए, एगंते बहुफासए पएसे थंडिले पडिलेहित्ता पमज्जित्ता परिट्ठवेयव्वे सिया । [१२४] जे कडे कप्पट्ठियाणं कप्पड़ से अकप्पट्ठियाणं, नो से कप्पड़ कप्पट्ठियाणं, जे कडे अकप्पट्ठियाणं, नो से कप्पड़ कप्पट्ठियाणं कप्पड़ से अकप्पट्ठियाणं, कप्पे ठिया कप्पट्ठिया अकप्पे ठिया अकप्पट्ठिया । [१२५] भिक्खू य गणाओ अवक्कम्म इच्छेज्जा अन्नं गणं उवसंपज्जित्ताणं विहरित्तए नो से कप्पइ अनापुच्छित्ताणं आयरियं वा उवज्झायं वा पवत्तिं वा थेरं वा गणिं वा गणहरं वा गणावच्छेइयं वा अन्नं गणं उवसंपज्जित्ताणं विहरित्तए, कप्पड़ से आपुच्छित्ता आयरियं वा जाव गणावच्छेइयं वा अन्नं गणं उवसंपज्जित्ताणं विहरित्तए, ते य से वियरेज्जा, एवं से कप्पइ अन्नं गणं उवसंपज्जित्ताणं विहरित । ते य से नो वियरेज्जा एवं से नो कप्पड़ अन्नं गणं उवसंपज्जित्ताणं विहरित्तए । [१२६] गणावच्छेइए य गणाओ अवक्कम्म इच्छेज्जा अन्नं गणं उवसंपज्जित्ताणं विहरित्तए नो कप्पइ गणावच्छेइयस्स गणावच्छेइयत्तं अनिक्खिवित्ता अन्नं गणं उवसंपज्जित्ताणं विहरित्तए । कप्पड़ गणावच्छेइयस्स गणावच्छेइयत्तं निक्खिवित्ता अन्नं गणं उवसंपज्जित्ताणं विहरित्तए, नो से कप्प अनापुच्छित्ता आयरियं वा जाव गणावच्छेइयं वा अन्नं गणं उवसंपज्जित्ताणं विहरित्तए कप्पड़ से आपुच्छित्ता आयरियं वा जाव गणावच्छेइयं वा अन्नं गणं उवसंपज्जित्ताणं विहरित्तए । [दीपरत्नसागर संशोधितः ] [10] [३५-बुहत्कप्पो] Page #12 -------------------------------------------------------------------------- ________________ ते य से वियरेज्जा एवं से कप्पइ अन्नं गणं उवसंपज्जित्ताणं विहरित्तए ते य से नो वियरेज्जा एवं से नो कप्पइ अन्नं गणं उवसंपज्जित्ताणं विहरित्तए | [१२७] आयरिय-उवज्झाए य गणाओ अवक्कम्म इच्छेज्जा अन्नं गणं उवसंपज्जित्ताणं विहरित्तए, नो से कप्पइ आयरिय-उवज्झायस्स आयरिय-उवज्झायत्तं अनिक्खिवित्ता अन्नं गणं उवसंपज्जित्ताणं विहरित्तए कप्पइ से आयरिय-उवज्झायस्स आयरिय-उवज्झयत्तं निक्खिवित्ता अन्नं गणं उवसंपज्जित्ताणं विहरित्तए | नो से कप्पइ अणापच्छित्ता आयरियं वा जाव गणावच्छेइयं वा अन्नं गणं उवसंपज्जित्ताणं विहरित्तए कप्पड़ से आपच्छित्ता आयरियं वा जाव गणावच्छेइयं वा अन्नं गणं उवसंपज्जित्ताणं विहरित्तए । ते य से वियरेज्जा एवं से कप्पड़ अन्नं गणं उवसंपज्जित्ताणं विहरित्तए ते य से नो वियरेज्जा एवं से नो कप्पइ अन्नं गणं उवसंपज्जित्ताणं विहरित्तए । । [१२८] भिक्खू य गणाओ अवक्कम्म इच्छेज्जा अन्नं गणं संभोगपडियाए उवसंपज्जित्ताणं उद्देसो-४ विहरित्तए नो से कप्पइ अनापुच्छित्ता आयरियं वा जाव गणावच्छेइयं वा अन्नं गणं संभोगपडियाए उवसंपज्जित्ताणं विहरित्तए, कप्पड़ से आपुच्छित्ता आयरियं वा जाव गणावच्छेइयं वा अन्नं गणं संभोगपडियाए उवसंपज्जित्ताणं विहरित्तए | ते य से वियरेज्जा एवं से कप्पड़ अन्नं गणं संभोगपडियाए उवसंपज्जित्ताणं