Page #1
--------------------------------------------------------------------------
________________ II SHREE VITRAAGAAYA NAMAH II UPPANEINA VIGAMEINA DHUVEINA upAsakadazAMga suttaM UPASAKADASANGA SUTRA
Page #2
--------------------------------------------------------------------------
________________ paMcama gaNadhara siri suhammasAmI viraiyaM uvAsagadasAo upAsakadasAMga suttaM UPASAKADASANGA SUTRA mUla pATha Ardhamagadhi Aphorisms aMga Agama - 7 7th ANGA AGAMA Bhagwan Mahavira's Precepts Sutra First Composed By Fifth Ganadhara SRI SUDHARMA SWAMI Vallabhi Council (Synod) Chair DEVARDDHIGANI KSAMASRAMANA Published By GLOBAL JAIN AAGAM MISSION
Page #3
--------------------------------------------------------------------------
________________ ubAsagadasAo upAsakadasAMga suttaM UPASAKADASANGA SUTRA First eBook Edition (PDF)-2012 Source of Ardhamagadhi Aphorisms: GURUPRAN AAGAM BATRISI (Aagam Series) (Gujarati 2nd Edition, 2009) Published on the Occasion of 100th Birth Anniversary of SAURASHTRA KESHARI GURUDEV PUJYA SHREE PRANLALJI M. S. Text in "Mangal (Unicode)" Font Published By: GLOBAL JAIN AAGAM MISSION C/o. Pawandham, Mahavir Nagar, Kandivali (W), Mumbai - 400 067 Tel.: +91 92233 14335, e-mail: info@jainaagam.org www.jainaagam.org / www.parasdham.org Computer Source files can be made available for appropriate scholarly use, Please contact in writing at the email/phone contacts listed above.
Page #4
--------------------------------------------------------------------------
________________ Rashtra Sant Yug Diwakar Pujya Gurudev NamraMuni M.S. Inspired GLOBAL JAIN AAGAM MISSION Promoting Compassionate and Nonviolent Living MISSION: Global Jain Aagam Mission promotes the eternal truths of Jain Agama (precepts of Lord Mahavira) to build a compassionate and nonviolent lifestyle in the world. GOALS AND OBJECTIVES: * Translate all Jain Agamas (scriptures) into English and other world languages * Make Agamas available in all electronic forms * Promote awareness of Agama throughout the world * Educate and uphold Jain way of life using expertise of social media * Promote a compassionate and nonviolent lifestyle throughout the world * Encourage and promote research on Agamas to develop approaches to the world challenges (ecology & environment, global warming, world peace, psychology, health, scientific principles, etc.) * Hold periodic conventions to promote exchanges among world's scholars * Interface with interreligious organizations and other guiding institutions * Be a resource for information and referral * Work co-operatively with local, regional, national, and global organizations TRANSLATION OF JAIN AAGAMAS INTO ENGLISH: The Global Jain Aagam Mission has embarked on a project to translate and publish all Jain Agamas into English. The English translation of the Agama will help youth of today in India and abroad to learn and understand Lord Mahavira's preachings. The goal is to reach every household and every person in the world to impart the wisdom of the Agamas. In a non-sectarian way, this Mission will endeavor to deliver the Lord Mahavira's message to hearts of the people. The translated Agamas will be distributed to various libraries, universities and Jain institutions within our country and abroad. In addition, it will be made available on the Internet and in electronic forms of eBooks, etc. Many learned intellectuals from different countries and cultures have supported this project of translating the Agama's into English. The work is being performed in cities of Mumbai, Ahmedabad, Bangalore, Shravanbelgola, Delhi, Jaipur, Chennai, Kolkata, Banaras, Ladnu, Dubaii, and USA. In addition, this mission is receiving guidance and blessings from spiritual leaders of various religious traditions. INVITATION TO PARTICIPATE: We invite scholars, spiritual aspirants and shravaks to join us in making this mission a success. Your contribution of knowledge, time, and money will be appreciated. Please contact by email at info@jainaagam.org or by phone to: Girish Shah at Tel. +91-92233-14335 or Gunvant Barvalia at Tel. +91-98202-15542
Page #5
--------------------------------------------------------------------------
________________ paDhamaM ajjhayaNaM. ANaMde bIaM ajjhayaNaM, kAmadeve taiaM ajjhayaNaM. culaNIpiyA... cautyai ajjhayaNaM surAdeve... paMcama ajjhayaNaM.. cullasayae. cha ajjhayaNaM.... kuMDakolie. sattamaM ajjhayaNaM.. saddAlaputte. amaM ajjhayaNaM. upAsakadasAMga sUtra viSaya sUcI Table of Content mahAsayae.. NavamaM ajjhayaNaM.. NaMdiNIpiyA. dasamaM ajjhayaNaM sAlihIpiyA pariseso... // uvAsagadasAMga suttaM samattaM // ... - 1 15 15 .21 21 2 2 2 2 2 2 2 24 24 26 .27 27 29 38 38 43 43 43 43 44 44
Page #6
--------------------------------------------------------------------------
________________ upAsakadasAMga sUtra paDhamaM ajjhayaNaM ANaMde | - la |bda teNaM kAleNaM teNaM samaeNaM caMpA NAmaM NayarI hotthA | vaNNao | puNNabhadde ceie| vaNNao teNaM kAleNaM teNaM samaeNaM samaNassa bhagavao mahAvIrassa aMtevAsI ajja suhamme NAma there jAi saMpaNNe jAva saMkhitta-viula-teulesse cauddasapuvvI, cauNANovagae, paMcahi aNagAra saehiM saddhiM saMparivuDe, puvvANupuvviM caramANe gAmANugAmaM dUijjamANe, suhaM suheNaM viharamANe jeNeva caMpA NayarI jeNeva puNNabhadde ceie teNeva uvAgacchai | caMpA gayarIe bahiyA puNNabhadde ceie ahApaDirUvaM oggahaM ogiNhai, ogiNhittA saMjameNaM tavasA appANaM bhAvemANe vihri| teNaM kAleNaM teNaM samaeNaM ajja suhammassa therassa jeTTe aMtevAsI ajja jaMbU NAmaM aNagAre kAsava gotteNaM sattussehe, samacauraMsa-saMThANa-saMThie, vaira-risaha- NArAya- saMghayaNe jAva saMjameNaM tavasA appANaM bhAvemANe viharai / tae NaM se ajja jaMbU NAmaM aNagAre jAyasaDDhe, jAyasaMsae, jAyakoUhalle; uppaNNasaDDhe, uppaNNasaMsae, uppaNNakoUhalle; saMjAyasaDDhe, saMjAyasaMsae, saMjAya koUhalle; samuppaNNasaDDhe, samuppaNNasaMsae, samuppaNNakoUhalle uTThAe uDhei, udvettA jeNeva ajjasuhamme there teNeva uvAgacchai, uvAgacchitA ajjasuhammaM theraM tikkhutto AyAhiNaM payAhiNaM karei, karettA, vaMdai NamaMsai, vaMdittA NamaMsittA paccAsaNNe NAidUre sussUsamANe NamaMsamANe abhimuhe viNaeNaM paMjaliuDe pajjuvAsamANe evaM vayAsIjai NaM bhaMte ! samaNeNaM bhagavayA mahAvIreNaM AigareNaM, titthayareNaM, sayaM saMbaddhaNaM, purisuttameNaM, purisasIheNaM, purisavarapuMDarIeNaM, purisavaragaMdhahatthiNA, loguttameNaM, logaNAheNaM, logahieNaM, logapaIveNaM, loga-pajjoyagareNaM, abhayadaeNaM, cakkhudaeNaM, maggadaeNaM, saraNadaeNaM, jIvadaeNaM, bohidaeNaM, dhammadaeNaM, dhammadesaeNaM, dhammaNAyageNaM, dhammasArahiNA, dhamma vara-cAuraMta-cakkavaTTiNA, dIvotANaM-saraNa-gaI-paiTThANeNaM, appaDiyahayavaraNANadaMsaNadhareNaM, viyadRchaumeNaM, jiNeNaM, jAvaeNaM, tiNNeNaM, tAraeNaM, buddheNaM, bohaeNaM matteNaM, moyageNaM, savvaNNeNaM savvadarisiNA, siva-mayala- maruya- maNaMta-makkhaya- mavvAbAha mapaNarAvattayaM siddhigai-NAmadheya ThANaM saMpatteNaM, chaTThassa aMgassa NAyAdhammakahANaM ayamadve
Page #7
--------------------------------------------------------------------------
________________ upAsakadasAMga sUtra | cha paNNatte, sattamassa NaM bhaMte ! aMgassa uvAsagadasANaM samaNeNaM jAva saMpatteNaM ke aTe paNNatte ? evaM khalu jaMbU ! samaNeNaM bhagavayA mahAvIreNaM jAva saMpatteNaM sattamassa aMgassa uvAsagadasANaM dasa ajjhayaNA paNNattA / taM jahAANaMde kAmadeve ya, gAhAvai culaNIpiyA / surAdeve cullasayae, gAhAvai kuMDakolie | saddAlaputte mahAsayae, NaMdiNIpiyA sAlihIpiyA || jai NaM bhaMte ! samaNeNaM jAva saMpatteNaM sattamassa aMgassa uvAsagadasANaM dasa ajjhayaNA paNNattA, paDhamassa NaM bhaMte ! ajjhayaNassa samaNeNaM jAva saMpatteNaM ke aTe paNNatte ? evaM khalu jaMbU ! teNaM kAleNaM teNaM samaeNaM vANiyagAme NAmaM Nayare hotthA / vaNNao / tassa vANiyagAmassa bahiyA uttaraparatthime disibhAe daipalAsae NAmaM cehae | vnnnno| tattha NaM vANiyagAme Nayare jiyasattU rAyA hotthA | vnnnno| tattha NaM vANiyagAme ANaMde NAmaM gAhAvaI parivasai-ar3aDhe ditte, vitte vicchiNNa-viula-bhavaNa-sayaNAsaNa-jANa-vAhaNe, bahu-dhaNa-jAyarUva-rayae, Aoga-paoga-saMpautte, vicchaDDiya- paura-bhatta-pANe, bahu-dAsIdAsa-go-mahisa-gavelagappabhUe bahujaNassa aparibhUe | tassa NaM ANaMdassa gAhAvaissa cattAri hiraNNakoDIo NihANapauttAo, cattAri hiraNakoDIo iDhipauttAo; cattAri hiraNNakoDIo pavittharapauttAo, cattAri vayA dasagosAhassieNaM vaeNaM hotthA / se NaM ANaMde gAhAvaI bahUNaM rAIsara talavara-mAiMbiya-koDubiya-ibbha-seTThi- seNAvai satthavAhANaM bahusu kajjesu ya kAraNesu ya maMtesu ya kuTuMbesu ya gujjhesu ya rahassesu ya Nicchaesu ya vavahAresu ya ApucchaNijje paDipucchaNijje sayassa vi ya NaM kuTuMbassa meDhIbhUe, pamANabhUe, AhArabhUe, AlaMbaNabhUe, cakkhubhUe savva-kajja-vaDDhAvae yAvi hotthA / tassa NaM ANaMdassa gAhAvaissa sivANaMdA NAmaM bhAriyA hotthA- ahINa paDipuNNa- paMciMdiyasarIrA, lakkhaNa-vaMjaNa-guNovaveyA, mANummANappamANa-paDipuNNa- sujAya- savvaMgasuMdaraMgI, sasi-somAkAra-kaMta-piya-daMsaNA surUvA | ANaMdassa gAhAvaissa iTThA, ANaMdeNaM gAhAvaiNA saddhiM aNurattA, avirattA iDhe sadda-pharisa-rasa-rUva-gaMdhe paMcavihe mANussae kAmabhoe paccaNubhavamANI viharai / tassa NaM vANiyagAmassa Nayarassa bahiyA uttarapuratthime disIbhAe ettha NaM kollAe NAmaM saNNivese hotthaa| riddhisthimiya-samiddhe jAva pAsAIe, darisaNijje, abhirUve, paDirUve | 10
Page #8
--------------------------------------------------------------------------
________________ upAsakadasAMga sUtra tattha NaM kollAga-saNNivese ANaMdassa gAhAvaissa bahave mitta-NAi - Niyaga-sayaNa- saMbaMdhiparijaNe parivasai, aDDhe jAva aparibhU / teNaM kAleNaM teNaM samaeNaM samaNe bhagavaM mahAvIre Aigare jAva siddhigai NAmadheyaM ThANaM saMpAviukAme, arahA jiNe kevalI satta hatthussehe, samacauraMsa saMThANa-saMThie, vajjarisahaNArAya saMghayaNe, aNuloma vAuvege jAva puvvANupuvviM caramANe gAmANugAmaM duijmANe suhaMsuheNaM viharamANe vANiyagAma Nayarassa bahiyA duipalAsae ceie ahApaDirUvaM oggahaM ogiNhitA saMjameNaM tavasA appANaM bhAvemANe viharae / parisA nniggyaa| kUNie rAyA jahA, tahA jiyasattU rAyA vi Niggacchai NiggacchittA jeNeva dUipalAsae ceie, teNeva uvAgacchai uvAgacchittA samaNassa bhagavao mahAvIrassa adUrasAmaMte chattAIe titthayarAisese pAsai, pAsittA AbhisekkaM hatthirayaNaM Thavei, ThavettA AbhisekkAo hatthirayaNAo paccoruhai, AbhisekkAo hatthirayaNAo paccoruhittA, avahaTTu paMca-rAya- kakuhAI, taM jahA- khaggaM, chattaM, upphesaM, vAhaNAo, bAla- vIyaNaM, jeNeva samaNe bhagavaM mahAvIre, teNeva uvAgacchai, uvAgacchittA samaNaM bhagavaM mahAvIraM paMcaviheNaM abhigameNaM abhigacchai, taM jahA- saccittANaM davvANaM viusaraNayAe, accittANaM davvANaM viusaraNayAe, egasADiyaM uttarAsaMgaM karaNeNaM, cakkhuphAse aMjali paggaheNaM, maNaso egattabhAva-karaNeNaM samaNaM bhagavaM mahAvIraM tikkhutto AyAhiNaM payAhiNaM karei, tikto AyAhiNaM payAhiNaM karettA vaMdai NamaMsai, vaMdittA NamaMsittA tivihAe pajjuvAsaNAe pajjuvAsai, taM jahA- kAiyAe, vAiyAe, mANasiyAe / kAiyAe - tAva saMkuiyaggahatthapAe, sussUsamANe NamaMsamANe abhimuhe viNaeNaM paMjaliuDe pajjuvAsai; vAiyAe-jaM jaM bhagavaM vAgarei, taM taM evameyaM bhaMte! tahameyaM bhaMte ! avitahameyaM bhaMte! asaMdiddhameyaM bhaMte! icchiyameyaM bhaMte! paDicchiyameyaM bhaMte! icchiya-paDicchiyameyaM bhaMte! se jaheyaM tubbhe vayaha, apaDikUlamANe pajjuvAsai; mANasiyAe- mahayA saMvegaM jaNaittA tivva-dhammANurAgaratte pajjuvAsai / taNaM se ANaMde gAhAvaI imIse kahAe laddhaTThe samANe - evaM khalu samaNe bhagavaM mahAvIre jAva puvvANupuvviM caramANe gAmANuggAmaM dUijjamANe ihamAgae, iha saMpatte, iha samosaDhe, iheva vANiyagAmassa Nayarassa bahiyA dUipalAsae ceie ahApaDirUvaM oggahaM ogiNhittA saMjaNaM tavasA appANaM bhAvemANe viharai, taM mahapphalaM khalu bho! devANuppiyA ! tahArUvANaM arahaMtANaM bhagavaMtANaM NAmagoyassa vi savaNayAe, kimaMga puNa abhigamaNa-vaMdaNa-NamaMsaNapaDipucchaNa- pajjuvAsaNayAe; egassa vi Ariyassa dhammiyassa suvayaNassa savaNayAe, kimaMga puNa viulassa aTThassa gahaNayAe ! taM gacchAmi NaM devANuppiyA ! samaNaM bhagavaM mahAvIraM vaMdAmi NamaMsAmi sakkAremi sammANemi kallANaM maMgalaM devayaM ceiyaM pajjuvAsAmi, evaM saMpehei, saMpehittA hAe, suddhappAvesAI maMgalAI vatthAiM pavara-parihie, 3
Page #9
--------------------------------------------------------------------------
________________ upAsakadasAMga sUtra appamahagghAbharaNAlaMkiya-sarIre sayAo gihAo paDiNikkhamai, paDiNikkhamittA sakoreMTamalla-dAmeNaM chatteNaM dharijjamANeNaM maNussa- vaggurA-parikkhitte pAyavihAracAreNaM vANiyaggAmaM NayaraM majjhaM majjheNaM Niggacchai, NiggacchittA jeNAmeva dUipalAse ceie, jeNeva samaNe bhagavaM mahAvIre teNeva uvAgacchar3a, uvAgacchittA tikkhutto AyAhiNaM payAhiNaM karei, karettA vaMdai NamaMsai jAva pajjuvAsai / |14| tae NaM samaNe bhagavaM mahAvIre ANaMdassa gAhAvaissa tIse ya mahai-mahAliyAe parisAe jAva dhamma parikahei | parisA paDigayA | rAyA ya gae | tae NaM se ANaMde gAhAvaI samaNassa bhagavao mahAvIrassa aMtie dhamma soccA Nisamma hadvata? cittamANaMdie pIimaNe paramasomaNassie harisavasa-visappamANahiyae uhAe udvei, udvettA samaNaM bhagavaM mahAvIraM tikkhutto AyAhiNaM payAhiNaM karei, karettA vaMdai NamaMsai, vaMdittA NamaMsittA evaM vayAsI- saddahAmi NaM bhaMte ! NiggaMthaM pAvayaNaM, pattiyAmi NaM bhaMte ! NiggaMthaM pAvayaNaM,roemi NaM, bhaMte ! NiggaMthaM pAvayaNaM, evameyaM bhaMte! tahameya bhaMte ! avitahameyaM bhaMte ! icchiyameyaM bhaMte ! paDicchiyameyaM bhaMte ! icchiya- paDicchiyameyaM bhaMte! se jaheyaM tubbhe vayaha tti kaTTa, jahA NaM devANuppiyANaM aMtie bahave rAIsara-talavara-mAMDabiyakoDubiya -seTThi -seNAvaI -satthavAhappabhiiyA muMDe bhavittA agArAo aNagAriyaM pavvaiyA, No khalu ahaM tahA saMcAemi muMDe bhavittA agArAo aNagAriyaM pavvaittae / ahaM gaM devANuppiyANaM aMtie paMcANuvvaiyaM satta-sikkhAvaiyaM duvAlasavihaM gihidhamma paDivajjissAmi / ahAsuhaM devANuppiyA ! mA paDibaMdhaM kareha / tae NaM se ANaMde gAhAvaI samaNassa bhagavao mahAvIrassa aMtie tappaDhamayAe thUlagaM pANAivAyaM paccakkhAi, jAvajjIvAe duvihaM tiviheNaM, Na karemi, Na kAravemi, maNasA vayasA kAyasA / tayANaMtaraM ca NaM thUlagaM musAvAyaM paccakkhAi, jAvajjIvAe duvihaM tiviheNaM Na karemi Na kAravemi, maNasA vayasA kaaysaa| tayANaMtaraM ca NaM thUlagaM adiNNAdANaM paccakkhAi, jAvajjIvAe duvihaM tiviheNaM, Na karemi, Na kAravemi, maNasA vayasA kAyasA | tayANaMtaraM ca NaM sadArasaMtosie parimANaM karei, NaNNattha ekkAe sivANaMdAe bhAriyAe, avasesaM savvaM mehaNavihiM paccakkhAmi | tayANaMtaraM ca NaM icchA parimANaM karemANe hiraNNa-suvaNNavihi-parimANaM karei, NaNNattha cauhiM hiraNNakoDIhiM NihANapauttAhiM, cauhiM vuDhipauttAhiM, cauhiM pavitthara- pauttAhiM, avasesaM savvaM hiraNNasuvaNNavihiM paccakkhAmi |
Page #10