विहरित्तए, जत्थुत्तरियं धम्मविनयं लभेज्जा एवं से कप्पइ अन्नं गणं संभोगपडियाए उवसंपज्जित्ताणं विहरित्तए जत्थत्तरियं धम्मविनयं नो लभेज्जा एवं से नो कप्पइ अन्नं गणं संभोगपडियाए उवसंपज्जित्ताणं विहरित्तए । [१२९] गणावच्छेइए य गणाओ अवक्कम्म इच्छेज्जा अन्नं गणं संभोगपडियाए उवसंपज्जित्ताणं विहरित्तए, नो से कप्पड़ गणावच्छेइयस्स गणावच्छेइयत्तं अनिक्खिवित्ता अन्नं गणं संभोगपडियाए उवसंपज्जित्ताणं विहरित्तए, कप्पड़ से गणावच्छेइयस्स गणावच्छेइयत्तं निक्खिवित्ता णं अन्नं गणं संभोगपडियाए उवसंपज्जित्ताणं विहरित्तए | नो से कप्पड़ अनापुच्छित्ता आयरियं वा जाव गणावच्छेइयं वा अन्नं गणं संभोगपडियाए उवसंपज्जित्ताणं विहरित्तए, कप्पड़ से आपच्छित्ता आयरियं वा जाव गणावच्छेइयं वा अन्नं गणं संभोगपडियाए उवसंपज्जित्ताणं विहरित्तए ते य से वियरेज्जा एवं से कप्पड़ अन्नं गणं संभोगपडियाए उवसंपज्जित्ताणं विहरित्तए ते य से नो वियरेज्जा एवं से नो कप्पड अन्नं गणं संभोगपडियाए उवसंपज्जित्ताणं विहरित्तए । जत्थुत्तरियं धम्मविनयं लभेज्जा एवं से कप्पइ अन्नं गणं संभोगपडियाए उवसंपज्जित्ताणं विहरित्तए, जत्थुत्तरियं धम्मविनयं नो लभेज्जा एवं से नो कप्पइ अन्नं गणं संभोगपडियाए उवसंपज्जित्ताणं विहरित्तए । [१३०] आयरिय-उवज्झाए य गणाओ अवक्कम्म इच्छेज्जा अन्नं गणं संभोगपडियाए उवसंपज्जित्ताणं विहरित्तए, नो से कप्पड़ आयरिय-उवज्झायस्स आयरिय-उवज्झायत्तं अनिक्खिवित्ता दीपरत्नसागर संशोधितः] [11] [३५-बुहत्कप्पो] Page #13 -------------------------------------------------------------------------- ________________ अन्नं गणं संभोगपडियाए उवसंपज्जित्ताणं विहरित्तए, कप्पड़ से आयरिय उवज्झायस्स आयरियउवज्झायत्तं निक्खिवित्ताणं अन्नं गणं संभोगपडियाए उवसंपज्जित्ताणं विहरित्तए । नो से कप्पइ अनापुच्छित्ता आयरियं वा जाव गणावच्छेइयं वा अन्नं गणं संभोगपडिया उवसंपज्जित्ताणं विहरित्तए, कप्पड़ से आपुच्छित्ता आयरियं वा जाव गावच्छेयं वा अन्नं गण संभोगपडियाए उवसंपज्जित्ताणं विहरित्तए । ते य से वियरेज्जा, एवं से कप्पड़ अन्नं गणं संभोगपडियाए उवसंपज्जित्ताणं विहरित्तए तेय से नो वियरेज्जा एवं से नो कप्पड़ अन्नं गणं संभोगपडियाए उवसंपज्जित्ताणं विहरित्तए । जत्थुत्तरियं धम्मविनयं लभेज्जा एवं से कप्पर अन्नं गणं संभोगपडियाए उवसंपज्जित्ताणं विहरित्तए, जत्थुत्तरियं धम्मविनयं नो लभेज्जा एवं से नो कप्पइ अन्नं गणं संभोगपडियाए उवसंपज्जित्ताणं विहरित्तए । [१३१] भिक्खू य इच्छेज्जा अन्नं आयरिय उवज्झायं उद्दिसावेत्तए, नो से कप्पड़ अनापुच्छित्ता आयरियं वा जाव गणावच्छेइयं वा अन्नं आयरिय उवज्झायं उद्दिसावेत्तए, कप्पड़ से आपुच्छित्ता आयरियं वा जाव गणावच्छेइयं वा अन्नं आयरिय-उवज्झायं उद्दिसावेत्तए । उद्देसो-४ ते य से वियरेज्जा एवं से कप्पइ अन्नं आयरिय उवज्झायं