--------------------------------------------------------------------------
________________ 21 23 24 25 |26| 8 28 29 30 38 32 27 tayANaMtaraM ca NaM phalavihiparimANaM karei / NaNNattha egeNaM khIrAmalaeNaM, avasesaM phalavihiM paccakkhAmi | 33 upAsakadasAMga sUtra 34 tayANaMtaraM ca NaM cauppayavihi parimANaM karei, NaNNattha cauhiM vaehiM dasa gosAhassieNaM vaeNaM, avasesaM savvaM cauppayavihiM paccakkhAmi | tayANaMtaraM ca NaM khettavatthuvihi- parimANaM karei, NaNNattha paMcahiM hala-saehiM NiyattaNa-saieNaM haleNaM avasesaM savvaM khettavatthuvihiM paccakkhAmi / tayANaMtaraM ca NaM sagaDavihi- parimANaM karei, NaNNattha paMcahiM sagaDasaehiM disAyattiehiM, paMcahiM sagaDa-saehiM, saMvahaNiehiM avasesaM savvaM sagaDavihiM paccakkhAmi / tayANaMtaraM ca NaM vAhaNavihi- parimANaM karei, NaNNattha cauhiM vAhaNehiM disAyattiehiM cauhiM vAhaNehiM saMvahaNiehiM, avasesaM savvaM vAhaNavihiM paccakkhAmi / tayANaMtaraM ca NaM uvabhoga-paribhogavihiM paccakkhAemANe, ullaNiyAvihi parimANaM karei / NaNNattha egAe gaMdhakAsAIe, avasesaM savvaM ullaNiyAvihiM paccakkhAmi | tayANaMtaraM ca NaM daMtavaNavihiparimANaM karei / NaNNattha egeNaM allalaTThImahueNaM, avasesaM daMtavaNavihiM paccakkhAmi | tayANaMtaraM ca NaM abbhaMgaNavihi parimANaM karei / NaNNattha sayapAga-sahassapAgehiM tellehiM avasesaM abbhaMgaNavihiM paccakkhAmi / tayANaMtaraM ca NaM uvvaTTaNavihiparimANaM karei / NaNNattha egeNaM surahiNA gaMdhaTTaeNaM, avasesaM uvvaTTaNavihiM paccakkhAmi | tayANaMtaraM ca NaM majjaNavihiparimANaM karei / NaNNattha aTThahiM uTTiehiM udagassa ghaDehiM avasesaM majjaNavihiM paccakkhAmi / tayANaMtaraM ca NaM vatthavihiparimANaM karei / NaNattha egeNaM khomajuyaleNaM, avasesaM vatthavihiM paccakkhAmi / tayANaMtaraM ca NaM vilevaNavihiparimANaM karei I NaNNattha agaru-kuMkumacaMdaNamAdiehiM avasesaM vilevaNavihiM paccakkhAmi / tayANaMtaraM ca NaM pupphavihiparimANaM karei / NaNattha egeNaM suddhaparameNaM, mAla - kusuma-dA vA avasesaM pupphavihiM paccakkhAmi / tayANaMtaraM ca NaM AbharaNavihiparimANaM karei / NaNNattha maTTha-kaNNejjaehiM NAmamuddAe ya, avasesaM AbharaNavihiM paccakkhAmi / 5
Page #11
--------------------------------------------------------------------------
________________ upAsakadasAMga sUtra tayANaMtaraM ca NaM dhUvaNavihiparimANaM karei / NaNNattha agaru-turukka-dhUvamAdiehiM, avasesaM dhUvaNavihiM paccakkhAmi / tayANaMtaraM ca NaM bhoyaNavihiparimANaM karemANe, pejjavihi parimANaM krei| NaNNattha egAe kaTThapejjAe, avasesaM pejjavihiM paccakkhAmi | tayANaMtaraM ca NaM bhakkhaNavihiparimANaM karei / NaNNattha egehiM ghayapuNNehiM khaMDakhajjaehiM vA, avasesaM bhakkhaNavihiM paccakkhAmi | tayANaMtaraM ca NaM odaNavihiparimANaM karei / NaNNattha kalamasAli-odaNeNaM, avasesaM odaNavihiM paccakkhAmi | tayANaMtaraM ca NaM sUvavihiparimANaM karei / NaNNattha kalAyasUveNa vA, mugga-mAsa- sUveNa vaa| avasesaM sUvavihiM paccakkhAmi | tayANaMtaraM ca NaM ghayavihiparimANaM karei / NaNNattha sAraieNaM goghayamaMDeNaM / avasesaM ghayavihiM paccakkhAmi | tayANaMtaraM ca NaM sAgavihiparimANaM karei / NaMNattha vatthusAeNa vA tuMbasAeNa vA sutthiyasAeNa vA maMDukkiyasAeNa vA avasesaM sAgavihiM paccakkhAmi | tayANaMtaraM ca NaM mAharayavihi parimANaM karei / NaNNattha egeNaM pAlaMkAmAharaeNaM, avasesaM mAhurayavihiM paccakkhAmi / tayANaMtaraM ca NaM jemaNavihi parimANaM karei / NaNNattha sehaMbadAliyaMbehiM, avasesaM jemaNavihiM paccakkhAmi | tayANaMtaraM ca NaM pANiyavihi parimANaM karei / NaNNattha egeNaM aMtalikkhodaeNaM, avasesaM pANiyavihiM paccakkhAmi / tayANaMtaraM ca NaM mahavAsavihi parimANaM karei / NaNNattha paMcasogaMdhieNaM taMboleNaM, avasesaM muhavAsavihiM paccakkhAmi | tayANaMtaraM ca NaM cauvvihaM aNaTThAdaMDaM paccakkhAi, taM jahA- avajjhANAyariyaM pamAyAyariyaM, hiMsappayANaM, pAvakammovaese | ANaMdA ! tti samaNe bhagavaM mahAvIre ANaMdaM samaNovAsagaM evaM vayAsI- evaM khala ANaMdA ! samaNovAsaeNaM abhigayajIvAjIveNaM jAva uvaladdhapuNNapAveNaM, Asava-saMvara-Nijjara- kiriyAahigaraNa-baMdha-mokkha-kusaleNaM, asahejjeNaM, devAsura-NAga-suvaNNa jakkha- rakkhasa-kiNNarakiMparisa-garula-gaMdhavva-mahoragAiehiM devagaNehiM NiggaMthAo pAvayaNAo aNaikkamaNijjeNaM,
Page #12
--------------------------------------------------------------------------
________________ upAsakadasAMga sUtra sammattassa paMca aiyArA peyAlA jANiyavvA, Na samAyariyavvA, taM jahA- saMkA, kaMkhA, vitigicchA, parapAsaMDapasaMsA, prpaasNddsNthvo| tayANaMtaraM ca NaM thUlagassa pANAivAya-veramaNassa samaNovAsaeNaM paMca aiyArA peyAlA jANiyavvA Na samAyariyavvA, taM jahA- baMdhe, vahe, chavicchee, aibhAre, bhattapANavocchee / tayANaMtaraM ca NaM thUlagassa musAvAya-veramaNassa paMca aiyArA [peyAlA] jANiyavvA Na samAyariyavvA, taM jahA- sahasabbhakkhANe, rahasabbhakkhANe, sadAramaMtabhee, mosovaese, kuDalehakaraNe / tayANaMtaraM ca NaM thUlagassa adiNNAdANaveramaNassa paMca aiyArA peyAlA] jANiyavvA Na samAyariyavvA, taM jahA- teNAhaDe, takkarappaoge, viruddharajjAikkame, kUDatullakUDamANe, tappaDirUvagavavahAre / tayANaMtaraM ca NaM sadArasaMtosie paMca aiyArA [peyAlA] jANiyavvA, Na samAyariyavvA, taM jahA- ittariyapariggahiyAgamaNe, apariggahiyAgamaNe, aNaMgakIDA, paravivAhakaraNe, kAmabhogativvAbhilAse | tayANaMtaraM ca NaM icchAparimANassa samaNovAsaeNaM paMca aiyArA [peyAlA] jANiyavvA, Na samAyariyavvA, taM jahA- khetta-vatthu-pamANAikkame, hiraNNa-suvaNNa- pamANAikkame dupayacauppaya-pamANAikkame, dhaNa-dhaNNa-pamANAikkame, kuviya- pamANAikkame / tayANaMtaraM ca NaM disivvayassa paMca aiyArA [peyAlA] jANiyavvA, Na samAyariyavvA, taM jahA- uDDhadisi pamANAikkame, ahodisi pamANAikkame, tiriyadisi pamANAikkame, khettavuDDhI, saiaMtaraddhA / tayANaMtaraM ca NaM uvabhogaparibhoge duvihe paNNatte, taM jahA- bhoyaNao ya kammao y| tattha NaM bhoyaNao samaNovAsaeNaM paMca aiyArA peyAlA] jANiyavvA Na samAyariyavvA, taM jahAsacittAhAre, sacitta-paDibaddhAhAre, apakkosahi-bhakkhaNayA, dupakkosahi-bhakkhaNayA, tucchosahi-bhakkhaNayA; kammao NaM samaNovAsaeNaM paNNarasa kammAdANAI jANiyavvAiM, Na samAyariyavvAiM, taM jahA- iMgAlakamme vaNakamme, sADIkamme, bhADIkamme, phoDIkamme, daMtavANijje, lakkhavANijje, rasavANijje, visavANijje, kesavANijje, jaMtapIlaNakamme, NillaMchaNakamme, davaggidAvaNayA, sara-daha- talAya-sosaNayA, asai-jaNa-posaNayA / tayANaMtaraM ca NaM aNaTThadaMDaveramaNassa samaNovAsaeNaM paMca aiyArA peyAlA] jANiyavvA, Na samAyariyavvA, taM jahA- kaMdappe, kukkuie, moharie, saMjuttAhigaraNe, uvbhogpribhogaairitte|
Page #13
--------------------------------------------------------------------------
________________ upAsakadasAMga sUtra tayANaMtaraM ca NaM sAmAiyassa samaNovAsaeNaM paMca aiyArA peyAlA] jANiyavvA, Na samAyariyavvA, taM jahA- maNaduppaNihANe, vayaduppaNihANe, kAyaduppaNihANe, sAmAiyassa saiakaraNayA, sAmAiyassa aNavaTThiyassa karaNayA / tayANaMtaraM ca NaM desAvagAsiyassa samaNovAsaeNaM paMca aiyArA peyAlA] jANiyavvA, Na samAyariyavvA, taM jahA- ANavaNappaoge, pesavaNappaoge, saddANuvAe, rUvANuvAe, bahiyA poggalapakkheve | tayANaMtaraM ca NaM posahovavAsassa samaNovAsaeNaM paMca aiyArA peyAlA] jANiyavvA, Na samAyariyavvA, taM jahA- appaDilehiya-dappaDilehiya-sijjAsaMthAre, appamajjiyaduppamajjiya-sijjAsaMthAre, appaDilehiya-duppaDilehiya-uccArapAsavaNabhUmI, appamajjiya duppamajjiya-uccArapAsavaNabhUmI, posahovavAsassa sammaM aNaNupAlaNayA | tayANaMtaraM ca NaM ahAsaMvibhAgassa samaNovAsaeNaM paMca aiyArA peyAlA] jANiyavvA, Na samAyariyavvA, taM jahA- sacitta-NikkhevaNayA, sacittapihaNayA, kAlAikkame, paravavaese, macchariyAe | tayANaMtaraM ca NaM apacchima-mAraNaMtiya-saMlehaNA-jhUsaNA ArAhaNAe paMca aiyArA [peyAlA] jANiyavvA Na samAyariyavvA, taM jahA- ihalogAsaMsappaoge, paralogAsaMsappaoge, jIviyAsaMsappaoge, maraNAsaMsappaoge, kAmabhogAsaMsappaoge / tae NaM se ANaMde gAhAvaI samaNassa bhagavao mahAvIrassa aMtie paMcANuvvaiyaM sattasikkhAvaiyaM vAlasavihaM sAvagadhamma paDivajjai, paDivajjittA samaNaM bhagavaM mahAvIraM vaMdai NamaMsai, vaMdittA NamaMsittA evaM vayAsINo khalu me bhaMte ! kappar3a ajjappabhiI aNNautthie vA, aNNautthiyadevayANi vA, aNNautthiyapariggahiyANi ceiyAiM vA, vaMdittae vA NamaMsittae vA, pavviM aNAlatteNa Alavittae vA saMlavittae vA, tesiM asaNaM vA pANaM vA khAimaM vA sAimaM vA dAuM vA aNuppadAuM vA, NaMNattha rAyAbhiogeNaM, gaNAbhiogeNaM, balAbhiogeNaM, devayAbhiogeNaM, guruNiggaheNaM, vittikNtaarennN| kappai me samaNe NiggaMthe phAsueNaM esaNijjeNaM asaNa-pANakhAima-sAimeNaM vattha-paDiggaha-kaMbala-pAyapuJchaNeNaM, pIDha-phalaga-sijjA-saMthAraeNaM, osahabhesajjeNa ya paDilAbhemANassa viharittae imaM eyArUvaM abhiggahaM abhigiNhai, abhigiNhittA pasiNAI pucchai, pucchittA aTThAI Adiyai, AdittA samaNaM bhagavaM mahAvIraM[tikkhutto] vaMdai NamaMsai vaMdittA NamaMsittA samaNassa bhagavao mahAvIrassa aMtiyAo duipalAsAo ceiyAo paDiNikkhamai,
Page #14
--------------------------------------------------------------------------
________________ upAsakadasAMga sUtra paDiNikkhamittA jeNeva vANiyaggAme Nayare, jeNeva sae gihe teNeva uvAgacchai, uvAgacchittA sivANaMdaM bhAriyaM evaM vayAsIevaM khalu devANuppie ! mae samaNassa bhagavao mahAvIrassa aMtie dhamme nnisNte| se vi ya dhamme me icchie paDicchie abhiruie, taM gacchAhi NaM tuma devANuppie ! samaNaM bhagavaM mahAvIraM vaMdAhi, NamaMsAhi, sakkArehi, sammANehi, kallANaM, maMgalaM, devayaM, ceiyaM pajjuvAsAhi, samaNassa bhagavao mahAvIrassa aMtie paMcANuvvaiyaM sattasikkhAvaiyaM duvAlasavihaM gihidhamma paDivajjAhi / tae NaM sA sivANaMdA bhAriyA ANaMdeNaM samaNovAsaeNaM evaM vRttA samANA hadvatadvA jAva cittamANaMdiyA, pIimaNA, paramasomaNassiyA, harisavasavisappamANahiyayA karayalapariggahiyaM sirasAvattaM matthae aMjaliM kaTTa evaM sAmi! ti ANaMdassa samaNovAsagassa eyamadvaM viNaeNaM paDisaNei / tae NaM se ANaMde samaNovAsae koDubiyapurise saddAvei, saddAvettA evaM vayAsI- khippAmeva bho! devANuppiyA! lahukaraNajuttajoiyaM jAva dhammiyaM jANappavaraM uvaTThaveha, uvadvavettA mama eyamANattiyaM paccappiNaha / tae NaM te koDubiyapurisA ANaMdeNaM samaNovAsaeNaM evaM vuttA samANA hadvatuTThA evaM sAmi! tti ANAe viNaeNaM vayaNaM paDisuNei, paDisuNettA khippAmeva lahukaraNa- juttajoiyaM jAva dhammiyaM jANappavaraM uvadvavettA tamANattiyaM paccappiNaMtti / tae NaM sA sivANaMdA bhAriyA bahAyA jAva pajjuvAsai / tae NaM samaNe bhagavaM mahAvIre sivANaMdAe tIse ya mahai mahAliyAe parisAe jAva dhamma khei| tae NaM sA sivANaMdA samaNassa bhagavao mahAvIrassa aMtie dhamma soccA Nisamma haTTha jAva gihidhamma paDivajjai, paDivajjittA samaNaM bhagavaM mahAvIraM vaMdai NamaMsai, vaMdittA NamaMsittA tameva dhammiyaM jANapavaraM duruhai duruhittA jAmeva disaM pAubbhUyA tAmeva disaM paDigayA / bhaMte! tti bhagavaM goyame samaNaM bhagavaM mahAvIraM vaMdai NamaMsai, vaMdittA NamaMsittA evaM vayAsI- pahU NaM bhaMte! ANaMde samaNovAsae devANuppiyANaM aMtie muMDe jAva pavvaittae ? No iNaDhe samaDhe, goyamA ! ANaMde NaM samaNovAsae bahUI vAsAI samaNovAsaga- pariyAyaM pAuNihiDa, pAuNittA ekkArasa ya uvAsagapaDimAo sammaM kAraNaM phAsittA mAsiyAe saMlehaNAe attANaM jhUsittA, sahi bhattAiM aNasaNAe chedettA, AloiyapaDikkate
Page #15
--------------------------------------------------------------------------
________________ 69 70 71 upAsakadasAMga sUtra samAhipatte kAlamAse kAlaM kiccA sohamme kappe aruNAbhe vimANe devattAe uvavajjihi / tattha NaM atthegaiyANaM devANaM cattAri paliovamAiM ThiI paNNattA, tattha NaM ANaMdassa vi samaNovAsagassa cattAri paliovamAiM ThiI paNNattA / taNaM samaNe bhagavaM mahAvIre aNNayA kayAi vANiyagAmAo NayarAo duipalAsAo ceiyAo paDiNikkhamai, paDiNikkhamittA bahiyA jaNavayavihAraM viharai / tae NaM se ANaMde samaNovAsae jAe abhigayajIvAjIve, uvaladdha-puNNapAve, Asava- saMvaraNijjara-kiriyA-ahigaraNaM baMdhamokkhakusale, asahejje, devAsuraNAgasuvaNNa- jakkha- rakkhasakiNNara - kiMpurisa garula-gaMdhavva-mahoragAiehiM devagaNehiM NiggaMthAo pAvayaNAo aNaikkamaNijje, NiggaMthe pAvayaNe NissaMkie, NikkaMkhie, Nivvitigicche, laddhaTThe, gahiyaTThe, pucchiyaTThe abhigayaTThe, viNicchiyaTThe aTThimiMja pemANurAgaratte, ayamAuso! NiggaMthe pAvayaNe aTThe, ayaM paramaTThe; sese aNaTThe, Usiyaphalihe, avaMguyaduvAre, ciyattaMteuraparagharadArappavese cAuddasaTThamuddiTThapuNNamAsiNIsu paDipuNNaM posahaM sammaM aNupAlettA sama NiggaMthe phAsuya-esaNijjeNaM asaNa- pANa- khAima- sAimeNaM vattha-paDiggaha-kaMbala- pAyapuMchaNeNaM osahabhesajjeNaM pADihArieNa ya pIDhaphalagasejjAsaMthAraeNaM paDilAbhemANe viharai / tae NaM sA sivANaMdA bhAriyA samaNovAsiyA jAyA abhigayajIvAjIvA jAva paDilAbhemANI viharai | tae NaM tassa ANaMdassa samaNovAsagassa uccAvaehiM sIlavvayaguNaveramaNa- paccakkhANaposahovavAsehiM appANaM bhAvemANassa coddasa saMvaccharAiM vIikkaMtAI / paNNarasamassa saMvaccharassa aMtarA vaTTamANassa aNNayA kayAi puvvarattAvarattakAlasamayaMsi dhammajAgariyaM jAgaramANassa imeyArUve ajjhatthie, ciMtie, patthie, maNogae saMkappe samuppajjitthA evaM khalu ahaM vANiyagAme Nayare bahUNaM rAIsara jAva sayassa vi ya NaM kuDuMbassa jAva cakkhUbhUe savvakajja vaDDhAvae, taM eeNaM vakkheveNaM ahaM no saMcAemi samaNassa bhagavao mahAvIrassa (aMtiyaM) dhammapaNNattiM uvasaMpajjittANaM viharittae / taM seyaM khalu mamaM kallaM jAva (jahA pUraNo) jeTThaputtaM kuDuMbe ThavettA, taM mitta NAiNiyagasayaNasaMbaMdhiparijaNaM jeTThaputtaM ca ApucchittA, kollAe saNNivese NAyakulaMsi posahasAlaM paDilehittA, samaNassa bhagava mahAvIrassa (aMtiyaM) dhammapaNNattiM uvasaMpajjittANaM viharittae / evaM saMpehei, saMpehettA kallaM jAva jeTThaputtaM saddAvei, saddAvittA evaM vayAsI - evaM khalu puttA ! ahaM vANiyagAme bahUNaM rAIsara jAva eeNaM vakkheveNaM ahaM No saMcAemi samaNassa bhagavao mahAvIra (aMtiyaM) dhammapaNNattiM uvasaMpajittANaM viharittae / taM seyaM khalu mama idANiM tumaM sassa kuTuMbassa meDhiM, pamANaM, AhAraM, AlaMbaNaM, cakkhuM ThavettA taM mitta-NAi-Niyaga-sayaNa-saMbaMdhi 10
Page #16
--------------------------------------------------------------------------
________________ upAsakadasAMga sUtra parijaNaM tumaM ca ApucchittA kollAe saNNivese NAyakulaMsi posahasAlaM paDilehittA, samaNassa bhagavao mahAvIrassa (aMtiyaM) dhamma- paNNattiM uvasaMpajjittANaM viharittae | tae NaM jeTTaputte ANaMdassa samaNovAsagassa taha tti eyamadaM viNaeNaM paDisuNei / tae NaM se ANaMde samaNovAsae jAva parijaNassa purao jeTTaputtaM kuTuMbe Thavei, ThavittA evaM vayAsI- mA NaM devANuppiyA ! tubbhe ajjappabhiI kei mamaM bahusu kajjesu ya kAraNesu maMtesu ya kuTuMbesu ya gujjhesu ya rahassesu ya Nicchaesu ya vavahAresu ya Apucchau vA, paDipucchau vA, mamaM aTThAe asaNaM vA pANaM khAimaM vA sAimaM uvakkhaDeu vA uvakareu vA / tae NaM se ANaMde samaNovAsae jeTTaputtaM mittaNAiM jAva Apucchai, ApucchittA sayAo gihAo paDiNikkhamai, paDiNikkhamittA vANiyagAmaM NayaraM majjhaM-majjheNaM Niggacchar3a, NiggacchittA, jeNeva kollAe saNNivese, jeNeva NAyakule, jeNeva posahasAlA, teNeva uvAgacchai, uvAgacchittA posahasAlaM pamajjai, pamajjitA uccArapAsavaNabhUmi paDilehei, paDilehittA dabbhasaMthArayaM saMtharai, saMtharettA dabbhasaMthArayaM duruhai, duruhittA posahasAlAe posahie dabbhasaMthArovagae samaNassa bhagavao mahAvIrassa (aMtiyaM) dhammapaNNattiM uvasaMpajjittANaM vihri| tae NaM se ANaMde samaNovAsae paDhama uvAsagapaDima uvasaMpajjittANaM viharar3a jAva paDhamaM uvAsagapaDimaM ahAsattaM, ahAkappaM, ahAmaggaM ahAtacca samma kAeNaM phAser3a, pAleDa, sohei, tIrei, kittei, ArAhei / tae NaM se ANaMde samaNovAsae doccaM uvAsagapaDimaM, evaM taccaM, cautthaM, paMcama, chaTuM, sattamaM, aTThamaM, NavamaM, dasamaM, ekkArasamaM, ahAsuttaM, ahAkappaM, ahAmaggaM, ahAtaccaM samma kAraNaM phAsei, pAlei, sohei, tIrei, kittei, ArAhei / tae NaM se ANaMde samaNovAsae imeNaM eyArUveNaM urAleNaM, viuleNaM payatteNaM, paggahieNaM tavokammeNaM sukke lukkhe, Nimmase, advicammAvaNaddhe, kiDikiDiyAbhUe, kise dhamaNisaMtae jAe / tae NaM tassa ANaMdassa samaNovAsagassa aNNayA kayAi puvvarattAvaratta- kAlasamayaMsi dhammajAgariyaM jAgaramANassa ayaM ajjhatthie- evaM imeNaM eyArUveNaM, urAleNaM, viuleNaM, payatteNaM, paggahieNaM tavokammeNaM sukke, lukkhe, Nimmase, aTThicammAvaNaddhe kiDikiDiyAbhUe, kise, dhamaNisaMtae jAe / taM atthi tA me uTThANe, kamme, bale, vIrie, parisakkAra parakkame, saddhA, dhiI, saMvege / taM jAva tA me atthi uhANe saddhA dhiI saMvege, jAva ya me dhammAyarie, dhammovaesae, samaNe
Page #17
--------------------------------------------------------------------------
________________ upAsakadasAMga sUtra 80 taNaM tassa ANaMdassa samaNovAsagassa aNNayA kayAi subheNaM ajjhavasANeNaM, subheNaM pariNAmeNaM, lesAhiM visujjhamANIhiM, tadAvaraNijjANaM kammANaM khaovasameNaM ohiNANe samuppaNNe / puratthime NaM lavaNasamudde paMcajoyaNasayAiM khettaM jANai pAsai, evaM dakkhiNeNaM paccatthimeNaM ya, uttare NaM jAva cullahimavaMtaM vAsaharapavvayaM jANai, pAsai, uDDhaM jAva sohammaM kappaM jANai pAsai, ahe jAva imIse rayaNappabhAe puDhavIe loluyaccuyaM [loluyaM] NarayaM caurAsIi-vAsasahassaTThiiyaM jANai pAsai / 83 bhagavaM mahAvIre jiNe suhatthI viharai, tAva tA me seyaM kallaM jAva jalate apacchimamAraNaMtiya-saMlehaNA-jhUsaNA-jhUsiyassa, bhatta-pANa-paDiyAikkhiyassa kAlaM aNavakaMkhamANassa viharittae / evaM saMpehei, saMpehettA kallaM jAva apacchima- mAraNaMtiya saMlehaNA- jhUsaNAjhUsie, bhatta- pANa- paDiyAikkhie, kAlaM aNavakaMkhamANe viharai / 81 te kANaM teNaM samaeNaM samaNe bhagavaM mahAvIre samosarie, parisA NiggayA jAva pddigyaa| 82 teNaM kAleNaM teNaM samaeNaM samaNassa bhagavao mahAvIrassa jeTThe aMtevAsI iMdabhUI NAmaM aNagAre jAva chaTTha-chaTTeNaM aNikkhitteNaM tavokammeNaM saMjameNaM tavasA appANaM bhAvemANe viharai / 85 taNaM se bhagavaM goyame chaTThakkhamaNa-pAraNagaMsi paDhamAe porisIe sajjhAyaM karer3a, biiyAe porisIe jhANaM jhiyAiM, taiyAe porisIe aturiyaM acavalaM asaMbhaMte muhapattiM paDilehei, paDilehittA bhAyaNa-vatthAiM paDilehei, paDilehittA bhAyaNAiM pamajjai, pamajjittA bhAyaNAI uggAhei, uggAhittA jeNeva samaNe bhagavaM mahAvIre teNeva uvAgacchai, uvAgacchittA sama bhagavaM mahAvIraM vaMdai, NamaMsai, vaMdittA, NamaMsittA evaM vayAsI- icchAmi NaM bhaMte ! hiM abbhaNuNNAe chaTThakkhamaNapAraNagaMsi vANiyagAme Nayare ucca NIya-majjhimAiM kulAI ghara samudANassa bhikkhAyariyAe aDittae / ahAsuhaM devANuppiyA ! mA paDibaMdhaM kareha / 84 tae NaM bhagavaM goyame samaNeNaM bhagavayA mahAvIreNaM abbhaNuNNAe samANe samaNassa bhagavao mahAvIrassa aMtiyAo dUipalAsAo ceiyAo paDiNikkhamai, paDiNikkhamittA aturiyamacavalamasaMbhaMte jugaMtara - paloyaNAe diTThIe purao riyaM sohemANe jeNeva vANiyagA Nayare teNeva uvAgacchai, uvAgacchittA vANiyagAme Nayare ucca NIya-majjhimAiM kulAI gharasamudANassa bhikkhAyariyAe aDai / tae NaM se bhagavaM goyame vANiyagAme Nayare ucca NIya-majjhimAiM kulAI gharasamudANassa bhikkhAyariyAe aDamANe ahApajjattaM bhattapANaM paDiggAhei, paDiggAhettA vANiyagAmAo NayarAo paDiNigacchai, paDiNigacchittA kollAgassa saNNivesassa adUrasAmaMteNaM vIIvayamANe, bahujaNasaddaM NisAmei, bahujaNo aNNamaNNassa evamAikkhar3e evaM khalu 12
Page #18
--------------------------------------------------------------------------
________________ upAsakadasAMga sUtra devANappiyA ! samaNassa bhagavao mahAvIrassa aMtevAsI ANaMde NAmaM samaNovAsae posahasAlAe apacchima mAraNaMtiya-saMlehaNA-jhUsaNA-jhUsie, bhattapANa-paDiyAikkhie kAlaM aNavakaMkhamANe viharai / | 86 tae NaM tassa goyamassa bahujaNassa aMtie eyamaDhe soccA, Nisamma ayameyArUve ajjhatthie, ciMtie, patthie, maNogae saMkappe samappajjitthA- taM gacchAmi NaM ANaMdaM samaNovAsayaM paasaami| evaM saMpehei, saMpehettA jeNeva kollAge saNNivese jeNeva posahasAlA, jeNeva ANaMde samaNovAsae, teNeva uvAgacchada / tae NaM se ANaMde samaNovAsae bhagavaM goyamaM ejjamANaM pAsai, pAsittA haTTha tuTTha jAva bhagavaM goyamaM vaMdai NamaMsai, vaMdittA NamaMsittA evaM vayAsI- evaM khala bhaMte! ahaM imeNaM urAleNaM jAva dhamaNi-saMtae jAe, No saMcAemi devANuppiyassa aMtiyaM pAubbhavittA tikkhutto muddhANeNaM pAe abhivaMdittae, tubbhe! icchAkAreNaM aNabhioeNaM io ceva eha, jahA NaM ahaM devANuppiyANaM tikkhutto muddhANeNaM pAesu vaMdAmi NamaMsAmi / tae NaM se bhagavaM goyame, jeNeva ANaMde samaNovAsae, teNeva uvAgacchada / tae NaM se ANaMde samaNovAsae bhagavao goyamassa tikkhutto muddhANeNaM pAesu vaMdai NamaMsai, vaMdittA NamaMsittA evaM vayAsI- atthi NaM bhaMte! gihiNo gihamajjhAvasaMtassa ohiNANaM samuppajjai ? haMtA atthi | jai NaM bhaMte ! gihiNo gihamajjhAvasaMtassa ohiNANaM samuppajjai, evaM khalu bhaMte! mama vi gihiNo gihamajjhAvasaMtassa ohiNANe smuppnnnne| puratthimeNaM lavaNasamudde paMca joyaNasayAI khettaM jANAmi pAsAmi evaM dakkhiNeNaM paccatyimeNaM ya, uttareNaM jAva cullahimavaMtaM vAsaharapavvayaM jANAmi pAsAmi, uDDhaM jAva sohammaM kappaM jANAmi pAsAmi, ahe jAva imIse rayaNappabhAe puDhavIe loluyaccuyaM [loluyaM] NarayaM jANAmi pAsAmi / tae NaM se bhagavaM goyame ANaMdaM samaNovAsayaM evaM vayAsI- atthi NaM, ANaMdA! gihiNo jAva samuppajjai, No ceva NaM emahAlae / taM NaM tumaM ANaMdA ! eyassa ThANassa Aloehi paDikkamAhi, jiMdAhi, garihAhi, viuTTAhi, visohehi akaraNayAe, abbhuTThAhi ahArihaM pAyacchittaM tavokamma paDivajjAhi / tae NaM se ANaMde samaNovAsae bhagavaM goyamaM evaM vayAsI- atthi NaM, bhaMte! jiNavayaNe saMtANaM, taccANaM, tahiyANaM, sabbhUyANaM bhAvANaM Aloijjai jAva paDivajjijjai? No iNaDhe samaDhe / jai NaM bhaMte! jiNavayaNe saMtANaM jAva bhAvANaM No Aloijjai jAva tavokamma No paDivajjijjai, taM NaM bhaMte! tabbhe ceva eyassa ThANassa Aloeha jAva paDivajjaha /
Page #19
--------------------------------------------------------------------------
________________ upAsakadasAMga sUtra tae NaM se bhagavaM goyame ANaMdeNaM samaNovAsaeNaM evaM vRtte samANe, saMkie, kaMkhie, viigicchA-samAvaNNe, ANaMdassa samaNovAsagassa aMtiyAo paDiNikkhamai, paDiNikkhamittA jeNeva dUipalAse ceie, jeNeva samaNe bhagavaM mahAvIre, teNeva uvAgacchai, uvAgacchittA samaNassa bhagavao mahAvIrassa adUrasAmaMte gamaNAgamaNAe paDikkamai paDikkamittA esaNamaNesaNaM Aloei, AloittA bhattapANaM paDidaMser3a, paDidaMsittA samaNaM bhagavaM mahAvIraM vaMdai NamaMsai, vaMdittA, NamaMsittA evaM vayAsI- evaM khalu bhaMte ! ahaM tubbhehiM abbhaNaNNAe taM ceva savvaM kahei, jAva jeNeva ihaM teNeva havvamAgae, taM NaM bhaMte ! kiM ANaMdeNaM samaNovAsaeNaM tassa ThANassa AloeyavvaM jAva paDivajjeyavvaM : mae ? goyamA ! tti samaNe bhagavaM mahAvIre bhagavaM goyamaM evaM vayAsI- goyamA ! tumaM ceva NaM tassa ThANassa Aloehi jAva paDivajjAhi, ANaMdaM ca samaNovAsayaM eyamaDheM khAmehi / tae NaM se bhagavaM goyame, samaNassa bhagavao mahAvIrassa taha tti eyamadvaM viNaeNaM paDisuNei, paDisuNettA tassa ThANassa Aloei jAva paDivajjai, ANaMdaM ca samaNovAsayaM eyamaDheM khaamei| tae NaM samaNe bhagavaM mahAvIre aNNayA kayAi bahiyA jaNavayavihAraM viharai / tae NaM se ANaMde samaNovAsae bahuhiM sIlavvaya guNaveramaNapaccakkhANa- posahovavAsehiM appANaM bhAvettA, vIsaM vAsAiM samaNovAsagapariyAgaM pAuNittA, ekkArasa ya uvAsagapaDimAo sammaM kAraNaM phAsittA, mAsiyAe saMlehaNAe attANaM jhUsittA, sarvhi bhattAI aNasaNAe chedettA, Aloiya-paDikkaMte, samAhipatte, kAlamAse kAlaM kiccA, sohamme kappe sohammavaDiMsagassa mahAvimANassa uttarapuratthimeNaM aruNe vimANe devattAe uvvnnnne| tattha NaM atthegaiyANaM devANaM cattAri paliovamAiM ThiI paNNattA | tattha NaM ANaMdassa vi devassa cattAri paliovamAiM ThiI paNNattA / evaM kha ANaMde NaM bhaMte! deve tAo devalogAo AukkhaeNaM, bhavakkhaeNaM, ThiikkhaeNaM aNaMtaraM cayaM caittA, kahiM gacchihii? kahiM uvavajjihii ? goyamA! mahAvidehe vAse sijjhahii / ! samaNeNaM bhagavayA mahAvIreNaM uvAsagadasANaM paDhamassa ajjhayaNassa ayamaDhe paNNatte / || paDhamaM ajjhayaNaM samatta ||
Page #20
--------------------------------------------------------------------------
________________ upAsakadasAMga sUtra bIaM ajjhayaNaM kAmadeve / jai NaM bhaMte ! samaNeNaM bhagavayA mahAvIreNaM jAva saMpatteNaM sattamassa aMgassa uvAsagadasANaM paDhamassa ajjhayaNassa ayamaDhe paNNatte, doccassa NaM bhaMte ! ajjhayaNassa ke aTe paNNatte? evaM khalu jaMbU ! teNaM kAleNaM teNaM samaeNaM caMpA NAmaM NayarI hotthaa| puNNabhadde ceie / jiyasattU rAyA / kAmadeve gAhAvaI / bhaddA bhAriyA / cha hiraNNa-koDIo NihANapauttAo, cha vaDhi-pauttAo, cha pavitthara-pauttAo, cha vayA dasa-go-sAhassieNa vennN| samosaraNaM| jahA ANaMdo tahA Niggao, taheva sAvagadhamma paDivajjai / sA ceva vattavvayA jAva jeTTha-puttaM, mitta-NAI ApucchittA, jeNeva posahasAlA teNeva uvAgacchai, uvAgacchittA posahasAlaM pamajjai, pamajjittA uccArapAsavaNabhUmi paDilehei, paDilehittA, dabbhasaMthArayaM saMtharai, saMtharettA dabbhasaMthArayaM duruhai, duruhittA posahasAlAe posahie dabbhasaMthArovagae samaNassa bhagavao mahAvIrassa [aMtiyaM] dhammapaNNattiM uvasaMpajjittANaM viharai / tae NaM tassa kAmadevassa samaNovAsagassa aMtie puvvarattAvaratta-kAla-samayaMsi ege deve mAyImicchadiTThI pAubbhUe / tae NaM se deve egaM mahaM pisAyarUvaM viuvvi| tassa NaM devassa pisAyarUvassa ime eyArUve vaNNAvAse paNNatte- sIsaM se go-kiliMja-saMThANa-saMThiyaM, sAlibhasella-sarisA se kesA, kavila-teeNaM dippamANA, mahalla-uTTiyA-kabhalla-saMThANaM-saMThiyaM NiDAlaM, mugusa- pucchaM va tassa bhumagAo phugga-phuggAo vigaya-vIbhaccha-daMsaNAo, sIsa-ghaDi- viNiggayAiM acchINi vigaya-bIbhaccha-daMsaNAI, kaNNA jaha suppa-kattaraM ceva vigaya- bIbhaccha-daMsaNijjA, urabbhapuDa-saMNNibhA se NAsA, jhusirA-jamala-cullI-saMThANa- saMThiyA do vi tassa NAsA- puDayA ghoDaya-pucchaMva tassa maMsUiM, kavila-kavilAI vigaya- bIbhaccha-daMsaNAiM, uTThA udRssa ceva laMbA, phAla-sarisA se daMtA, jibbhA jaha suppa-kattaraM ceva vigaya- bIbhaccha- daMsaNijjA, hala-kuddAla-saMThiyA se haNuyA, galla- kaDillaM va tassa khaDDaM phuTuM kavilaM pharusaM mahallaM, muiMgAkArovame se khaMdhe, puravarakavADovame se vacche, kohiyA- saMThANa- saMThiyA do vi tassa bAhA, NisApAsANa- saMThANa-saMThiyA do vi tassa aggahatthA, NisAloDha-saMThANa- saMThiyAo hatthesu aMgulIo, sippi-puDagasaMThiyA se NakkhA, pahAviya-pasevao vva uraMsi laMbai do vi tassa thaNayA, poTTe ayakoTThao vva varlDa, pANa kalaMda sarisA se NAhI, sikkagasaMThANasaMThie [C]
Page #21
--------------------------------------------------------------------------
________________ w 9 laDahamaDahajANue, vigaya-bhagga-bhugga-bhumae, avadAliya-vayaNavivara - NillA- liyaggajIhe, saraDa kaya mAliyAe, uMduramAlA pariNaddhasukaya- ciMdhe, Naula kaya- kaNNapUre, sappa-kayavegacche, apphoDate, abhigajjaMte, bhImamukkaTTahAse, NANAvihapaMcavaNNehiM lomehiM uvacie egaM mahaM NIluppala-gavala-guliya- ayasikusumappagAsaM khuradhAraM asiM gahAya, jeNeva posahasAlA, jeNeva kAmadeve samaNovAsae, teNeva uvAgacchai, uvAgacchittA Asuratte, ruTThe, kuvie, caMDikkie, misimisIyamANe kAmadevaM samaNovAsayaM evaM vayAsI- haM bho kAmadevA samaNovAsayA ! apatthiyapatthiyA, duraMtapaMtalakkhaNA, hINa-puNNa- cAuddAsiyA, hiri - siri-dhii-kittiparivajjiyA, dhamma-kAmayA, puNNakAmayA, saggakAmayA, mokkhakAmayA, dhammakaMkhiyA, puNNakaMkhiyA, sagga-kaMkhiyA, mokkhakaMkhiyA, dhammapivAsiyA, puNNapivAsiyA, saggapivAsiyA, mokkhapivAsiyA, No khalu kappai tava devANuppiyA ! jaM sIlAI, vayAI, veramaNAiM, paccakkhANAI, posahovavAsAiM cAlittae vA khobhittae vA, khaMDittae vA, bhaMjittae vA, ujjhittae vA, pariccaittae vA; taM jai NaM tumaM ajja sIlAI, vayAI, veramaNAiM, paccakkhANAiM posahovavasAiM Na chaDDesi, Na bhaMjesi, to taM ahaM ajja imeNaM NIluppala-gavala-guliya-ayasi - kusumappagAseNa, khuradhAreNa asiNA khaMDAkhaMDiM karemi, jahA NaM tumaM devANuppiyA ! aTTaduhaTTavasaTTe akAle ceva jIviyAo vavarovijjasi / 9 0 upAsakadasAMga sUtra 10 se Nette, kiNNapuDasaMThANaM saMThiyA do vi tassa vasaNA, jamala- koTThiyA saMThANa-saMThiyA do vi tassa UrU, ajjuNaguTThe va tassa jANUiM kuDilakuDilAI vigaya-bIbhaccha-daMsaNAI, jaMghAo kakkhaDIo lomehiM uvaciyAo, aharIsaMThANaM- saMThiyA do vi tassa pAyA, aharIloDhasaMThANasaMThiyAo pAesa aMgulIo, sippipuDasaMThiyA se NakhA / tae NaM se kAmadeve samaNovAsae teNaM deveNaM pisAya-rUveNaM evaM vutte samANe, abhIe, atatthe, aNuvvigge, akkhubhie, acalie, asaMbhaMte, tusiNIe dhammajjhANovagae viharai / taNaM se deve pisAyarUve kAmadevaM samaNovAsayaM abhIyaM, jAva pAsai, pAsittA doccapi taccaM pi kAmadevaM evaM vayAsI jAva jIviyAo vavarovijjasi / tae NaM se kAmadeve samaNovAsae teNaM deveNaM doccaMpi taccaMpi evaM vutte samANe, abhI viharai | tae NaM se deve pisAyarUve kAmadevaM samaNovAsayaM abhIyaM jAva viharamANaM pAsai, pAsittA Asuratte ruTThe kuvie caMDikkie tivaliyaM bhiuDiM NiDAle sAhaddu, kAmadevaM samaNovAsayaM pAva asiNA khaMDAkhaMDiM karei / tae NaM se kAmadeve samaNovAsae taM ujjalaM, viulaM, kakkasaM, pagADhaM, caMDaM, dukkhaM durahiyAsaM veyaNaM sammaM sahai, khamai, titikkhar3a, ahiyAsei / 16
Page #22