उद्दिसावेत्तए, ते य से विज्जा एवं से नो कप्पइ अन्नं आयरिय उवज्झायं उद्दिसावेत्तए, नो से कप्पड़ तेसिं कारणं अदीवेत्ता अन्नं आयरिय उवज्झायं उद्दिसावेत्तए, कप्पड़ से तेसिं कारणं दीवेत्ता अन्नं आयरिय उवज्झायं उद्दिसावेत्तए । [१३२] गणावच्छेइए य इच्छेज्जा अन्नं आयरिय उवज्झायं उद्दिसावेत्तए, नो से कप्पड़ गणावच्छेइयत्तं अनिक्खिवित्ता अन्नं आयरिय उवज्झायं उद्दिसावेत्तए, कप्पड़ से गणावच्छेइयत्तं निक्खिवित्ता अन्नं आयरिय उवज्झायं उद्दिसावेत्तए । नो से कप्पड़ अनापुच्छित्ता आयरियं वा जाव गणावच्छेइयं वा अन्नं आयरिय उवज्झायं उद्दिसावेत्तए कप्पइ से आपुच्छित्ता आयरियं वा जाव गणावच्छेइयं वा अन्नं आयरिय-उवज्झायं उद्दिसावेत्तए । ते य से वियरेज्जा एवं से कप्पइ अन्नं आयरिय उवज्झायं उद्दिसावेत्तए, ते य से नो वियरेज्जा एवं से नो कप्पड़ अन्नं आयरिय उवज्झायं उद्दिसावेत्तए, नो से कप्पड़ तेसिं कारणं अदीवेत्ता अन्नं आयरिय-उवज्झायं उद्दिसावेत्तए कप्पड़ से तेसिं कारणं दीवेत्ता अन्नं आयरिय-उवज्झायं उद्दिसावेत् । [१३३] आयरिय-उवज्झाए य इच्छेज्जा अन्नं आयरिय उवज्झायं उद्दिसावेत्तए, नो से कप्पइ आयरिय उवज्झायस्स आयरिय उवज्झायत्तं अनिक्खिवित्ता अन्नं आयरिय-उवज्झायं उद्दिसावेत्तए, कप्पड़ से आयरिय-उवज्झायत्तं निक्खिवित्ता अन्नं आयरिय उवज्झायं उद्दिसावेत्तए । नो से कप्प अनापुच्छित्ता आयरियं वा जाव गणावच्छेइयं वा अन्नं आयरिय-उवज्झायं उद्दिसावेत्तए, कप्पड़ से आपुच्छित्ता आयरियं वा जाव गणावच्छेइयं वा अन्नं आयरिय उवज्झायं उद्दिसावे | [ दीपरत्नसागर संशोधितः ] [12] [३५-बुहत्कप्पो] Page #14 -------------------------------------------------------------------------- ________________ ते य से वियरेज्जा एवं से कप्पइ अन्नं आयरिय-उवज्झायं उद्दिसावेत्तए, ते य से नो वियरेज्जा एवं से नो कप्पड़ अन्नं आयरिय-उवज्झायं उद्दिसावेत्तए | नो कप्पड़ तेसिं कारणं अदीवेत्ता अन्नं आयरिय-उवज्झायं उद्दिसावेत्तए, कप्पड़ से तेसिं कारणं दीवेत्ता अन्नं आयरिय-उवज्झायं उद्दिसावेत्तए । [१३४] भिक्खू य राओ वा वियाले वा आहच्च वीसुंभेज्जा, तं च सरीरगं केइ वेयावच्चकरे भिक्खू इच्छेज्जा एगंतमते बहुफासुए पएसे परिद्ववेत्तए, अत्थि या इत्थ केइ सागारियसंतिए उवगरणजाए अचित्ते परिहरणारिहे, कप्पड़ से सागारियकडं गहाय तं सरीरगं एगंते बहुफासुए पएसे परिद्ववेत्ता तत्थेव उवनिक्खिवियव्वे सिया । [१३५] भिक्खू य अहिगरणं कट्ट तं अहिरगरणं अविओसवेत्ता नो से कप्पइ गाहावइकुलं भत्ताए वा पाणाए वा निक्खमित्तए वा पविसित्तए वा बहिया वियारभूमि वा विहारभूमि वा निक्खमित्तए वा पविसित्तए वा गामानुगामं वा दूइज्जित्तए, गणाओ वा गणं संकमित्तए, वासावासं वा वत्थए, जत्थे व अप्पणो आयरिय-उवज्झायं पासेज्जा बहुस्सुयं बज्झागमं कप्पड़ से तस्संतिए आलोएज्जा पडिक्कमेज्जा निंदेज्जा गरहेज्जा विउद्देज्जा विसोहेज्जा अकरणयाए अब्भुटेज्जा अहारिहं तवोकम्मं पायच्छित्तं पडिवज्जेज्जा, से य सुएणं पट्टविए आइयव्वे सिया, से य सुएण नो पट्ठविए नो आइयव्वे सिया, से य उद्देसो-४ सुएणं पट्टविज्जमाणे नो आइयइ से निज्जूहियव्वे सिया । [१३६] परिहारकप्पट्ठियस्स णं भिक्खुस्स कप्पइ आयरिय-उवज्झाएणं तद्दिवसं एगगिहसि पिंडवायं दवावेत्तए, तेण परं नो से कप्पइ असनं वा पानं वा खाइमं वा साइमं वा दाउं वा अनुप्पदाउं वा, कप्पड़ से अन्नयरं वेयावडियं करेत्तए तं जहा-उट्ठावणं वा निसीयावणं वा तुयट्टावणं वा उच्चार-पासवणखेल-सिंघाण-विगिंचणं वा विसोहणं वा करेत्तए | अह पुण एवं जाणेज्जा छिन्नावाएसु पंथेसु आउरे झिंझिए पिवासिए, तवस्सी दुब्बले किलंते मुच्छेज्ज वा पवडेज्ज वा एवं से कप्पइ असनं वा पानं वा खाइमं वा साइमं वा दाउं वा अनुप्पदाउं वा । [१३७] नो कप्पइ निग्गंथाण वा निग्गंथीण वा इमाओ पंच महण्णवाओ महानईओ उद्दिद्वाओ गणियाओ वंजियाओ अंतो मासस्स दक्खत्तो वा तिक्खुत्तो वा उत्तरित्तए वा संत्तरित्तए वा । तं जहा- गंगा जउणा सरयू कोसिया मही | [१३८] अह पूण एवं जाणेज्जा ए लाए जत्थ चक्किया एगं पायं जले किच्चा एगं पायं थले किच्चा एवण्हं कप्पड़ अंतो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा, जत्थ एवं नो चक्किया एवण्हं नो कप्पइ अंतो मासस्स दुक्खुत्तो वा जाव संत्तरित्तए वा | [१३९] से तणेसु वा तणपुंजेसु वा पलालेसु वा पलालपुंजेसु वा अप्पंडेसु अप्पपाणेसु अप्पबीएसु अप्पहरिएसु अप्पुस्सेसु अप्पुत्तिंग-पणग-दगमट्टिय-मक्कडा-संताणएसु अहेसवणमायाए नो कप्पइ निग्गंथाण वा निग्गंथीण वा तहप्पगारे उवस्सए हेमंतगिम्हासु वत्थए । __[१४०] से तणेसु वा जाव संताणएसु उप्पिंसवणमायाए कप्पइ निग्गंथाण वा निग्गंथीण वा तहप्पगारे उवस्सए हेमंतगिम्हासु वत्थए । [१४१] से तणेसु वा तणपुंजेसु वा जाव संताणएसु अहेरयणिमुक्कमउडे नो कप्पड़ निग्गंथाण वा निग्गंथीणं वा तहप्पगारे उवस्सए वासावासं वत्थए । दीपरत्नसागर संशोधितः] [13] [३५-बुहत्कप्पो] Page #15 -------------------------------------------------------------------------- ________________ [१४२] से तणेसु वा तणपुंजेसु वा जाव संताणएसु उप्पिंरयणिमुक्कमउडेसु कप्प निग्गंथाण वा निग्गंथीणं वा तहप्पगारे उवस्सए वासावासं वत्थए त्ति बेमि । • चउत्थो उद्देसो समत्तो 0 • पंचमो उद्देसो ० [१४३] देवे य इत्थिरूवं विउव्वित्ता निग्गंथं पडिग्गाहेज्जा तं च निग्गंथे साइज्जेज्जा, मेहुणपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [१४४] देवे य पुरिसरूवं विउव्वित्ता निग्गंथिं पडिग्गाहेज्जा तं च निग्गंथी साइज्जेज्जा, मेहुणपडिसेवणपत्ता आवज्जइ चाउम्मासियं अनुग्घाइयं । [१४५] देवी य इत्थिरूवं विउव्वित्ता निग्गंथं पडिग्गाहेज्जा तं च निग्गंथे साइज्जेज्जा, मेहुणपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [१४६] देवी य