--------------------------------------------------------------------------
________________ upAsakadasAMga sUtra tae NaM se deve pisAya-ruve kAmadevaM samaNovAsayaM abhIyaM jAva viharamANaM pAsai, pAsittA jAhe No saMcAei kAmadevaM samaNovAsayaM NiggaMthAo pAvayaNAo cAlittae vA, khobhittaevA, vipariNAmittae vA, tAhe saMte, taMte, paritaMte saNiyaM saNiyaM paccosakkai, paccosakkittA, posahasAlAo paDiNikkhamai, paDiNikkhamittA divvaM pisAyaruvaM vippajahai, vippajahittA egaM mahaM divvaM hatthirUve viuvvaIsattaMgapaiTThiyaM, samma saMThiyaM, sujAyaM, purao udaggaM, piTThao varAhaM, ayAkucchiM, alaMbakucchiM, palaMba- laMbodarAdhara-karaM, abbhuggaya-maula-malliyA-vimala-dhavala-daMtaM, kaMcaNakosIpaviTTha-daMtaM, ANAmiya-cAva-laliyasaMvelliyagga-soNDaM, kumma-paDipuNNa-calaNaM,vIsai-NakhaM, allINa-pamANajutta pucchaM, mattaM mehamiva gulaguleMtaM maNa-pavaNa-jaiNavegaM divvaM hatthirUvaM viuvvai / / viuvvittA jeNeva posahasAlA, jeNeva kAmadeve samaNovAsae teNeva uvAgacchai, uvAgacchittA kAmadevaM samaNovAsayaM evaM vayAsI- haM bho kAmadevA samaNovAsayA ! taheva bhaNar3a jAva Na bhaMjesi, to te ajja ahaM soMDAe giNhAmi, giNhittA posahasAlAo NINemi, NINittA uDDha vehAsaM uvvihAmi, uvvihittA, tikkhehiM daMta-musalehiM paDicchAmi, paDicchittA ahe dharaNi- talaMsi tikkhutto pAesu lolemi, jahA NaM tumaM devANuppiyA ! aTTa-duhaTTa-vasaTTe akAle ceva jIviyAo vavarovijjasi | tae NaM se kAmadeve samaNovAsae teNaM deveNaM hatthirUveNaM evaM vutte samANe, abhIe jAva vihri| tae NaM se deve hatthirUve kAmadevaM samaNovAsayaM abhIyaM jAva viharamANaM pAsai, pAsittA doccapi taccaMpi kAmadevaM samaNovAsayaM evaM vayAsI- haM bho ! kAmadevA ! jAva viharai / tae NaM se deve hatthirUve kAmadevaM samaNovAsayaM abhIyaM jAva pAsai, pAsittA asuratte jAva kAmadevaM samaNovAsayaM soMDAe giNhei, geNhettA uDDhaM vehAsaM uvvihai, uvvihittA tikkhehiM daMtamusalehiM paDicchai, paDicchettA ahe dharaNitalaMsi tikkhutto pAesu lolei / tae NaM se kAmadeve samaNovAsae taM ujjalaM jAva ahiyAser3a / / tae NaM se deve hatthirUve kAmadevaM samaNovAsayaM jAhe No saMcAei NiggaMthAo pAvayaNAo cAlittae vA jAva divvaM hatthi-rUvaM vippajahai, vippajahittA ega mahaM divvaM sappa- rUvaM viuvvai, uggavisaM, caMDavisaM, ghoravisaM mahAkAyaM, masI-mUsA-kAlagaM, NayaNa- visa- rosapuNNaM, aMjaNa-puMja-NigarappagAsaM, rattacchaM lohiya-loyaNaM, jamala-juyala- caMcala- jIhaM, dharaNIyala-veNIbhUyaM, ukkaDa-phuDa-kuDila-jaDila-kakkasa-viyaDa-phuDADova- karaNa-dacchaM, lohAgaradhammamANa-dhamadhameMtaghosaM, aNAgaliya-tivva-caMDa-rosaM sapparUvaM viuvvai, viuvvittA jeNeva posahasAlA jeNeva kAmadeve samaNovAsae, teNeva uvAgacchai, uvAgacchittA kAmadeva
Page #23
--------------------------------------------------------------------------
________________ 18 20 21 22 upAsakadasAMga sUtra samaNovAsayaM evaM vayAsI- haM bho kAmadevA samaNovAsayA ! jAva Na bhaMjesi, to te ajjeva ahaM sarasarassa kAyaM duruhAmi, duruhittA pacchimeNaM bhAeNaM tikkhutto gIvaM veDhemi, veDhittA tikkhAhiM visa parigayAhiM dADhAhiM uraMsi ceva NikuTTemi, jahA NaM tumaM devANuppiyA ! aTTaduhaTTa - vasaTTe akAle ceva jIviyAo vavarovijjasi / taNaM se kAmadeve samaNovAsae teNaM deveNaM sapparUveNaM evaM vutte samANe abhIe jAva vihri| so vi doccaMpi taccaMpi bhaNai / kAmadevo vi jAva viharai / tae NaM se deve sapparUve kAmadevaM samaNovAsayaM abhIyaM jAva pAsai, pAsittA Asuratte jAva kAmadevassa sarasarassa kAyaM duruhai, duruhittA pacchimabhAeNaM tikkhutto gIvaM veDhei, veDhA tikkhAhiM visaparigayAhiM dADhAhiM uraMsi ceva NikuTTei / taNaM se kAmadeve samaNovAsae taM ujjalaM jAva ahiyAsei / tae NaM se deve sappa-rUve kAmadevaM samaNovAsayaM abhIyaM jAva pAsai, pAsittA jAhe No saMcAei kAmadevaM samaNovAsayaM NiggaMthAo pAvayaNAo cAlittae, jAva posahasAlAo paDiNikkhamai, paDiNikkhamittA divvaM sappa-rUvaM vippajahai, vippajahittA egaM mahaM divvaM deva-rUvaM viuvvai / kaDaga-tuDiya-thaMbhiya-bhuyaM, aMgaya-kuMDala-maTTha-gaMDakaNNapIDhadhAri, hAra- virAiya-vacchaM vicittahatthAbharaNaM, vicittamAlA - mauli-mauDaM, kallANaga-pavaravattha-parihiyaM, kallANagapavara-mallANulevaNaM,bhAsura - bodiM, palaMbaM vaNamAladharaM divveNaM vaNNeNaM, divveNaM gaMdheNaM, divveNaM rUveNaM, divveNaM phAseNaM, divveNaM saMghAeNaM, divveNaM saMThANeNaM, divvAe iDDhIe, divvAe juIe, divvAe pabhAe, divvAe chAyAe, divvAe accIe, divveNaM teeNaM, divvAe lesA dasa disAo ujjovemANaM pabhAsemANaM, pAsAIyaM darisaNijjaM abhiruvaM paDirUvaM divvaM devarUvaM viuvvai, viuvvittA kAmadevassa samaNovAsayassa posahasAlaM aNuppavisai, aNuppavisittA aMtalikkha paDivaNNe sakhiMkhiNiyAiM paMcavaNNAiM vatthAI pavaraparihie kAmadevaM samaNovAsayaM evaM vayAsI- haM bho kAmadevA samaNovAsayA ! dhaNNesi NaM tumaM devANuppiyA, saMpuNNe, kayatthe, kayalakkhaNe, suladdhe NaM tava devANuppiyA, mANussae jammajIviyaphale, jassa NaM tava NiggaMthe pAvayaNe imeyArUvA paDivattI laddhA, pattA, abhisamaNNAgayA / evaM khalu devANuppiyA ! sakke deviMde devarAyA, vajjapANI, puraMdare, sayakkaU, sahassakkhe, maghavaM, pAgasAsaNe, dAhiNaDDhalogAhivaI, battIsa-vimANa-saya-sahassAhivaI, erAvaNavAhaNe, suriMde, arayaMbara- vatthadhare, Alaiya- mAlamauDe, Nava- hema cAru- citta- caMcalakuMDala-vilihijjamANagaMDe, bhAsuraboMdI, palaMba-vaNamAle, sohamme kappe sohammavaDeMsa mi sabhAe suhammA sakkaMsi sIhAsaNaMsi caurAsIIe sAmANiya- sAhassINaM tettIsAe 18
Page #24
--------------------------------------------------------------------------
________________ upAsakadasAMga sUtra tAyattIsagANaM, cauNhaM logapAlANaM, aDhaNhaM aggamahisINaM saparivArANaM, tiNhaM parisANaM, sattaNhaM aNiyANaM, sattaNhaM aNiyAhivaINaM, cauNhaM, caurAsINaM Ayarakkha-devasAhassINaM aNNesiM ca bahaNaM devANa ya devINa ya majjhagae evamAikkhaDa, evaM bhAsaDa, evaM paNNaveDa, evaM parUvei- evaM khalu devA ! jaMbuddIve dIve bhArahe vAse caMpAe NayarIe kAmadeve samaNovAsae posahasAlAe posahie baMbhayArI jAva ummukka-maNi-suvaNNe,vavagaya-mAlA-vaNNaga- vilevaNe, Nikkhitta-sattha-musale, ege, abIe dabbhasaMthArovagae samaNassa bhagavao mahAvIrassa (aMtiyaM) dhammapaNNattiM uvasaMpajjittANaM viharai / No khalu se sakkA keNai deveNa vA dANaveNa vA jakkheNa vA, rakkhaseNa vA, kiNNareNa vA, kiMpuriseNa vA, mahorageNa vA gaMdhavveNa vA NiggaMthAo pAvayaNAo cAlittae vA khobhittae vA vipariNAmittae vA | tae NaM ahaM sakkassa deviMdassa devaraNNo eyamaDheM asaddahamANe, aroemANe ihaM havvamAgae | taM aho NaM, devANuppiyA ! iDhi, juI, jaso, balaM, vIriyaM, purisakkAra- parakkame laddhe, patte, abhisamaNNAgae / taM divA NaM devANappiyANaM ! iDaDhI jAva abhisamaNNAgae | taM khAmemi NaM, devANuppiyA ! khamaMt majjha devANuppiyA ! khaMtumarihaMti NaM devANappiyA ! NAI bhujjo karaNayAe ti kaTTa pAyavaDie, paMjaliuDe eyamaTTha bhujjo-bhujjo khAmei, khAmittA jAmeva disaM pAubbhUe tAmeva disaM paDigae | tae NaM se kAmadeve samaNovAsae NiruvasaggaM iti kaTTha paDimaM pArei / teNaM kAleNaM teNaM samaeNaM samaNe bhagavaM mahAvIre jAva jeNeva caMpA NayarI, jeNeva paNNabhadde ceie, teNeva uvAgacchai, uvAgacchittA ahApaDirUvaM oggahaM ogiNhittA saMjameNaM tavasA appANaM bhAvemANe viharai / tae NaM se kAmadeve samaNovAsae imIse kahAe laddhaTe samANe evaM khala samaNe bhagavaM mahAvIre jAva viharai / taM seyaM khalu mama samaNaM bhagavaM mahAvIraM vaMdittA, NamaMsittA tao paDiNiyattassa posahaM pArittae tti kaTTa evaM saMpehei, saMpehettA suddhappAvesAiM vatthAI pavaraparihie jeNeva samaNe bhagavaM mahAvIre, teNeva uvAgacchai, uvAgacchittA tikkhutto AyAhiNaM payAhiNaM karei, karettA vaMdai, NamaMsai, vaMdittA, NamaMsittA tivihAe pajjuvAsaNAe pajjuvAsai / tae NaM samaNe bhagavaM mahAvIre kAmadevassa samaNovAsayassa tIse ya jAva dhammakahA smttaa| kAmadevA ! tti samaNe bhagavaM mahAvIre kAmadevaM samaNovAsayaM evaM vayAsI- se NaNaM kAmadevA! tubbhaM aMtie puvva-rattAvarattakAla-samayaMsi ege deve pAubbhUe / tae NaM se deve egaM mahaM divvaM pisAya-rUvaM viuvvai, evaM tiNNi vi uvasaggA kahei jAva jAmeva disaM pAubbhUe tAmeva disaM paDigae | se gUNaM kAmadevA ! aDhe samaDhe ? haMtA, atthi /
Page #25
--------------------------------------------------------------------------
________________ upAsakadasAMga sUtra ajjo ! tti samaNe bhagavaM mahAvIre bahave samaNe NiggaMthe ya NiggaMthIo ya AmaMtettA evaM vayAsI-jai tAva, ajjo ! samaNovAsagA, gihiNo, gihamajjhAvasaMtA divva-mANusatirikkhajoNie uvasagge samma sahati khamaMti, titikkhaMti ahiyAseMti, sakkA paNAI, ajjo ! samaNehiM NiggaMthehiM duvAlasaMgaM gaNipiDagaM ahijjamANehiM divva-mANusatirikkhajoNie uvasagge samma sahittae khamittae, titikkhittae ahiyAsittae | tao te bahave samaNA NiggaMthA ya NiggaMthIo ya samaNassa bhagavao mahAvIrassa taha tti eyamadvaM viNaeNaM paDisuNetti / tae NaM kAmadeve samaNovAsae haTTha jAva samaNaM bhagavaM mahAvIraM pasiNAI pucchai, atttthmaadiyi| samaNaM bhagavaM mahAvIraM vaMdai NamaMsai, vaMdittA NamaMsittA jAmeva disaM pAubbhae, tAmeva disaM paDigae / tae NaM samaNe bhagavaM mahAvIre aNNayA kayAi caMpAo paDiNikkhamai, paDiNikkhamittA bahiyA jaNavaya-vihAraM viharai / tae NaM kAmadeve samaNovAsae paDhamaM uvAsaga-paDimaM uvasaMpajjittANaM viharai / jAva ekkArasamaM uvAsagapaDimaM sammaM ArAhei, evaM jahA ANaMde jAva bhattapANa- paDiyAikkhie kAlaM aNavakaMkhamANe viharai / tae NaM se kAmadeve samaNovAsae bahUhiM sIlavvaya-guNa-veramaNa-paccakkhANa- posahavavAsehiM appANaM bhAvettA vIsaM vAsAiM samaNovAsagapariyAgaM pAuNittA, ekkArasa uvAsagapaDimAo samma kAraNaM phAsettA, mAsiyAe saMlehaNAe appANaM jhUsittA, saddhiM bhattAI aNasaNAe chedettA, AloiyapaDikkaMte, samAhipatte, kAlamAse kAlaM kiccA, sohamme kappe sohammavaDiMsayassa mahAvimANassa uttarapuratthimeNaM aruNAbhe vimANe devattAe uvvnnnne| tattha NaM atthegaiyANaM devANaM cattAri paliovamAI ThiI paNNattA | kAmadevassa vi devassa cattAri paliovamAI ThiI paNNattA / se NaM bhaMte ! kAmadeve tAo devalogAo AukkhaeNaM bhavakkhaeNaM ThiikkhaeNaM aNaMtaraM cayaM caittA, kahiM gamihii, kahiM uvavajjihii ? goyamA ! mahAvidehe vAse sijjhihii / Nikkhevo jahA paDhamassa | || bIaM ajjhayaNaM samatta || 20
Page #26
--------------------------------------------------------------------------
________________ [] W la [] MS u upAsakadasAMga sUtra taiaM ajjhayaNaM culaNIpiyA ukkhevo taiyassa ajjhayaNassa / evaM khalu jaMbU ! teNaM kAleNaM teNaM samaeNaM vANArI NAmaM NayarI / koTThae ceie / jiyasattU rAyA / tattha NaM vANArasIe NayarIe culaNIpiyA NAmaM gAhAvaI parivasai, aDDhe jAva aparibhUe / sAmA bhAriyA / aTTha hiraNNa-koDIo NihANa-pauttAo, aTTha vuDDhapattAo, aTTha pavitthara-pauttAo, aTTha vayA, dasa-go - sAhassieNaM vaeNaM / jahA ANaMdo rAIsara jAva savva-kajja-vaDDhAvae yAvi hotthA / sAmI samosaDhe / parisA NiggayA / culaNIpiyA vi jahA ANaMdo tahA Niggao / taheva gihi-dhammaM paDivajjai / goyama - pucchA / taheva sesaM jahA kAmadevassa jAva posaha sAlAe posahie baMbhayArI samaNassa bhagavao mahAvIrassa [aMtiyaM] dhammapaNNattiM uvasaMpajjittANaM viharai / tae NaM tassa culaNIpiyassa samaNovAsayassa puvva rattAvarattakAla - samayaMsi ege deve aMtiyaM pAubbhU | taNaM se deve egaM mahaM NIluppala jAva asiM gahAya culaNIpiyaM samaNovAsayaM evaM vayAsIhaM bho culaNIpiyA samaNovAsayA ! jahA kAmadevo jAva Na bhaMjesi, to te ahaM ajja jeTTha puttaM sAo gihAo NINemi, NINettA tava aggao ghAemi ghAettA tao maMsa-solle karemi, karettA AdANa- bhariyaMsi kaDAhayaMsi addahemi addahettA tava gAyaM maMseNa ya soNieNa ya AyaMcAmi, jahA NaM tumaM aTTa duhaTTa vasaTTe akAle ceva jIviyAo vavarovijjasi / tae NaM se culaNIpiyA samaNovAsae teNaM deveNaM evaM vutte samANe abhIe jAva viharai / taNaM se deve culaNIpiyaM samaNovAsayaM abhIyaM jAva pAsai, pAsittA doccaMpi taccaMpi culaNIpiyaM samaNovAsayaM evaM vayAsI- haM bho culaNIpiyA samaNovAsayA ! taM ceva bhaNai jAva viharai | tae NaM se deve culaNIpiyaM samaNovAsayaM abhIyaM jAva pAsittA Asuratte culaNIpiyassa samaNovAsayassa jeTTha puttaM gihAo NINei NINettA aggao ghAei, ghAettA tao maMsasollae karei, karettA AdANabhariyaMsi kaDAhayaMsi adyahei, addahettA culaNIpiyassa samaNovAsayassa gAyaM maMseNa ya soNieNa ya AyaMcai / tae NaM se culaNIpiyA samaNovAsae taM ujjalaM jAva ahiyAsei / 21
Page #27
--------------------------------------------------------------------------
________________ upAsakadasAMga sUtra tae NaM se deve culaNIpiyaM samaNovAsayaM abhIyaM jAva pAsai, pAsittA doccaMpi taccaMpi culaNIpiyaM samaNovAsayaM evaM vayAsI-haM bho culaNIpiyA samaNovAsayA ! apatthiya-patthiyA jAva Na bhaMjesi, to te ahaM ajja majjhimaM puttaM sAo gihAo NINemi, NINettA tava aggao ghAemi jahA jeTuM puttaM taheva bhaNai, taheva karei / evaM taccaMpi kaNIyasaM jAva ahiyAsei / tae NaM se deve culaNIpiyaM samaNovAsayaM abhIyaM jAva pAsai, pAsittA cautthaM pi culaNIpiyaM samaNovAsayaM evaM vayAsI-haM bho culaNIpiyA samaNovAsayA ! apatthiya- patthiyA jai NaM tuma jAva Na bhaMjesi, tao ahaM ajja jA imA tava mAyA bhaddA satthavAhI devayagurujaNaNI, dukkaradukkarakAriyA, taM sAo gihAo NINemi, NINettA tava aggao ghAemi, ghAettA tao maMsasollae karemi, karettA AdANabhariyaMsi kaDAhayaMsi addahemi, addahettA tava gAyaM maMseNa ya soNieNa ya AyaMcAmi, jahA NaM tumaM aTTa-duhaTTa- vasaTTe akAle ceva jIviyAo vavarovijjasi / tae NaM se culaNIpiyA samaNovAsae teNaM deveNaM evaM vutte samANe abhIe jAva viharai / tae NaM se deve culaNIpiyaM samaNovAsayaM abhIyaM jAva viharamANaM pAsai, pAsittA culaNIpiyaM samaNovAsayaM doccaMpi taccapi evaM vayAsI- haM bho culaNIpiyA samaNovAsayA! taheva jAva vavarovijjasi / tae NaM tassa culaNIpiyassa samaNovAsayassa teNaM deveNaM doccaMpi taccapi evaM vuttassa samANassa imeyArUve ajjhatthie jAva samupaNNe- aho NaM ime purise aNArie aNAriyabuddhI, aNAriyAI pAvAiM kammAiM samAyarai, jeNaM mamaM jeTuM puttaM sAo gihAo NINei, NINettA mamaM aggao ghAei, ghAettA evaM jahA kayaM tahA ciMtei, jAva aayNci| jA vi ya NaM imA mamaM mAyA bhaddA satthavAhI devaya-guru-jaNaNI, dukkara- dukkara-kAriyA taM pi ya NaM icchai sAo gihAo NINettA mama aggao ghAettae, taM se mamaM eyaM purisaM giNhittae tti kaTTa udghAie, se vi ya AgAse uppaie, teNaM ca khaMbhe AsAie, mahayA-mahayA saddeNaM kolAhale kae | tae NaM sA bhaddA satyavAhI taM kolAhala-sadaM soccA, Nisamma jeNeva culaNIpiyA samaNovAsae, teNeva uvAgacchai, uvAgacchittA culaNIpiyaM samaNovAsayaM evaM vayAsI- kiNNaM puttA ! tumaM mahayA-mahayA saddeNaM kolAhale kae ? tae NaM se culaNIpiyA samaNovAsae ammayaM bhadaM satthavAhiM evaM vayAsI- evaM khalu ammo ! Na jANAmi ke vi purise Asuratte jAva ega mahaM NIlappala jAva asiM gahAya mamaM evaM 24
Page #28