पुरिसरूवं विउव्वित्ता निग्गंथिं पडिग्गाहेज्जा तं च निग्गंथी साइज्जेज्जा, मेहुणपडिसेवणपत्ता आवज्जइ चाउम्मासियं अनुग्घाइयं । [१४७] भिक्खू य अहिगरणं कट्टु तं अहिगरण अविओसवेत्ता इच्छेज्जा अन्नं गणं उद्देसो-५ उवसंपज्जित्ताणं विहरित्तए, कप्पड़ तस्स पंच राइंदियाइं छेयं कट्टु-परिनिव्वविय-परिनिव्वविय दोच्चं पि तमेव गणं पडिनिज्जाएयव्वे सिया, जहा वा तस्स गणस्स पत्तियं सिया । [१४८] भिक्खू य उग्गयवित्तीए अनत्थमियसंकप्पे संथडिए निव्वितिगिंच्छे असनं वा पानं वा खाइमं वा साइमं वा पडिग्गाहेत्ता आहारमाहारेमाणे अह पच्छा जाणेज्जा अनुग्गए सूरिए अत्थमिए वा से जं च मुहे जं च पाणिंसि जं च पडिग्गहे तं विगिंचमाणे वा विसोहेमाणे वा नो अइक्कमइ तं अप्पणा भुंजमाणे अन्नेसिं वा दलमाणे राईभोयणपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [१४९] भिक्खू य उग्गयवित्तीए अनत्थमियसंकप्पे संथडिए वितिगिंच्छासमावन्नेणं अप्पा असनं वा पानं वा खाइमं वा साइमं वा पडिग्गाहेत्ता आहारमाहारेमाणे अह पच्छा जाणेज्जा अनुग्गए सूरिए अत्थमिए वा, से जं च मुहे जं च पाणिंसि जं च पडिग्गहे तं विगिंचमाणे वा जाव दलमाणे राईभोयणपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [१५०] भिक्खू य उग्गयवित्तीए अनत्थमियसंकप्पे असंथडिए निव्वितिगिंच्छे समावण्णेणं अप्पाणेणं असनं वा पानं वा खाइमं वा साइमं वा पडिग्गाहेत्ता आहारमाहारेमाणे अह पच्छा जाणेज्जाअनुग्गए सूरिए अत्थमिए वा, से जं च मुहे जं च पाणिसि जं च पडिग्गहे तं विगिंचमाणे वा जाव दलमाणे राईभोयपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [१५१] भिक्खू य उग्गयवित्तीए अनत्थमियसंकप्पे असंथडिए वितिगिंच्छासमावन्ने असनं वा पानं वा खाइमं वा साइमं वा पडिग्गाहेत्ता आहारमाहारेमाणे अह पच्छा जाणेज्जा अनुग्गए सूरिए अत्थमिए वा से जं च मुहे जं च पाणिंसि जं च पडिग्गहंसि तं विगिंचमाणे वा जाव दलमाणे राईभोयणपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [ दीपरत्नसागर संशोधितः ] [14] [३५-बुहत्कप्पो] Page #16 -------------------------------------------------------------------------- ________________ [१५२] इह खलु निग्गंथस्स वा निग्गंथीए वा राओ वा वियाले वा सपाणे सभोयणे उग्गाले आगच्छेज्जा तं विगिंचमाणे वा विसोहेमाणे वा नो अइक्कमइ, तं उग्गिलित्ता पच्चोगिलमाणे राईभोयणपडिसेवणपत्ते आवज्जइ चाउम्मासियं परिहारट्ठाणं अनुग्घाइयं । [१५३] निग्गंथस्स य गाहावइकुलं पिंडवायपडियाए अनुप्पविट्ठस्स अंतोपडिग्गहंसि पाणे वा बीए वा रए वा परियावज्जेज्जा तं च संचाएइ विगिंचित्तए वा विसोहेत्तए वा तं पुव्वामेव आलोइया आलोइय विसोहिय-विसोहिय ततो संजयामेव भुंजेज्ज वा पिबेज्ज वा, तं च नो संचाएइ विगिंचित्त वा विसोहेत्तए वा तं नो अप्पणा भुंजेज्जा नो अन्नेसिं दावए, एगंते बहुफासुए पएसे थंडिले पडिलेहित्ता पमज्जित्ता परिट्ठवेयव्वे सिया । [१५४] निग्गंथस्स य गाहावइकुलं पिंडवायपडियाए अनुप्पविट्ठस्स अंतोपडिग्गहंसि द वा दगर वा दगफुसिए वा परियावज्जेज्जा, से य उसिणे भोयणजाए भोत्तव्वे सिया, से य सीए भोयणजाए तं नो अप्पणा भुंजेज्जा, नो अन्नेसिं दावए, एगंते बहुफासुए पएसे थंडिले पडिलेहित्ता पमज्जित्ता परिट्ठवेयव्वे सिया । [१५५ ] निग्गंथीए राओ वा वियाले वा उच्चारं वा पासवणं वा विगिंचमाणीए वा विसोहेमाणीए वा अन्नयरे पसुजातीए वा पक्खिजातीए वा अन्नयरं इंदियजायं परामुसेज्जा, तं च निग्गंथी साइज्जेज्जा, हत्थकम्मपडिसेवणपत्ता आवज्जइ मासियं अनुग्घाइयं । [१५६ ] निग्गंथीए य राओ वा वियाले वा उच्चारं वा पासवणं वा विगिंचमाणीए वा विसोहे उद्देसो-५ माणीए वा अन्नयरे पसुजातीए वा पक्खिजातीए वा अन्नयरंसि सोयंसि ओगाहेज्जा, तं च निग्गंथी साइज्जेज्जा, मेहुणपडिसेवणपत्ता आवज्जइ चाउम्मासियं परिहारट्ठाणं अनुग्घाइयं । [१५७] नो कप्पड़ निग्गंथीए एगाणियाए होत्था । [१५८] नो कप्पइ निग्गंथीए एगाणियाए गाहावइकुलं भत्ताए वा पाणाए वा निक्खमित् वा पविसित्तए वा । [१५९] नो कप्पइ निग्गंथीए एगाणियाए बहिया वियारभूमिं वा विहारभूमिं वा निक्खमित्त वा पविसित्तए वा । [१६०] नो कप्पइ निग्गंथीए एगाणियाए गामाणुगामं दूइज्जित्तए । [१६१] नो कप्पड़ निग्गंथीए एगाणियाए वासावासं वत्थए । [१६२] नो कप्पड़ निग्गंथीए अचेलिया होत्तए । [१६३] नो कप्पड़ निग्गंथीए अपाइयाए होत्तए । [१६४ ] नो कप्पड़ निग्गंथीए वोसट्टकाइयाए होत्तए । [ १६५ ] नो कप्पड़ निग्गंथीए बहिया गामस्स वा जाव संनिवेसस्स वा उड्ढं बाहाओ पगिज्झिय-पगिज्झिय सूराभिमुहीए एगपाइयाए ठिच्चा आयावणाए आयावेत् । [१६६] कप्पड़ से उवस्सयस्स अंतोवगडाए संघाडिपडिबद्धाए समतलपाइयाए पलंबियबाहियाए ठिच्चा आयावणाए आयावेत्तए । [१६७ ] नो कप्पड़ निग्गंथीए ठाणाययाए होत । [१६८] नो कप्पड़ निग्गंथीए पडिमट्ठाइयाए होत्तए । [15] [दीपरत्नसागर संशोधितः ] [३५-बुहत्कप्पो] Page #17 -------------------------------------------------------------------------- ________________ [१६९] नो कप्पइ निग्गंथीए ठाणुक्कडियासणियाए होत्तए । [१७०] नो कप्पड़ निग्गंथीए नेसज्जियाए होत्तए । [१७१] नो कप्पइ निग्गंथीए वीरासणियाए होत्तए | [१७२] नो कप्पइ निग्गंथीए दंडासणियाए होत्तए | [१७३] नो कप्पइ निग्गंथीए लगंडसाइयाए होत्तए | [१७४] नो कप्पइ निग्गंथीए ओमंथियाए होत्तए । [१७५] नो कप्पइ निग्गंथीए उत्ताणियाए होत्तए | [१७६] नो कप्पड़ निग्गंथीए अंबखुज्जियाए होत्तए | [१७७] नो कप्पइ निग्गंथीए एगपासियाए होत्तए | [१७८] नो कप्पइ निग्गंथीणं आकुंचणपट्टगं धारित्तए वा परिहरित्तए वा । [१७९] कप्पइ निग्गंथाणं आकुंचणट्टगं धारित्तए वा परिहरित्तए वा । [१८०] नो कप्पइ निग्गंथीणं सावस्सयंसि आसनंसि चिहित्तए वा निसीइत्तए वा आसइत्तए वा त्यट्टित्तए वा । [१८१] कप्पइ निग्गंथाणं सावस्सयंसि