--------------------------------------------------------------------------
________________ |16| 17 sh 20 22 24 upAsakadasAMga sUtra vayAsIvavarovijjasi / tae NaM ahaM teNaM puriseNaM evaM vutte samANe abhIe jAva viharAmi / tae NaM se purise mamaM abhIyaM jAva viharamANaM pAsai, pAsittA mamaM doccaMpi taccaMpi evaM vayAsI- haM bho culaNIpiyA samaNovAsayA ! jAva gAyaM maMseNa ya soNieNa ya AyaMcai / bho culaNIpiyA samaNovAsayA ! apatthiya-patthiyA jAva akAle ceva jIviyAo tae NaM ahaM taM ujjalaM, viulaM, kakkasaM, pagADhaM, caMDaM, dukkhaM, durahiyAsaM veyaNaM sammaM sahAmi, khamAmi, titikkhAmi, ahiyAsemi / evaM tiNNi vi uvasaggA kahei jAva ahiyAsemi / tae NaM se purise mamaM abhIyaM jAva pAsai, pAsittA mamaM cautthaM pi evaM vayAsI- haM bho culaNIpiyA samaNovAsayA ! apatthiya-patthiyA jAva Na bhaMjesi, to te ajja jA imA mAyA devayaguru jaNaNI dukkara- dukkarakAriyA, taM sAo gihAo NINemi, NINettA tava aggao ghAemi, ghAettA tao maMsasollae karemi, karettA AdANa- bhariyaMsi kAha addahemi, addahettA tava gAyaM maMseNa ya soNieNa ya AyaMcAmi, jahA NaM tumaM aTTa duhaTTa-vasaTTe akAle ceva jIviyAo vavarovijjasi / taNaM ahaM teNaM puriseNaM evaM vutte samANe abhIe jAva viharAmi / tae NaM se purise doccaMpi taccaMpi mamaM evaM vayAsI- haM bho culaNIpiyA samaNovAsayA ! ajja jAva vavarovijjasi / tae NaM teNaM puriseNaM doccaMpi taccaMpi mamaM evaM vuttassa samANassa imeyArUve ajjhatthie jAva samupaNNe- aho NaM ! ime purise aNArie aNAriyabuddhI, aNAriyAiM pAvAiM kammAiM samAyarai, jeNaM mamaM jeTTaM puttaM sAo gihAo taheva jAva kaNIyasaM jAva Aca, ya NaM icchai sAo gihAo NINettA mamaM aggao ghAettae, taM seyaM khalu mamaM eyaM purisaM giNhittae tti kaTTu uddhAie / se vi ya AgAse uppaie, mae vi ya khaMbhe AsAie, mahayA - mahayA saddeNaM kolAhale kae / tae NaM sA bhaddA satthavAhI culaNIpiyaM samaNovAsayaM eva vayAsI- No khalu kei purise tava jAva kaNIyasaM puttaM sAo gihAo NINei, NINettA tava aggao ghAei, esa NaM kei purise tava uvasaggaM karei, esa NaM tume vidarisaNe diTThe / taM NaM tumaM iyANiM bhaggavvae bhaggaNiyame bhaggaposahe viharasi / taM NaM tumaM puttA ! eyassa ThANassa Aloehi jAva paDivajjAhi / tae NaM se culaNIpiyA samaNovAsae ammayAe bhaddA satthavAhIe 'taha' tti eyamaTThe viNaNaM paDisuNei, paDisuNettA tassa ThANassa Aloei jAva paDivajjai / 23
Page #29
--------------------------------------------------------------------------
________________ upAsakadasAMga sUtra 25 tae NaM se culaNIpiyA samaNovAsae paDhama uvAsagapaDimaM uvasaMpajjittANaM viharai, paDhamaM uvAsagapaDimaM ahAsuttaM jahA ANaMdo jAva ekkArasamaM vi / tae NaM se culaNIpiyA samaNovAsae teNaM urAleNaM jahA kAmadevo bahUhiM sIlavvaya-guNaveramaNa-paccakkhANa-posahovavAsehiM appANaM bhAvettA, bIsaM vAsAI samaNovAsaga-pariyAyaM pAuNittA, ekkArasa ya uvAsaga-paDimAo samma kAeNaM phAsittA, mAsiyAe saMlehaNAe attANaM jhUsittA, sahi~ bhattAiM aNasaNAe chedettA, Aloiya-paDikkaMte, samAhipatte kAlamAse kAlaM kiccA sohamme kappe sohammavaDiMsagassa mahAvimANassa uttara-puratthimeNaM aruNappabhe vimANe devattAe uvavaNNe cattAri paliovamAiM ThiI pnnnnttaa| mahAvidehe vAse sijjhihii / Nikkhevo jahA paDhamassa / / // taiaM ajjhayaNaM samatta || cautthe ajjhayaNaM surAdeve ukkhevao cautthassa ajjJayaNassa | evaM khala jaMbU ! teNaM kAleNaM teNaM samaeNaM vANArasI NAmaM NayarI | koTThae ceie | jiyasattU rAyA / surAdeve gAhAvaI aDDhe jAva aparibhUe / cha hiraNNa-koDIo NihANa-pauttAo, cha Dhi-pauttAo, cha pavitthara- pauttAo | cha vayA, dasa-go-sAhassieNaM vaeNaM | dhaNNA bhAriyA / sAmI samosaDhe | jahA ANaMdo taheva paDivajjae gihidhammaM / jahA kAmadevo jAva samaNassa bhagavao mahAvIrassa dhammapaNNattiM uvasaMpajjittANaM viharai / tae NaM tassa surAdevassa samaNovAsayassa aMtie puvva-rattAvarattakAla-samayaMsi ege deve pAubbhavitthA / se deve egaM mahaM NIluppala jAva asiM gahAya surAdevaM samaNovAsayaM evaM vayAsI- haM bho surAdevA samaNovAsayA ! apatthiya-patthiyA jAva jai NaM tuma sIlAI jAva Na bhaMjesi, to te jeTuM puttaM sAo gihAo NINemi, NINettA tava aggao ghAemi, ghAettA paMca sollae karemi, karettA AdANabhariyaMsi kaDAhayaMsi addahemi, addahettA tava gAyaM maMseNa ya soNieNa ya AyaMcAmi, jahA NaM tuma aTTa-duhaTTa vasaTTe akAle ceva jIviyAo vvrovijjsi| evaM majjhimayaM, kaNIyasaM; ekkekke paMca sollayA / taheva karei jahA cUlaNIpiyassa, NavaraM ekkekke paMca sollayA /
Page #30
--------------------------------------------------------------------------
________________ upAsakadasAMga sUtra tae NaM deve surAdevaM samaNovAsayaM cautthaM pi evaM vayAsI-haM bho surAdevA samaNovAsayA ! apatthiya-patthiyA jAva Na pariccayasi, to te ajja sarIraMsi jamagasamagameva solasa-rogAyaMke pakkhivAmi, taM jahA- sAse, kAse, jare, dAhe, kRcchisUle, bhagaMdare, arisae, ajIrae, didvisUle, muddhasUle, akArie, acchiveyaNA, kaNNaveyaNA, kaMDue, udare, koDhe, jahA NaM tumaM aTTa-duhaTTa-vasaTTe akAle ceva jIviyAo vavarovijjasi | tae NaM se surAdeve samaNovAsae teNaM deveNaM evaM vutte samANe abhIe, atatthe, aNuvvigge, akkhabhie, acalie, asaMbhaMte, tasiNIe dhammajjhANovagae viharaDa / evaM devo doccaMpi taccaM pi bhaNai jai NaM tamaM ajja sIlAiM, vayAiM, veramaNAiM, paccakkhANAiM, posahovavAsAI Na chaDDesi, Na bhaMjesi, to te ahaM ajja sarIraMsi jamaga-samagameva solasa rogAyaMke pakkhivAmi jahA Na tumaM aTTa-duhaTTa-vasaTTe akAle ceva jIviyAo vavarovijjasi / tae NaM tassa surAdevassa samaNovAsayassa teNaM deveNaM doccaM pi taccaM pi evaM vRttassa samANassa imeyArUve ajjhatthie jAva sampaNNe- aho NaM ime parise aNArie jAva samAyarai, jeNaM mamaM jeTTha puttaM jAva AyaMcai, je vi ya ime solasa rogAyaMkA, te vi ya icchar3a mama sarIragaMsi pakkhivittae, taM seyaM khalu mamaM eyaM purisaM giNhittae tti kaTTa uddhAie | se vi ya AgAse uppaie | teNa ya khaMbhe AsAie, mahayA-mahayA saddeNaM kolAhale kae / | tae NaM sA dhaNNA bhAriyA kolAhalaM soccA-Nisamma, jeNeva surAdeve samaNovAsae teNeva uvAgacchai, uvAgacchittA evaM vayAsI- kiNNaM devANuppiyA ! tubbhehiM mahayA- mahayA saddeNaM kolAhale kae ? tae NaM se surAdeve samaNovAsae dhaNNaM bhAriyaM evaM vayAsI- evaM khalu devANuppie ! ke vi purise, taheva tiNNi vi uvasaggA kahei jahA culaNIpiyA | dhaNNA vi paDibhaNai- No khalu devANuppiyA ! tubbhaM ke vi purise sarIraMsi jamaga-samagaM solasa rogAyaMke pakkhivai, esa NaM ke vi purise tubbhaM uvasaggaM karei / sesaM jahA culaNIpiyassa tahA bhaNai / evaM sesaM jahA culaNIpiyassa NiravasesaM jAva sohamme kappe aruNakaMte vimANe uvvnnnne| cattAri paliovamAiM ThiI | mahAvidehe vAse sijjhihii / Nikkhevo jahA paDhamassa | || cautthaM ajjhayaNaM samatta |
Page #31
--------------------------------------------------------------------------
________________ upAsakadasAMga sUtra paMcamaM ajjhayaNaM cullasayae ukkhevo paMcamassa ajjhayaNassa | evaM khalu jaMbU ! teNaM kAleNaM teNaM samaeNaM AlabhiyA NAmaM NayarI | saMkhavaNe ujjANe / jiyasattU rAyA | cullasayae gAhAvaI aDDhe jAva cha hiraNNakoDIo NihANapauttAo, cha iDhipauttAo, cha pavittharapauttAo, cha vayA, dasa go sAhassieNaM vaeNaM | bahulA bhAriyA / sAmI samosaDhe | jahA ANaMdo tahA gihidhamma paDivajjai / sesaM jahA kAmadevo jAva dhamma paNNattiM uvasaMpajjittANaM viharai / tae NaM tassa cullasayagassa samaNovAsayassa aMtie puvva-rattAvarattakAla-samayaMsi ege deve pAubbhUe jAva asiM gahAya evaM vayAsI- haM bho cullasayagA samaNovAsayA ! jAva Na bhaMjesi to te ajja jeTuM pattaM sAo gihAo NINemi / evaM jahA calaNIpiyaM, NavaraM ekkekke satta maMsasollayA jAva kaNIyasaM jAva AyaMcAmi / tae NaM se cullasayae samaNovAsae jAva viharai / tae NaM se deve cullasayagaM samaNovAsayaM cautthaM pi evaM vayAsI- haM bho cullasayagA samaNovAsayA ! jAva Na bhaMjesi to te ajja jAo imAo cha hiraNNakoDio NihANapauttAo, cha vaDaDhipauttAo, cha pavittharapauttAo, tAo sAo gihAo NINemi, NINettA AlabhiyAe NayarIe siMghADaya tiya-caukka-caccara-caummaha- mahApahapahesa savvao samaMtA vippairAmi, jahA NaM tumaM aTTa-duhaTTa-vasaTTe akAle ceva jIviyAo vavarovijjasi | tae NaM se cullasayae samaNovAsae teNaM deveNaM evaM vutte samANe abhIe jAva viharai / tae NaM se deve cullasayagaM samaNovAsayaM abhIyaM jAva pAsai, pAsittA doccaM pi taccaM pi taheva bhaNai, jAva vavarovijjasi | tae NaM tassa cullasayagassa samaNovAsayassa teNaM deveNaM doccaMpi taccapi evaM vuttassa samANassa ayameyArUve ajjhatthie jAva samuppaNNe- aho NaM ime purise aNArie jahA culaNIpiyA tahA ciMtei jAva AyaMcar3a, jAo vi ya NaM imAo mamaM cha hiraNNakoDIo NihANapauttAo, cha vaDhipauttAo chapavittharapauttAo, tAo vi ya NaM icchai mama sAo gihAo NINettA AlabhiyAe NayarIe siMghADaga jAva vippairittae, taM seyaM khala mamaM eyaM purisaM giNhittae tti kaTTha udghAie, jahA surAdevo / taheva bhAriyA pucchar3a, taheva kahei / [bda
Page #32
--------------------------------------------------------------------------
________________ w [] W [6][] ja upAsakadasAMga sUtra sesaM jahA culaNIpiyassa jAva sohamme kappe aruNasiddhe vimANe uvavaNNe / cattAri ovamA Tha | se NaM bhaMte ! cullasayae tAo devalogAo AukkhaeNaM, bhavakkhaeNaM, ThiikkhaNaM anaMtaraM cayaM caitA kahiM gamihii ? kahiM uvavajjihii ? goyamA ! mahAvidehe vAse sijjhihii / Nikkhevo jahA paDhamassa / // paMcamaM ajjhayaNaM samatta // chaTThe ajjhayaNaM kuMDakolie chaTThassa ukkhevao / evaM khalu jaMbU ! teNaM kAleNaM teNaM samaeNaM kaMpillapure Nayare sahassaMbavaNe ujjANe / jiyasattU rAyA / kuMDakolie gAhAvaI / pUsA bhAriyA / cha hiraNaka NihANapauttAo, cha vuDDhapauttAo, cha pavittharapauttAo, cha vayA, dasa gosAhassieNaM aNaM / sAmI samosaDhe / jahA kAmadevo tahA sAvayadhammaM paDivajjai / sA ceva vattavvayA jAva paDilAbhemANe viharai tae NaM se kuNDakolie samaNovAsae aNNayA kayAI puvvAvaraNha-kAlasamayaMsi jeNeva asogavaNiyA, jeNeva puDhavi-silA-paTTae, teNeva uvAgacchai, uvAgacchittA NAmamuddagaM ca uttarijjagaM ca puDhavisilA - paTTae Thavei, ThavettA samaNassa bhagavao mahAvIrassa [aMtiyaM] dhammapaNattiM uvasaMpajjittANaM viharai / tae NaM tassa kuMDakoliyassa samaNovAsayassa aMtie ege deve pAubbhavitthA / taNaM se deve NAmamuddagaM ca uttarijjagaM ca puDhavisilA-paTTayAo geNhai, geNhittA aMtalikkha-paDivaNe jAva kuMDakoliyaM samaNovAsayaM evaM vayAsI- haM bho kuMDakoliyA samaNovAsayA ! suMdarI NaM devANuppiyA ! gosAlassa maMkhalIputtassa dhammapaNNattI- Natthi uTThANe i vA, kamme i vA, bale i vA, vIrie i vA, purisakkAra- parakkame i vA, NiyayA savvabhAvA, maMgulI NaM samaNassa bhagavao mahAvIrassa dhammapaNNattI- atthi uTThANe i vA, kamme i vA, bale i vA, vIrie i vA, purisakkAra parakkame i vA, aNiyayA savvabhAvA / tae NaM se kuMDakolie samaNovAsae taM devaM evaM vayAsI- jai NaM devA ! suMdarI gosAlassa maMkhaliputtassa dhammapaNNattI- Natthi uTThANe i vA kamme i vA, bale i vA, vIrie i vA, 27
Page #33
--------------------------------------------------------------------------
________________ upAsakadasAMga sUtra parisakkAra-parakkame i vA, NiyayA savvabhAvA, maMgalI NaM samaNassa bhagavao mahavIrassa dhammapaNattI-atthi uTThANe i vA jAva aNiyayA svvbhaavaa| tume NaM devA ! imA eyArUvA divvA deviDaDhI, divvA devajjaI, divve devANabhAve kiNNA laddhe, kiNNA patte, kiNNA abhisamaNNAgae ? kiM uTThANeNaM kammeNaM, baleNaM, vIrieNaM parisakkAraparakkameNaM ? udAha aNuTThANeNaM akammeNaM, abaleNaM, avIrieNaM apurisakkAra- parakkameNaM ? tae NaM se deve kaMDakoliyaM samaNovAsayaM evaM vayAsI- evaM khalu devANuppiyA ! mae imeyAruvA divvA deviDDhI jAva apurisakkAraparakkameNaM laddhA, pattA, abhisamaNNAgayA / tae NaM se kuMDakolie samaNovAsae taM devaM evaM vayAsI- jai NaM devA ! tume imA eyArUvA divvA deviDDhI jAva aparisakkAra-parakkameNaM laddhA, pattA, abhisamaNNAgayA, jesiM NaM jIvANaM Natthi uTThANe i vA, parakkame i vA, te kiM Na devA? aha NaM, devA! tume imA eyArUvA divvA deviDDhI jAva parakkameNaM laddhA, pattA, abhisamaNNAgayA, to jaM vadasisuMdarI NaM gosAlassa maMkhaliputtassa dhammapaNNattI- Natthi uTThANe i vA jAva NiyayA savvabhAvA, maMgulI NaM samaNassa bhagavao mahAvIrassa dhammapaNNattI- atthi uTThANe i vA jAva aNiyayA savvabhAvA, taM te micchA | tae NaM se deve kuMDakolieNaM samaNovAsaeNaM evaM vutte samANe saMkie kaMkhie, viigicchAsamAvaNNe, kalusa samAvaNNe No saMcAei kuMDakoliyassa samaNovAsayassa kiMci pAmokkha-mAikkhittae; NAmamuddayaM ca uttarijjayaM ca puDhavisilA-paTTae Thavei, ThavettA jAmeva disiM pAubbhUe, tAmeva disiM paDigae / teNaM kAleNaM teNaM samaeNaM sAmI samosaDhe / tae NaM se kuMDakolie samaNovAsae imIse kahAe laddhaDe haTTa jahA kAmadevo tahA Niggacchar3a jAva pajjuvAsai | dhammakahA / kuMDakoliyA ! tti samaNe bhagavaM mahAvIre kuMDakoliyaM samaNovAsayaM evaM vayAsI- se NUNaM kaMDakoliyA ! kallaM tabbhaM aMtie pavvAvaraNha-kAla-samayaMsi asoga vaNiyAe ege deve pAubbhavitthA / tae NaM se deve NAma-muddagaM ca taheva jAva No saMcAei tubbhe kiMci pAmokkhamAikkhittae, NAmamuddagaM ca uttarijjagaM ca puDhavisilApaTTae Thavei, ThavettA jAmeva disaM pAubbhUe, tAmeva disaM paDigae / se NUNaM kuMDakoliyA ! aDhe samaDhe ? haMtA atthi / taM dhaNNesi NaM tumaM kuMDakoliyA ! jahA kAmadevo / ajjo ! tti samaNe bhagavaM mahAvIre samaNe NiggaMthe ya NiggaMthIo ya AmaMtittA evaM vayAsI-jai tAva, ajjo ! gihiNo gihimajjhAvasaMttANaM aNNautthie advehi ya heUhi ya pasiNehi ya kAraNehi ya vAgaraNehi ya NippaTTha-pasiNavAgaraNe karei, sakkA puNAI, ajjo !