आसनंसि चिद्वित्तए वा निसीइत्तए वा आसइत्तए वा तुयट्टित्तए वा । [१८२] नो कप्पइ निग्गंथीणं सविसाणंसि पीढंसि वा फलगं सि वा चिद्वित्तए वा, उद्देसो-५ निसीइत्तए वा आसइत्तए वा त्यट्टित्तए वा । [१८३] कप्पइ निग्गंथाणं सविसाणंसि जाव आसइत्तए वा तुयट्टित्तए वा । [१८४] नो कप्पड़ निग्गंथीणं सवेंटयं लाउयं धारित्तए वा परिहरित्तए वा । [१८५] कप्पइ निग्गंथाणं सवेंटयं लाउयं धारित्तए वा परिहरित्तए वा | [१८६] नो कप्पइ निग्गंथाणं सवेंटिया पायसकेसरिया धारित्तए वा परिहरित्तए वा । [१८७] कप्पइ निग्गंथाणं सवेंटिया पायकेसरिया धारित्तए वा परिहरित्तए वा । [१८८] नो कप्पइ निग्गंथीणं दारुदंडयं पायपुंछणं धारित्तए वा परिहरित्तए वा । [१८९] कप्पइ निग्गंथाणं दारुदंडयं पायपुंछणं धारित्तए वा परिहरित्तए वा । [१९०] नो कप्पइ निग्गंथाण वा निग्गंथीण वा अन्नमन्नस्स मोयं आइयत्तए वा आयमित्तए वा नन्नत्थ गाढागाढेहिं रोगायंकेस् । [१९१] नो कप्पइ निग्गंथाण वा निग्गंथीण वा पारियासियस्स आहारस्स जाव तयप्पमाणमेत्तमवि भूइप्पमाणमेत्तमवि बिंदुप्पमाणमेत्तमवि आहारमाहारित्तए, नन्नत्थ आगाढेसु रोगायंकेसु । __ [१९२] नो कप्पइ निग्गंथाण वा निग्गंथीण वा पारियासिएणं आलेवणजाएण गायाई आलिंपित्तए वा विलिंपित्तए वा, नन्नत्थ आगाढेहिं रोगायंकेहिं । [१९३] नो कप्पइ निग्गंथाण वा निग्गंथीण वा पारियासिएणं तेल्लेण वा घएण वा नवनीएण वा वसाए वा गायाई अब्भंगित्तए वा मक्खित्तए वा नन्नत्थ आगाढेहिं रोगायंकेहिं । [दीपरत्नसागर संशोधितः] [16] [३५-बुहत्कप्पो] Page #18 -------------------------------------------------------------------------- ________________ [१९४] परिहारकप्पट्ठिए भिक्खू बहिया थेराणं वेयावडियाए गच्छेज्जा, से य आहच्च अइक्कमेज्जा, तं च थेरा जाणेज्जा, अप्पणो आगमेणं अन्नेसिं वा अंतिए सोच्चा, तओ पच्छा तस्स अहालहुसए नाम ववहारे पट्ठवियव्वे सिया । [१९५] निग्गंथीए य गाहावइकुलं पिंडवायपडियाए अनुप्पविट्ठाए अन्नयरे पुलागभत्ते पडिग्गाहिए सिया, सा य संथरेज्जा, कप्पड़ से तदिवसं तेणेव भत्तटेणं पज्जोसवेत्तए, नो से कप्पड़ दोच्चं पि गाहावइकुलं पिंडवायपडियाए पविसित्तए, सा य नो संथरेज्जा, एवं से कप्पइ दोच्चं पि गाहावइकुलं पिंडवायपडियाए पविसित्तए त्ति बेमि ।। • पंचमो उद्देसो समत्तो . ० छटो-उद्देसो . [१९६] नो कप्पइ निग्गंथाण वा निग्गंथीण वा इमाई छ अवयणाइं वइत्तए तं जहा अलियवयणे हीलियवयणे खिंसियवयणे फरुसवयणे गारत्थियवयणे विओसवियं वा पुणो उदीरित्तए | [१९७] छ कप्पस्स पत्थारा पन्नत्ता तं जहा-पाणाइवायस्स वायं वयमाणे मुसावायस्स वायं वयमाणे अदिन्नादाणस्स वायं वयमाणे अविरइयवायं वयमाणे अपुरिसवायं वयमाणे दासवायं वयमाणे, इच्चेए कप्पस्स छ पत्थारे पत्थरेत्ता सम्म अप्पडिपूरेमाणे तहाणपत्ते सिया । [१९८] निग्गंथस्स य अहेपायंसि खाणूए वा कंटए वा हीरे वा सक्करे वा परियावज्जेज्जा तं च निग्गंथे नो संचाएज्जा नीहरित्तए वा विसोहेत्तए वा, तं निग्गंथी नीहरमाणी वा विसोहेमाणी वा नाइक्कमइ । उद्देसो-६ [१९९] निग्गंथस्स य अच्छिंसि पाणे वा बीए वा रए वा परियावज्जेज्जा, तं च निग्गंथे नो संचाएज्जा नीहरित्तए वा विसोहेत्तए वा, तं निग्गंथी नीहरमाणी वा विसोहेमाणी वा नाइक्कमइ । [२००] निग्गंथीए य अहे पायंसि खाणू वा कंटए वा हीरे वा सक्करे वा परियावज्जेज्जा तं च निग्गंथी नो संचाएज्जा नीहरित्तए वा विसोहेत्तए वा, तं च निग्गंथे नीहरमाणे वा विसोहेमाणे वा नाइक्कमइ । [२०१] निग्गंथीए य अच्छिंसि पाणे वा बीए वा रए वा परियावज्जेज्जा, तं च निग्गंथी नो संचाएइ नीहरित्तए वा विसोहेत्तए वा, तं च निग्गंथे नीहरमाणे वा विसोहेमाणे वा नाइक्कमइ । __ [२०२] निग्गंथे निग्गंथिं दुग्गंसि वा विसमंसि वा पव्वयंसि पक्खुलमाणिं वा पवडमाणिं वा गिण्हमाणे वा अवलंबमाणे वा नाइक्कमइ । २०३] निग्गंथे निग्गंथि सेयंसि वा पंकसि वा पणगंसि वा उदयंसि वा ओकसमाणिं वा ओवुज्झमाणिं वा गिण्हमाणे वा अवलंबमाणे वा नाइक्कमइ । २०४] निग्गंथे निग्गंथिं नावं आरुभमाणिं वा ओरुभमाणिं वा गिण्हमाणे वा अवलंबमाणे वा नाइक्कमइ । [२०५] खित्तचित्तं निग्गंथिं निग्गंथे गिण्हमाणे वा अवलंबमाणे वा नाइक्कमइ । [२०६] दित्तचित्तं निग्गंथिं निग्गंथे गिण्हमाणे वा अवलंबमाणे वा नाइक्कमइ | [२०७] जक्खाइटिं निग्गंथि निग्गंथे गिण्हमाणे वा अवलंबमाणे वा नाइक्कमइ । दीपरत्नसागर संशोधितः] [17] [३५-बुहत्कप्पो] Page #19 -------------------------------------------------------------------------- ________________ [208] उम्मायपत्तिं निग्गंथि निग्गंथे गिण्हमाणे वा अवलंबमाणे वा नाइक्कमइ / [209] उवसग्गपत्तिं निग्गंथि निग्गंथे गिण्हमाणे वा अवलंबमाणे वा नाइक्कमइ / [210] साहिगरणं निग्गंथि निग्गंथे गिण्हमाणे वा अवलंबमाणे वा नाइक्कमइ | [211] सपायच्छित्तं निग्गंथि निग्गंथे गिण्हमाणे वा अवलंबमाणे वा नाइक्कमइ / [212] भत्तपानपडियाइक्खियं निग्गंथि निग्गंथे गिण्ह० नाइक्कमइ / [213] अट्ठजायं निग्गंथिं निग्गंथे गिण्हमाणे वा अवलंबमाणे वा नाइक्कमइ / 214] छ कप्पस्स पलिमंथ पन्नत्ता, तं जहा कोक्कडए संजमस्स पलिमंथ, मोहरिए सच्चवयणस्स पलिमंथू, चक्खुलोलुए इरियावहियाए पलिमंथू, तितिणिए एसणागोयरस्स पलिम), इच्छालोभिए मुत्तिमग्गस्स पलिमंथू, भिज्जानियाणकरणे मोक्खमग्गस्स पलिमंथू, सव्वत्थ भगवया अनियाणया पसत्था / [215] छव्विहा कप्पहिती पन्नत्ता, तं जहा- [1] सामाइयसंजय कप्पद्विती, [2] छेदोवट्ठावणियं-संजय कप्पद्विती, [3] निव्विसमाण कप्पद्विती, [4] निविट्ठकाइय कप्पद्विती, [5] जिन कप्पद्विती, [6] थेर कप्पद्विती, त्ति बेमि | * छट्ठो उद्देसो समत्तो . मुनि दीपरत्नसागरेण संशोधितः सम्पादितश्च “बुहत्कप्पो छेयसुत्तं" सम्मत्तं बुहत्कप्पो-बीइयं छेयसुत्तं सम्मत्तं दीपरत्नसागर संशोधितः] [18] [३५-बुहत्कप्पो]