Page #34
--------------------------------------------------------------------------
________________ 14 16 ~~ upAsakadasAMga sUtra samaNehiM NiggaMthehiM duvAlasaMgaM gaNi-piDagaM ahijjamANehiM aNNautthiyA aTThehi ya heUhi ya pasiNehi ya kAraNehi ya vAgaraNehi ya NippaTTa - pasiNavAraNA karittae / tae NaM samaNA NiggaMthA ya NiggaMthIo ya samaNassa bhagavao mahAvIrassa 'taha' tti eyamaTThe viNaeNaM paDisurNeti / tae NaM se kuMDakolie samaNovAsae samaNaM bhagavaM mahAvIraM vaMdai NamaMsai, vaMdittA NamaMsittA pasiNAiM pucchi, pucchittA aTThamAdiyai, aTThamAdittA jAmeva disiM pAubbhUe tAmeva disiM paDigae / sAmI bahiyA jaNavaya-vihAraM viharai / tae NaM tassa kuMDakoliyassa samaNovAsayassa bahUhiM sIla jAva bhAvemANassa coddasa saMvaccharAiM vaikkaMtAiM / paNNarasamassa saMvaccharassa aMtarA vaTTamANassa aNNayA kayAi jahA kAmadevo tahA jeTThaputtaM ThavettA tahA posahasAlAe jAva dhammapaNNattiM uvasaMpajjittANaM viharai / evaM ekkArasa uvAsaga paDimAo taheva jAva sohamme kappe aruNajjhae vimA jAva cattAri paliovamAI ThiI paNNattA / se NaM bhaMte ! kuMDakolie tAo devalagAo AukkhaeNaM, bhavakkhaeNaM, ThiikkhaeNaM anaMtaraM cayaM caittA kahiM gamihii ? kahiM uvavajjihii ? goyamA ! mahAvidehe vAse sijjhihii, bujjhihii muccihii, savva dukkhANaM aMtaM kAhi / Nikkhevo jahA paDhamassa / // cha ajjhayaNaM samatta // sattamaM ajjhayaNaM saddAlaput sattamassa ukkhevo / polAsapure NAmaM Nayare / sahassaMbavaNe ujjANe / jiyasattU rAyA / tattha NaM polAsapure Nayare saddAlaputte NAmaM kuMbhakAre AjIviovAsae parivasai / AjIviyasamayaMsi laddhaTThe, gahiyaTThe, pucchiyaTThe, viNicchiyaTThe, abhigayaTThe, aTThimiMja-pemANurAgaratte ayamAuso ! AjIviya samae aTThe, ayaM paramaTThe, sese aNaTTe tti AjIviya samaeNaM appANaM bhAvemANe viharai / tassa NaM saddAlaputtassa AjIviovAsagassa ekkA hiraNNakoDI NihANapauttA, ekkA vuDDDhipauttA, ekkA pavittharapauttA, ekke vae, dasa-gosAhassieNaM vaeNaM / 29
Page #35
--------------------------------------------------------------------------
________________ upAsakadasAMga sUtra | GC tassa NaM saddAlaputtassa AjIviovAsagassa aggimittA NAmaM bhAriyA hotthA / / tassa NaM saddAlaputtassa AjIviovAsagassa polAsapurassa Nagarassa bahiyA paMca kuMbhakArAvaNa-sayA hotthA / tattha NaM bahave purisA diNNa-bhai-bhatta-veyaNA kallAkalliM bahave karae ya vArae ya pihaDae ya ghaDae ya addha ghaDae ya kalasae ya aliMjarae ya jaMbUlae ya uTTiyAo ya kareMti / aNNe ya se bahave purisA diNNa-bhai-bhatta-veyaNA kallAkalliM tehiM bahahiM karaehi ya vAraehi ya pihaDaehi ya ghaDaehi ya addha-ghaDaehi ya kalasaehi ya aliMjaraehi ya jaMbUlaehi ya uTTiyAhi ya rAyamaggaMsi vittiM kappemANA viharaMti | tae NaM se saddAlaputte AjIviovAsae aNNayA kayAI puvvAvaraNha-kAla-samayaMsi jeNeva asogavaNiyA, teNeva uvAgacchai, uvAgacchittA gosAlassa maMkhaliputtassa [aMtiyaM] dhammapaNNattiM uvasaMpajjittANaM viharai / tae NaM tassa saddAlapattassa AjIviovAsagassa aMtie ege deve pAubbhavitthA / tae NaM se deve aMtalikkha paDivaNNe sakhiMkhiNiyAiM paMcavaNNAI vatthAI pavara parihie saddAlaputtaM AjIviovAsayaM evaM vayAsI-ehii NaM devANuppiyA ! kallaM ihaM mahAmAhaNe, uppaNNaNANa-daMsaNadhare, tIya-paDuppaNNa-maNAgaya-jANae, arahA, jiNe, kevalI, savvaNNU, savvadarisI, telokka-vahiya-mahiya-pUie, sadevamaNuyAsurassa logassa accaNijje vaMdaNijje NamaMsaNijje sakkAraNijje sammANaNijje, kallANaM, maMgalaM, devayaM, ceiyaM pajjuvAsaNijje, tacca-kamma-saMpayA-saMpautte / taM NaM tumaM vaMdejjAhi, NamaMsejjAhi, sakkArejjAhi, sammANejjAhi, kallANaM, maMgalaM, devayaM, ceiyaM pajjavAsejjAhi, pADihArieNaM pIDha-phalagasijjA-saMthAraeNaM uvaNimaMtejjAhi / doccaM pi taccaM pi evaM vayai, vaittA jAmeva disaM pAubbhUe tAmeva disaM paDigae | tae NaM tassa saddAlaputtassa AjIviovAsagassa teNaM deveNaM evaM vuttassa samANassa imeyAruve ajjhatthie, ciMtie, patthie maNogae saMkappe samuppaNNe-evaM khalu mama dhammAyarie dhammovaesae gosAle maMkhaliputte, se NaM mahAmAhaNe uppaNNa-NANa-daMsaNadhare jAva tacca-kamma-saMpayA-saMpautte, se NaM kallaM ihaM havvamAgacchissai / tae NaM taM ahaM vaMdissAmi NamaMsissAmi jAva sakkAressAmi, sammANessAmi, kallANaM, maMgalaM, devayaM, ceiyaM pajjuvAsissAmi; pADihArieNaM jAva pIDha-phalaga-sejjA-saMthAraeNaM uvaNimaMtissAmi | tae NaM kallaM jAva jalaMte samaNe bhagavaM mahAvIre jAva samosarie | parisA NiggayA jAva pajjuvAsai / tae NaM se saddAlaputte AjIviovAsae imIse kahAe laddhaDhe samANe- evaM khalu samaNe bhagavaM mahAvIre jAva jeNeva polAsapure Nayare, jeNeva sahassaMbavaNe ujjANe, teNeva uvAgacchai,
Page #36
--------------------------------------------------------------------------
________________ 12 | 13 14 15 dA |17| upAsakadasAMga sUtra uvAgacchittA ahApaDirUvaM oggahaM ogiNhittA saMjameNaM tavasA appANaM bhAvemANe viharar3a, taM gacchAmi NaM samaNaM bhagavaM mahAvIraM vaMdAmi NamaMsAmi, sakkAremi, sammANemi kallANaM, maMgalaM, devayaM, ceiyaM pajjuvAsAmi evaM saMpehei, saMhitA hAe jAva appamahagghAbharaNAlaMkiya- sarIre, maNussavaggurA-parigae sAo gihAo paDiNikkhamai, paDiNikkhamittA, polAsapuraM NayaraM majjhaMmajjheNaM Niggacchai, NiggacchittA jeNeva sahassaMbavaNe ujjANe, jeNeva samaNe bhagavaM mahAvIre, teNeva uvAgacchai uvAgacchittA tikkhutto AyAhiNaM payAhiNaM karei, karettA vaMdai, NamaMsai, vaMdittA NamaMsittA NaccAsaNNe NAidUre sussUsamANe NamaMsamANe abhimuhe viNaeNaM paMjaliuDe pajjuvAsai / tae NaM samaNe bhagavaM mahAvIre saddAlaputtassa AjIviovAsagassa tIse ya mahai jAva dhammaM parikai / saddAlaputtA ! i samaNe bhagavaM mahAvIre saddAlaputtaM AjIviovAsayaM evaM vayAsI - seNUNaM saddAlaputtA ! kallaM tumaM puvvAvaraNha - kAla - samayaMsi jeNeva asogavaNiyA jAva viharasi / taNaM ege deve tubbhaM aMtiyaM pAubbhavitthA / tae NaM se deve aMtalikkha- paDivaNNe evaM vayAsI- haM bho ! saddAlaputtA ! taM ceva savvaM jAva se NUNaM saddAlaputtA! aTThe samaTThe ? haMtA ! atthi / No khalu saddAlaputtA ! teNaM deveNaM gosAlagamaMkhaliputtaM paNihAya evaM vRtte / tae NaM tassa saddAlaputtassa AjIviovAsayassa samaNeNaM bhagavayA mahAvIreNaM evaM vuttassa samANassa imeyAruve ajjhatthie ciMtie patthie maNogae saMkappe samuppaNNe esa NaM samaNe bhagavaM mahAvIre mahAmAhaNe, uppaNNa NANadaMsaNadhare jAva tacca-kammasaMpayA - saMpatte / taM yaM khalu mamaM samaNaM bhagavaM mahAvIraM vaMdittA NamaMsittA pADihArieNaM pIDha-phalaga-sejjAsaMthAraeNaM uvaNimaMtittae / evaM saMpehei, saMpehittA uTThAe uTThei, uTThettA samaNaM bhagavaM mahAvIraM vaMdai, NamaMsai, vaMdittA NamaMsittA evaM vayAsI- evaM khalu bhaMte! mamaM polAsapurassa Nayarasa bahiyA paMca kuMbhakArAvaNasayA / tattha NaM tubbhe jAva pADihAriyaM pIDha-phalaga sejjAsaMthArayaM ogiNhittA NaM viharaha / tae NaM samaNe bhagavaM mahAvIre saddAlaputtassa AjIviovAsagassa eyamaTThe paDisuNei, paDisuNettA saddAlaputtassa AjIviovAsagassa paMcakuMbhakArAvaNasaesa phAsu-esaNijjaM pADihAriyaM pIDha-phalaga sejjA saMthArayaM ogiNhittA NaM viharai / tae NaM se saddAlaputte AjIviovAsae aNNayA kayAiM vAyAhayayaM kolAla-bhaMDa aMto sAlAhiMto bahiyA NINei, NINettA, AyavaMsi dala / taNaM se samaNe bhagavaM mahAvIre saddAlaputtaM AjIviovAsayaM evaM vayAsI - saddAlaputtA ! esa NaM kolAlabhaMDe kao ? 31
Page #37
--------------------------------------------------------------------------
________________ 19 20 21 22 26 upAsakadasAMga sUtra taNaM se saddAlaputte AjIviovAsae samaNaM bhagavaM mahAvIraM evaM vayAsI-esa NaM bhaMte ! puvviM maTTiyA AsI, tao pacchA udaeNaM Nimijjai, NimijjittA chAreNa ya kariseNa ya egayAo mIsijjai, mIsijjittA cakke Arohijjai, tao bahave karagA ya jAva uTTiyAo ya kajjati / taNaM samaNe bhagavaM mahAvIre saddAlaputtaM AjIviovAsayaM evaM vayAsI- saddAlaputtA ! esa NaM kolAlabhaMDe kiM uTThANeNaM jAva purisakkAra-parakkameNaM kajjaMti ? udAhu aNuTThANaM apurisakkAra-parakkameNaM kajjaMti ? tae NaM se saddAlaputte AjIviovAsae samaNaM bhagavaM mahAvIraM evaM vayAsI- bhaMte! aNuTThANeNaM jAva apurisakkAra-parakkameNaM / Natthi uTThANe i vA jAva parakkame i vA, NiyayA savvabhAvA / taNaM samaNe bhagavaM mahAvIre saddAlaputtaM AjIviovAsayaM evaM vayAsI- saddAlaputtA ! jai NaM tubbhaM kei purise vAyAhayaM vA pakkellayaM vA kolAlabhaMDaM avaharejjA vA vikkharejjA vA bhiMdejjA vA acchiMdejjA vA pariTThavejjA vA, aggimittAe vA bhAriyAe saddhiM viulAI bhogabhogAI bhuMjamANe viharejjA, tassa NaM tumaM purisassa kiM daMDaM vattejjAsi ? bhaMte ! ahaM NaM taM purisaM NibbhacchejjA vA haNejjA vA baMdhejjA vA mahejjA vA tajjejjA vA tAlejjA vA NicchoDejjA vA NibbhacchejjA vA akAle ceva jIviyAo vavarovejjA / saddAlaputtA ! No khalu tubbhaM kei purise vAyAhayaM vA pakkellayaM vA kolAlabhaMDaM avaharai vA jAva pariTThavai vA, aggimittAe vA bhAriyAe saddhiM viulAI bhogabhogAI bhuMjamANe viharai, No vA tumaM taM purisaM Aosejjasi vA haNejjasi vA baMdhejjasi vA mahejjasi vA tajjejjassi vA tAlejjasi vA NicchoDejjasi vA Nibbhacchejjasi vA akAle ceva jIviyAo vavarovejjasi; jai Natthi uTThANe i vA jAva parakkame i vA, NiyayA savvabhAvA / aha NaM tubbhaM kei purise vAyAhayaM vA pakkellayaM vA kolAlabhaMDaM avaharai vA vikkhirai vA bhiMdai vA acchiMdai vA pariTThavei vA, aggimittAe vA bhAriyAe saddhiM viulAI bhogabhogAI bhuMjamANe viharai, tumaM vA taM purisaM Aosesi vA haNesi vA baMdhesi vA mahesi vA tajjesi vA tAlesi vA NicchoDesi vA Nibbhacchesi vA akAle ceva jIviyAo vavarovesi / to jaM vadasi - Natthi uTThANe i vA jAva NiyayA savvabhAvA, taM te micchA | ettha NaM se saddAlaputte AjIviovAsa saMbuddhe / tae NaM se saddAlaputte AjIviovAsae samaNaM bhagavaM mahAvIraM vaMdai NamaMsai, vaMdittA NamaMsittA evaM vayAsI- icchAmi NaM bhaMte! tubbhaM aMtie dhammaM NisAmettae / tae NaM samaNe bhagavaM mahAvIreM saddAlaputtassa AjIviovAsagassa dhammaM parikahei / 32
Page #38
--------------------------------------------------------------------------
________________ rANa 85 30 upAsakadasAMga sUtra tae NaM se saddAlaputte AjIviovAsae samaNassa bhagavao mahAvIrassa aMtie dhammaM soccA Nisamma haTTha-tuTTha jAva hiyae jahA ANaMdo tahA gihidhammaM paDivajjai / varaM gA hiraNNakoDI NihANapauttA, egA hiraNNakoDI vuDDhipauttA, egA hiraNNakoDa pavittharapauttA, ege vae, dasa go-sAhassieNaM vaeNaM jAva samaNaM bhagavaM mahAvIraM vaMda NamaMsai, vaMdittA NamaMsittA jeNeva polAsapure Nayare, teNeva uvAgacchai, uvAgacchittA polAsapuraM NayaraM majjhamajjheNaM jeNeva sae gihe, jeNeva aggimittA bhAriyA, teNeva uvAgacchai, uvAgacchittA, aggimittaM bhAriyaM evaM vayAsI- evaM khalu devANuppie ! sama bhagavaM mahAvIre jAva samosaDhe, taM gacchAhi NaM tumaM, samaNaM bhagavaM mahAvIraM vadAhi va pajjuvAsAhi, samaNassa bhagavao mahAvIrassa aMtie paMcANuvvaiyaM sattasikkhAvaiyaM duvAlasavihaM gihidhammaM paDivajjAhi / tae NaM sA aggimittA bhAriyA saddAlaputtassa samaNovAsagassa 'taha' tti eyamaTThe viNaeNaM paDisuNei / tae NaM se saddAlaputte samaNovAsae koDuMbiyapurise saddAvei, saddAvettA evaM vayAsIkhippAmeva bho devANuppiyA ! jAva juttAmeva dhammiyaM jANappavaraM uvaTThaveha, uvaTThavettA mama eyamANattiyaM paccappiNaha / tae NaM te koDuMbiyapurisA saddAlaputteNaM samaNovAsaeNaM evaM vuttA samANA haTThatuTThacittamANaMdiyA, pIimaNA, paramasomaNassiyA, harisavasavisappamANahiyayA, karayalapariggahiyaM sirasAvattaM matthae aMjaliM kaTTu 'evaM sAmI' tti ANAe viNaNaM vayaNaM paDisurNeti, paDisuNettA khippAmeva lahukaraNajuttajoiyaM jAva dhammiyaM jANappavaraM ve tamANattiyaM paccappiti / tae NaM sA aggimittA bhAriyA hAyA jAva appamahagghAbharaNAlaMkiyasarIrA, ceDiyAcakkavAla-parikiNNA dhammiyaM jANappavaraM duruhai, duruhittA polAsapuraM NayaraM majjhaMmajjheNaM Niggacchai, NiggacchittA jeNeva sahassaMbavaNe ujjANe teNeva uvAgacchai, uvAgacchittA dhammiyAo jANappavarAo paccoruhai, paccoruhittA ceDiyAcakkavAlaparivuDA jeNeva samaNe bhagavaM mahAvIre teNeva uvAgacchai, uvAgacchittA tikkhutto AyAhiNaM payAhiNaM karei, karettA vaMdai NamaMsai, vaMdittA NamaMsittA NaccAsaNNe NAidUre sussUsamANA, NamaMsamANA abhimuhe viNaNaM paMjaliuDA ThijhyA ceva pajjuvAsai / 32 taNaM samaNe bhagavaM mahAvIre aggimittAe, tIse ya mahai mahAliyAe parisAe dhammaM prikhei| 33
Page #39
--------------------------------------------------------------------------
________________ upAsakadasAMga sUtra tae NaM sA aggimittA bhAriyA samaNassa bhagavao mahAvIrassa aMtie dhamma soccANisamma haha-tuTThA samaNaM bhagavaM mahAvIraM vaMdai NamaMsai, vaMdittA, NamaMsittA evaM vayAsIsaddahAmi NaM bhaMte ! NiggaMthaM pAvayaNaM, pattiyAmi NaM bhaMte ! NiggaMthaM pAvayaNaM, roemi NaM bhaMte ! NiggaMthaM pAvayaNaM, evameyaM bhaMte ! se jaheyaM tubbhe vayaha / jahA NaM devANuppiyANaM aMtie bahave uggA, bhogA, rAiNNA, khattiyA, mAhaNA, bhaDA, johA pasatthAro, mallaI, lecchaI, aNNe ya bahave rAIsara-talavara-mAiMbiya-koDubiya-ibbha- seTi-seNAvaisatthavAhappabhiiyA muMDA bhavittA agArAo aNagAriyaM pavvaiyA, No khalu ahaM tahA saMcAemi devANuppiyANaM aMtie muMDA bhavittA agArAo aNagAriyaM pavvaittae / ahaM NaM devANuppiyANaM aMtie paMcANuvvaiyaM satta-sikkhAvaiyaM duvAlasavihaM gihidhamma paDivajjissAmi / ahAsuhaM devANuppiyA ! mA paDibaMdhaM kareha / tae NaM sA aggimittA bhAriyA samaNassa bhagavao mahAvIrassa aMtie paMcANuvaiyaM sattasikkhAvaiyaM duvAlasavihaM sAvagadhamma paDivajjai, paDivajjittA samaNaM bhagavaM mahAvIra vaMdai NamaMsai, vaMdittA NamaMsittA tameva dhammiyaM jANappavaraM duruhai, duruhittA jAmeva disiM pAubbhUyA, tAmeva disiM paDigayA / tae NaM samaNe bhagavaM mahAvIre aNNayA kayAI polAsapurAo NayarAo sahassaMbavaNAo ujjANAo paDiNiggacchai, paDiNiggacchittA bahiyA jaNavayavihAraM viharai / tae NaM se saddAlapatte samaNovAsae jAe abhigayajIvAjIve jAva viharai / tae NaM sA aggimittA bhAriyA samaNovAsiyA jAyA abhigayajIvAjIve jAva viharai / tae NaM se gosAle maMkhaliputte imIse kahAe laddhaDhe samANe- evaM khalu saddAlaputte AjIviyasamayaM vamittA samaNANaM NiggaMthANaM dihiM paDivaNNe / taM gacchAmi NaM saddAlaputtaM AjIviovAsayaM samaNANaM NiggaMthANaM didi vAmettA puNaravi AjIviya dihiM geNhAvittae tti kaTTa evaM saMpehei, saMpehettA AjIviya-saMghasaMparivur3e jeNeva polAsapure Nayare, jeNeva AjIviyasabhA, teNeva uvAgacchai, uvAgacchittA AjIviyasabhAe bhaMDaga- NikkhevaM karei, karettA kaivaehiM AjIviehiM saddhiM jeNeva saddAlaputte samaNovAsae teNeva uvAgacchar3a / tae NaM se saddAlaputte samaNovAsae gosAlaM maMkhaliputtaM ejjamANaM pAsai, pAsittA No ADhAi, No parijANAi, aNADhAyamANe aparijANamANe tusiNIe saMciTThai / tae NaM se gosAle maMkhaliputte saddAlaputteNaM samaNovAsaeNaM aNADhAijjamANe aparijANijjamANe pIDha-phalaga-sijjA-saMthAraTThayAe samaNassa bhagavao mahAvIrassa guNakittaNaM karemANe saddAlaputtaM samaNovAsayaM evaM vayAsI- Agae NaM devANuppiyA ! ihaM mahAmAhaNe ? 36
Page #40
--------------------------------------------------------------------------
________________ upAsakadasAMga sUtra 40 tae NaM se saddAlaputte samaNovAsae gosAlaM maMkhaliputtaM evaM vayAsI- ke NaM, devANuppiyA ! mahAmAhaNe? tae NaM se gosAle maMkhaliputte saddAlaputtaM samaNovAsayaM evaM vayAsI- samaNe bhagavaM mahAvIre mahAmAhaNe / se keNaTeNaM devANuppiyA ! evaM vuccai- samaNe bhagavaM mahAvIre mahAmAhaNe ? evaM khalu saddAlaputtA ! samaNe bhagavaM mahAvIre mahAmAhaNe uppaNNa-NANa-daMsaNadhare jAva mahiya- pUie jAva tacca-kamma-saMpayA-saMpautte / se teNadveNaM devANuppiyA ! evaM vuccaisamaNe bhagavaM mahAvIre mahAmAhaNe / Agae NaM devANuppiyA ! ihaM mahAgove ? ke NaM devANuppiyA ! mahAgove ? samaNe bhagavaM mahAvIre mahAgove | se keNaTeNaM, devANuppiyA ! evaM vuccai- samaNe bhagavaM mahAvIre mhaagove| evaM khalu, devANuppiyA ! samaNe bhagavaM mahAvIre saMsArADavIe bahave jIve NassamANe, viNassamANe, khajjamANe, chijjamANe, bhijjamANe, luppamANe, viluppamANe, dhammamaeNaM daMDeNaM sArakkhamANe, saMgovemANe, NivvANa-mahAvADaM sAhatthiM saMpAvei / se teNaTeNaM saddAlaputtA ! evaM vuccai- samaNe bhagavaM mahAvIre mahAgove / / Agae NaM devANuppiyA ! ihaM mahAsatthavAhe ? ke NaM devANuppiyA ! mahAsatthavAhe? saddAlaputtA ! samaNe bhagavaM mahAvIre mahAsatthavAhe | se keNaTeNaM ? / evaM khalu devANuppiyA ! samaNe bhagavaM mahAvIre saMsArADavIe bahave jIve NassamANe, viNassamANe, khajjamANe, chijjamANe, bhijjamANe, luppamANe, viluppamANe ummagga paDivaNNe dhammamaeNaM paMtheNaM sArakkhamANe NivvANa-mahApaTTaNAbhimuhe sAhatthiM saMpAvei | se teNadveNaM saddAlaputtA ! evaM vuccai- samaNe bhagavaM mahAvIre mahAsatthavAhe / Agae Na devANuppiyA ! ihaM mahAdhammakahI ? ke NaM devANuppiyA ! mahAdhammakahI? samaNe bhagavaM mahAvIre mahAdhammakahI / se keNadveNaM samaNe bhagavaM mahAvIre mahAdhammakahI? evaM khalu devANuppiyA ! samaNe bhagavaM mahAvIre mahai-mahAlayaMsi saMsAraMsi bahave jIve NassamANe, viNassamANe, khajjamANe, chijjamANe, bhijjamANe, luppamANe, viluppamANe, ummaggapaDivaNNe, sappaha-vippaNaDhe micchatta-balAbhibhUe, aTThaviha-kamma-tama-paDalapaDocchaNNe, bahahiM advehi ya jAva vAgaraNehi ya cAuraMtAo saMsArakaMtArAo sAhatthiM NitthArei / se teNaTeNaM devANuppiyA ! evaM vuccai- samaNe bhagavaM mahAvIre mhaadhmmkhii| Agae NaM devANuppiyA! ihaM mahANijjAmae? ke NaM devANuppiyA! mahANijjAmae? samaNe bhagavaM mahAvIre mahANijjAmae / se keNadveNaM ?
Page #41
--------------------------------------------------------------------------
________________ 42 43 44 upAsakadasAMga sUtra va evaM khalu devANuppiyA ! samaNe bhagavaM mahAvIre saMsAra mahAsamudde bahave jIve NassamANe, viNassamANe jAva viluppamANe buDDamANe, NibuDDamANe, uppiyamANe dhammamaI NivvANa-tIrAbhimuhe sAhatthiM saMpAvei / se teNadveNaM devANuppiyA ! evaM vuccai samaNe bhagavaM mahAvIre mahANijjAma / tae NaM se saddAlaputte samaNovAsae gosAlaM maMkhaliputtaM evaM vayAsI- tubbhe NaM devANuppiyA ! iyaccheyA iyadacchA, iyapaTThA, iyaNiuNA, iya-NayavAdI, iya-uvaesaladdhA, iya- viNNANapattA, pabhU NaM tubbhe mama dhammAyarieNaM dhammovaesaeNaM bhagavayA mahAvIreNaM saddhiM vivAdaM karettae? No iNaTThe samaTThe / se keNadveNaM devANuppiyA ! evaM vuccai- No khalu pabhU tubbhe mamaM dhammAyarieNaM dhammovaesaeNaM, samaNeNaM bhagavayA mahAvIreNaM saddhiM vivAdaM karettae ? cammeTTha-dughaNa-muTThiya-samAhaya-Niciya-gatte, saddAlaputtA ! se jahANAmae kei purise taruNe jugavaM balavaM, appAyaMke, thiraggahatthe, paDipuNNapANipAe, piTThatarorusaMghAyapariNae, ghaNaNiciyavaTTapAlikhaMdhe, laMghaNa-pavaNa- jaiNavAyAma-samatthe, urassabalasamaNNAgae, tAlajamalajuyalabAhU, chee, dakkhe, pattaTThe NiuNa- sippovagae egaM mahaM ayaM vA elayaM vA sUyaraM vA kukkuDaM vA tittiraM vA vaTTayaM vA lAvayaM vA kavoyaM vA kavijalaM vA vAyasaM vA seNayaM vA hatthaMsi vA pAyaMsi vA khuraMsi vA pucchaMsi vA picchaMsi vA siMgaMsi vA, visANaMsi vA, romaMsi vA jahiM jahiM giNhai, tahiM tahiM NiccalaM NipphaMdaM dharei / evAmeva samaNe bhagavaM mahAvIre mamaM bahUhiM aTThehi ya heUhi ya pasiNehi ya kAraNehi ya vAgaraNehi ya jahiM jahiM giNhai tahiM tahiM NippaTTha-pasiNa- vAgaraNaM karei / se teNadveNaM saddAlaputtA ! evaM vacca - No khalu bhU ahaM tava dhammAyarieNaM jAva mahAvIreNaM saddhiM vivAdaM karettae / ta NaM se saddAlaputte samaNovAsae gosAlaM maMkhaliputtaM evaM vayAsI- jamhA NaM devANuppiyA ! tubbhe mama dhammAyariyassa dhammovaesagassa, samaNassa bhagavao mahAvIrassa saMtehiM, taccehiM, tahiehiM sabbhUehiM bhAvehiM guNakittaNaM kareha, tamhA NaM ahaM bhe pADihArieNaM pIDha-phalaga - sejjA - saMthAraeNaM uvaNimaMtemi, No ceva NaM dhammotti vA, tavotti vA / taM gacchaha NaM tubbhe mama kuMbhArAvaNesu pADihAriyaM pIDha-phalaga sejjA- saMthArayaM ogiNhittANaM viharaha / taNaM se gosAle maMkhaliputte saddAlaputtassa samaNovAsayassa eyamahaM paDisuNei, paDisuNettA kuMbhArAvaNesu pADihAriyaM pIDha - phalaga- sejjA - saMthArayaM ogiNhittANaM virai / tae NaM se gosAle maMkhaliputte saddAlaputtaM samaNovAsayaM jAhe No saMcAei bahUhiM AghavaNAhi ya paNNavaNAhi ya saNNavaNAhi ya viNNavaNAhi ya NiggathAo pAvayaNAo cAlittae vA 36
Page #42
--------------------------------------------------------------------------
________________ upAsakadasAMga sUtra khobhittae vA vipariNAmittae vA, tAhe saMte, taMte, paritaMte polAsapurAo NayarAo paDiNikkhamai, paDiNikkhamittA bahiyA jaNavaya-vihAraM viharai / tae NaM tassa saddAlaputtassa samaNovAsayassa bahUhiM sIlajAva bhAvemANassa coddasa saMvaccharAI vaikkaMtAI / paNNarasamassa saMvaccharassa aMtarA vaTTamANassa aNNayA kayAI puvva- rattAvaratta-kAle jAva samaNassa bhagavao mahAvIrassa [aMtiyaM] dhammapaNNattiM uvasaMpajjittANaM viharai / tae NaM tassa saddAlaputtassa samaNovAsayassa aMtiyaM puvvarattAvarattakAle ege deve pAubbhavitthA / tae NaM se deve egaM mahaM NIluppala jAva khuradhAraM asaM gahAya saddAlaputtaM samaNovAsayaM evaM vayAsI- haM bho saddAlapattA samaNovAsayA ! evaM savvaM uccAreyavvaM jAva aayNci| NavaraM ekkekke putte Nava maMsa-sollae karei AyaMcai / tae NaM se saddAlaputte samaNovAsae abhIe jAva viharai / tae NaM se deve saddAlaputtaM samaNovAsayaM abhIyaM jAva pAsittA cautthaM pi saddAlaputtaM samaNovAsayaM evaM vayAsI- haM bho saddAlapattA samaNovAsayA ! apatthiyapatthiyA jAva Na bhaMjesi tao jA imA aggimittA bhAriyA dhamma-sahAiyA, dhammabiijjiyA, dhammANurAgarattA, sama-suha- dukkha-sahAiyA, taM te sAo gihAo NINemi NINettA tava aggao ghAemi, ghAettA Nava maMsa-sollae karemi, karettA AdANa-bhariyaMsi kaDAhayaMsi addahemi, addahettA tava gAyaM maMseNa ya soNieNa ya AyaMcAmi, jahA NaM tuma aTTa-duhaTTavasaTTe akAle ceva jIviyAo vavarovijjasi / tae NaM se saddAlaputte samaNovAsae teNaM deveNaM evaM vutte samANe abhIe jAva viharai / tae NaM se deve saddAlaputtaM samaNovAsayaM doccapi taccapi evaM vayAsI- haM bho ! saddAlaputtA samaNovAsayA ! taM ceva bhaNai / tae NaM tassa saddAlaputtassa samaNovAsayassa teNaM deveNaM doccaMpi taccapi evaM vuttassa samANassa ayaM ajjhatthie jAva samuppaNNe evaM jahA culaNIpiyA taheva ciMtei jAva AyaMcai, jA vi ya NaM mamaM imA aggimittA bhAriyA sama-suha-dukkha sahAiyA, taM pi ya icchar3a sAo gihAo NINettA mamaM aggao ghAettae / taM seyaM khalu mamaM eyaM purisaM giNhittae tti kaTTa uddhAie / evaM jahA culaNIpiyA taheva savvaM bhANiyavvaM / NavaraM aggimittA bhAriyA kolAhalaM suNittA bhaNai / aruNabhUe vimANe uvavaNNe jAva mahAvidehe vAse sijjhihii / Nikkhevo jahA paDhamassa |
Page #43
--------------------------------------------------------------------------
________________ upAsakadasAMga sUtra // saMttama ajjhayaNaM samattaM || aTThamaM ajjhayaNaM mahAsayae | - 4 aTThamassa ukkhevao / evaM khalu jaMbU ! teNaM kAleNaM teNaM samaeNaM rAyagihe Nayare guNasIlae ceie / seNie rAyA / tattha NaM rAyagihe mahAsayae NAmaM gAhAvaI parivasai, aDDhe, jahA ANaMdo / NavaraM aTTha hiraNNakoDIo sakaMsAo NihANa-pauttAo, aTTha hiraNNakoDIo sakaMsAo vaDhipauttAo, aTTha hiraNNakoDIo sakaMsAo pavittharapauttAo, aTTha vayA, dasa- go-sAhassieNaM vaeNaM / tassa NaM mahAsayagassa revaIpAmokkhAo terasa bhAriyAo hotthA-ahINa paDipaNNapaMciMdiyasarIrAo,lakkhaNa-vaMjaNa-guNovaveyAo, mANummANappamANapaDipuNNa- sujAyasavvaMga - suMdarIo, sasi-somAkAra-kaMta-piya-daMsaNAo suruvAo / tassa NaM mahAsayagassa revaIe bhAriyAe kola-ghariyAo aTTha hiraNNakoDIo, aTTa vayA, dasago-sAhassieNaM vaeNaM hotthA / avasesANaM duvAlasaNhaM bhAriyANaM kolaghariyA egamegA hiraNNakoDI, egamege ya vae, dasa-go-sAhassieNaM vaeNaM hotthA / teNaM kAleNaM teNaM samaeNaM sAmI samosaDhe | parisA NiggayA / jahA ANaMdo tahA Niggacchai | taheva sAvayadhamma paDivajjai | NavaraM aTTha hiraNNakoDIo sakaMsAo uccArei, aTTha vayA | revaipAmokkhAhiM terasahiM bhAriyAhiM avasesa mehaNavihiM pcckkhaai| sesaM savvaM taheva, imaM ca NaM eyArUvaM abhiggahaM abhigiNhai- kallAkalliM ca NaM kappar3a me be-doNiyAe kaMsa-pAIe hiraNNa-bhariyAe saMvavaharittae / tae NaM se mahAsayae samaNovAsae jAe abhigayajIvAjIve jAva viharai / tae NaM samaNe bhagavaM mahAvIre bahiyA jaNavaya vihAraM viharai / tae NaM tIse revaIe gAhAvaiNIe aNNayA kayAi puvvarattAvaratta-kAlasamayaMsi kuDuMbajAgariyaM jAgaramANIe imeyArUve ajjhatthie- evaM khalu ahaM imAsiM duvAlasaNhaM savattINaM vighAeNaM No saMcAemi mahAsayaeNaM samaNovAsaeNaM saddhiM urAlAI mANassayAI bhogabhogAI bhujamANI viharittae / taM seyaM khalu mamaM eyAo duvAlasa vi savattiyAo aggippaogeNaM vA satthappaogeNaM vA visappaogeNaM vA jIviyAo vavarovittA eyAsiM egamegaM
Page #44
--------------------------------------------------------------------------
________________ 10 11 | 12 13 14 15 |16| upAsakadasAMga sUtra hiraNNakoDiM, egamegaM vayaM sayameva uvasaMpajjittANaM mahAsayaeNaM samaNovAsaeNaM saddhiM urAlAI mANussayAiM bhogabhogAI bhuMjamANI viharittae / evaM saMpehei, saMpehettA tAsiM duvAlasaNhaM savattINaM aMtarANi ya chiddANi ya vivarANi ya paDijAgaramANI viharai / tae NaM sA revaI gAhAvaiNI aNNayA kayAi tAsiM duvAlasaNhaM savattINaM aMtaraM jANittA cha savattIo satthappaogeNaM uddavei, uddavettA cha savattIo visappaogeNaM uddavei, uddavettA tAsiM duvAlasaNhaM savattINaM kolaghariyaM egamegaM hiraNNakoDiM, egamegaM vayaM sayameva paDivajjai, paDivajjittA mahAsayaeNaM samaNovAsaeNaM saddhiM urAlAI bhogabhogAI bhuMjamANI viharai | tae NaM sA revaI gAhAvaiNI maMsaloluyA, maMsesu mucchiyA, giddhA, gaDhiyA, ajjhovavaNNA bahuvihehiM maMsehi ya sollehi ya taliehi ya bhajjiehi ya suraM ca mahuM ca meragaM ca majjaM ca sIdhuM ca pasaNNaM ca AsAemANI, visAemANI, paribhAemANI, paribhuMjemANI vii / tae NaM rAyagihe Nayare aNNayA kayAi aNAghAe ghuTThe yAvi hotthA / tae NaM sA revaI gAhAvaiNI maMsaloluyA, maMsesu mucchiyA jAva kolagharie purise saddAvei, saddAvettA evaM vayAsI- tubbhe, devANuppiyA ! mama kolaghariehiMto vaehiMto kallAkalliM duveduve goNa-poyae uddaveha, uddavittA mamaM uvaNeha / tae NaM te kolaghariyA purisA revaIe gAhAvaiNIe 'tahatti' eyamaTThe viNaNaM paDisuNaMti, paDisuNittA revaIe gAhAvaiNIe kola ghariehiMto vaehiMto kallAkalliM duve duve goNa poyae vaheMti, vahettA revaIe gAhAvaiNIe uvarNeti / tae NaM sA revaI gAhAvaiNI tehiM goNamaMsehi ya sollehi ya taliehi ya bhajjiehi ya suraM ca mahuM ca meragaM ca majjaM ca sIdhuM ca pasaNNaM ca AsAemANI, visAemANI, paribhAemANI, paribhuMjemANI viharai / tae NaM tassa mahAsayagassa samaNovAsagassa bahUhiM sIlavvaya jAva bhAvemANassa coddasa saMvaccharA vaikkaMtA / evaM jahA ANaMdo taheva jAva dhammapaNNattiM uvasaMpajjittA NaM viharai | tae NaM sA revaI gAhAvaiNI mattA, luliyA, viiNNakesI uttarijjayaM vikaDDhamANI vikaDDhamANI jeNeva posahasAlA jeNeva mahAsayae samaNovAsae, teNeva uvAgacchai, uvAgacchittA mohummAyajaNaNAI, siMgAriyAI itthibhAvAiM uvadaMsemANI uvadaMsemANI mahAsayayaM samaNovAsayaM evaM vayAsI- haM bho mahAsayayA samaNovAsayA dhamma - kAmayA puNNakAmayA sagga-kAmayA mokkha-kAmayA dhamma- kaMkhiyA jAva mokkhakaMkhiyA dhamma- pivAsiyA jAva mokkhapivAsiyA kiNNaM tubbhaM, devANuppiyA dhammeNa vA puNNeNa vA saggeNa vA 39
Page #45
--------------------------------------------------------------------------
________________ 17 18 19 20 23 24 upAsakadasAMga sUtra mokkheNa vA ? jaM NaM tumaM mae saddhiM urAlAI mANussAiM bhogabhogAI bhuMjamANe No viharasi ? taNaM se mahAsayae samaNovAsae revaIe gAhAvaiNIe eyamaTThe no ADhAi, No pariyANAi, aNADhAijjamANe apariyANamANe tusiNIe dhammajjhANovagae viharai / tae NaM sA revaI gAhAvaiNI mahAsayayaM samaNovAsayaM doccaMpi taccaMpi evaM vayAsI- haM bho ! taM ceva bhaNai, so vi taheva jAva aNADhAijjamANe apariyANamANe tusiNIe dhammajjhANovagae viharai / tae NaM sA revaI gAhAvaiNI mahAsayaeNaM samaNovAsaeNaM aNADhAijjamANI, apariyANijjamANI jAmeva disaM pAubbhUyA, tAmeva disaM paDigayA / tae NaM se mahAsayae samaNovAsae paDhamaM uvAsaga-paDimaM uvasaMpajjittA NaM viharai jAva Ai / evaM ekkArasa vi ArAhei / taNaM se mahAsayae samaNovAsae teNaM urAleNaM jAva kise dhamaNisaMtae jAe / tae NaM tassa mahAsayayassa samaNovAsayassa aNNayA kayAi puvvarattAvaratta-kAle dhammajAgariyaM jAgaramANassa ayaM ajjhatthie jAva samupaNNe - evaM khalu ahaM imeNaM urAleNaM jahA ANaMdo taheva apacchima - mAraNaMtiyasaMlehaNAe jhUsiya-sarIre bhatta-pANa- paDiyAikkhie kAlaM aNavakakhamANe viharai / tae NaM tassa mahAsayagassa samaNovAsagassa subheNaM ajjhavasANeNaM subheNaM pariNAmeNaM, lesAhiM visujjhamANIhiM tadAvaraNijjANaM kammANaM khaovasameNaM ohiNANe samuppaNNepuratthimeNaM lavaNasamudde joyaNa - sAhassiyaM khettaM jANai pAsai, evaM dakkhiNeNaM, paccatthimeNaM, uttareNaM jAva cullahimavaMtaM vAsaharapavvayaM jANai pAsai, uDDhaM jAva sohammekappe jANai pAsai, ahe imIse rayaNappabhAe puDhavIe loluyaccuyaM [loluyaM] NarayaM caurAsIi-vAsasahassaTThiiyaM jANai pAsai / tae NaM sA revaI gAhAvaiNI aNNayA kayAiM mattA luliyA, viiNNakesI uttarijjayaM vikaDDhamANI vikaDDhamANI jeNeva mahAsayae samaNovAsae jeNeva posahasAlA teNeva uvAgacchai, uvAgacchittA mahAsayayaM taheva bhaNai jAva doccaMpi taccaMpi evaM vayAsI- haM bho tava / tae NaM se mahAsayae samaNovAsae revaIe gAhAvaiNIe doccaMpi, taccaMpi evaM te samA Asuratte jAva ohiM pauMjai, paraMjittA ohiNA Abhoei, AbhoittA revaI gAhAvaiNiM evaM vayAsI- haM bho revaI ! apatthiya-patthie jAva evaM khalu tumaM aMto satta-rattassa alasaeNaM 40
Page #46
--------------------------------------------------------------------------
________________ ridA 27 29 31 upAsakadasAMga sUtra vAhiNA abhibhUyA samANI aTTa duhaTTavasaTTA asamAhipattA kAlamAse kAlaM kiccA Ahe isIse rayaNappabhAe puDhavIe loluyaccue [lolue] Narae caurAsIi - vAsasahassaTThiiesa raiesa iyattAe uvavajjihisi / tae NaM sA revaI gAhAvaiNI mahAsayaeNaM samaNovAsaeNaM evaM vuttA samANI- ruTThe NaM mamaM mahAsayae samaNovAsae, hINe NaM mamaM mahAsayae samaNovAsae, avajjhAyA NaM ahaM mahAsayaeNaM samaNovAsaeNaM, Na Najjai NaM ahaM keNa vi kumAreNaM mArijjissAmi tti ka bhIyA, tatthA, tasiyA, uvviggA, saMjAyabhayA saNiyaM-saNiyaM paccosakkar3a, paccosakkittA jeNeva sae gihe teNeva uvAgacchai, uvAgacchittA ohaya-maNa-saMkappA, ciMtA-soga-sAgarasaMpaviTThA, karayala- palhatthamuhA, aTTajjhANovagayA, bhUmigaya- diTThiyA jhiyAi / taNaM sA revaI gAhAvaiNI aMto sattarattassa alasaeNaM vAhiNA abhibhUyA aTTaduhaTTa -vasaTTA kAlaMmAse kAlaM kiccA imIse rayaNappabhAe puDhavIe loluyaccue [lolue] Narae caurAsIivAsa-sahassaTThiIesu Neraiesa NeraiyattAe uvavaNNA / teNaM kAleNaM teNaM samaeNaM samaNe bhagavaM mahAvIre samosarie khaa| parisA paDigayA / parisA NiggayA dhamma goyamA ! tti samaNe bhagavaM mahAvIre evaM vayAsI evaM khalu goyamA ! iheva rAyagihe Nayare mama aMtevAsI mahAsayae NAmaM samaNovAsae posaha - sAlAe apacchima - mAraNaMtiya- saMlehaNAe jhUsiya- sarIre, bhattapANa -paDiyAikkhie kAlaM aNavakaMkhamANe viharai / ta NaM tassa mahAsayagassa revaI gAhAvaiNI mattA luliyA, viiNNakesI uttarijjayaM vikaDDhamANI-vikaDDhamANI jeNeva posahasAlA, jeNeva mahAsayae, teNeva uvAgayA, evaM uccAreyavvaM jAva uvavajjihisi / No khalu kappai, goyamA ! samaNovAsagassa apacchima mAraNaMtiya- saMlehaNA- jhUsaNAjhUsiya- sarIrassa, bhatta- pANapaDiyAikkhiyassa paro saMtehiM, taccehiM, tahiehiM, sabbhUehiM, aNiTThehiM, akaMtehiM, appiehiM, amaNuNNehiM, amaNAmehiM vAgaraNehiM vAgarittae / taM gacchaha NaM devANuppiyA ! tumaM mahAsayayaM samaNovAsayaM evaM vayAhi- No khalu devANuppiyA! kappai samaNovAsagassa apacchima mAraNaMtiya- saMlehaNA - jhUsaNA-jhUsiyassa, bhatta-pANapaDiyAikkhiyassa paro saMtehiM taccehi, tahiehiM, sabbhUehiM, aNiTThehiM, akaMtehiM, appiehiM, amaNuNNehiM, amaNAmehiM vAgaraNehiM vAgarittae / tume ya NaM devANuppiyA ! revaI gAhAvaiNI saMhiM jAva aNihiM jAva vAgaraNehiM vAgariyA / taM NaM tumaM eyassa ThANassa Aloehi jAva ahArihaM ca pAyacchittaM paDivajjAhi / 41
Page #47
--------------------------------------------------------------------------
________________ upAsakadasAMga sUtra tae NaM se bhagavaM goyame samaNassa bhagavao mahAvIrassa tahatti eyamaE viNaeNaM paDisaNei, paDisuNettA tao paDiNikkhamai, paDiNikkhamittA rAyagihaM NayaraM majjhaM-majjheNaM aNuppavisai, aNuppavisittA jeNeva mahAsayagassa samaNovAsayassa gihe, jeNeva mahAsayae samaNovAsae, teNeva uvAgacchai / tae NaM se mahAsayae samaNovAsae bhagavaM goyama ejjamANaM pAsai, pAsittA haTTa jAva hiyae bhagavaM goyamaM vaMdai NamaMsai / tae NaM se bhagavaM goyame mahAsayayaM samaNovAsayaM evaM vayAsI- evaM kha guppiyA! samaNe bhagavaM mahAvIre evamAikkhai bhAsai paNNavei parUvei, No khala kappai devANuppiyA! samaNovAsagassa apacchima jAva mAraNaMtiya-saMlehaNA-jhUsaNA-jhUsiyassa bhatta-pANapaDiyAikkhiyassa paro saMtehiM, taccehi, tahiehiM, sabbhUehiM, aNiTehiM, akaMtehiM, appiehiM, amaNuNNehiM, amaNAmehiM vAgaraNehiM vAgarittae | tume NaM devANuppiyA! revaI gAhAvaiNI saMtehiM jAva vAgariyA, taM gaM tumaM devANuppiyA ! eyassa ThANassa Aloehi jAva paDivajjAhi / tae NaM se mahAsayae samaNovAsae bhagavao goyamassa tahatti eyamaTuM viNaeNaM paDisaNei, paDisuNettA tassa ThANassa Aloei jAva ahArihaM ca pAyacchittaM paDivajjai / tae NaM bhagavaM goyame mahAsayagassa samaNovAsayassa aMtiyAo paDiNikkhamai, paDiNikkhamittA rAyagihaM NayaraM majjhaM-majjheNaM NiggacchaDa, NiggacchittA jeNeva samaNe bhagavaM mahAvIre, teNeva uvAgacchai uvAgacchittA samaNaM bhagavaM mahAvIraM vaMdai NamaMsai, vaMdittA NamaMsittA saMjameNaM tavasA appANaM bhAvemANe viharai / tae NaM samaNe bhagavaM mahAvIre aNNayA kayAi rAyagihAo NayarAo paDiNikkhamai, paDiNikkhamittA bahiyA jaNavaya vihAraM viharai / tae NaM se mahAsayae samaNovAsae bahUhi~ sIla jAva bhAvettA vIsaM vAsAiM samaNovAsagapariyAyaM pAuNittA, ekkArasa uvAsagapaDimAo samma kAraNa phAsittA mAsiyAe saMlehaNAe appANaM jhusittA, saddhiM bhattAI aNasaNAe chedettA, Aloiya- paDikkate samAhipatte kAlaMmAse kAlaM kiccA sohamme kappe aruNavaDisae vimANe devattAe uvavaNNe | cattAri paliovamAiM ThiI / mahAvidehe vAse sijjhihii / Nikkhevo jahA paDhamassa | || aTThamaM ajjhayaNaM samatta ||
Page #48
--------------------------------------------------------------------------
________________ [M] [] upAsakadasAMga sUtra Tong Navamassa ukkhevo / evaM khalu jaMbU ! teNaM kAleNaM teNaM samaeNaM sAvatthI nyrii| koTThae ceie| jiyasattU rAyA / tattha NaM sAvatthIe NayarIe NaMdiNIpiyA NAmaM gAhAvaI parivasai / aDDhe jAva bahujaNassa aparibhU | cattAri hiraNNakoDIo NihANapauttAo, cattAri hiraNNakoDio vuDDhapauttAo, cattAri hiraNNakoDio pavittharapauttAo, cattAri vayA, dasa gosAhassieNaM vaNaM / assiNI bhAriyA / sAmI samosaDhe / jahA ANaMdo taheva gihidhammaM paDivajjai / sAmI bahiyA viharai | tae NaM se NaMdiNIpiyA samaNovAsae jAva viharai / tae NaM tassa NaMdiNIpiyassa samaNovAsayassa bahUhiM sIlavvayaguNa jAva bhAvemANassa coddasa saMvaccharAiM vaikkaMtAiM / taheva jeTTaM puttaM Thavei / dhammapaNNattiM / vIsaM vAsAiM pariyAgaM / NANattaM- aruNagave vimANe uvavAo mahAvidehe vAse sijjhihi / Nikkhevao jahA paDhamassa / [] navamaM ajjhayaNaM NaMdiNIpiyA // NavamaM ajjhayaNaM samatta // dasamaM ajjhayaNaM sAlihIpiyA dasamassa ukkhevo / evaM khalu jabUM ! teNaM kAleNaM teNaM samaeNaM sAvatthI NayarI / koTThae ceie / jiyasattU rAyA / tattha NaM sAvatthie NayarIe sAlihIpiyA NAmaM gAhAvaI parivasai, aDDhe ditte jAva aparibhU I cattAri hiraNNakoDio NihANapauttAo, cattAri hiraNNakoDio vuDDhapauttAo, cattAri hiraNNakoDio pavittharapauttAo, cattAri vayA, dasa-gosAhassieNaM vaeNaM / phagguNI bhAriyA / 43
Page #49
--------------------------------------------------------------------------
________________ upAsakadasAMga sUtra sAmI samosaDhe | jahA ANaMdo taheva gihidhamma paDivajjai / jahA kAmadevo tahA jeheM puttaM ThavettA posahasAlAe samaNassa bhagavao mahAvIrassa dhammapaNNattiM uvasaMpajjittANaM viharai | NavaraM NiruvasaggAo / ekkArasa vi uvAsagapaDimAo taheva bhANiyavvAo / evaM kAmadeva gameNaM NeyavvaM jAva sohamme kappe aruNakIle vimANe devattAe uvavaNNe / cattAri paliovamAI ThiI | mahAvidehe vAse sijjhihii / evaM khalu jaMbU ! samaNeNaM jAva saMpatteNaM sattamassa aMgassa uvAsagadasANaM dasamassa ajjhayaNassa ayamadve paNNatte || || dasamaM ajjhayaNaM samatta || 3 pariseso 1 uvAsagadasANaM sattamassa aMgassa ego suyakhaMdho / dasa ajjhayaNA ekkasaragA, dasasu ceva divasesu uddissaMti / tao suyakhaMdho samuddissai, aNuNNavijjai, dosu divasesu aMgaM thev| // uvAsagadasAMga suttaM samattaM || 44
Page #50
--------------------------------------------------------------------------
________________ Published By: GLOBAL JAIN AAGAM MISSION Pawandham, Mahavir Nagar, Kandivali (W), Mumbai - 400 067