________________
संवेगरंगसाला
रत्नाकरस्य व्रतपालनवर्णनम् ।
॥७६५॥
अइसंतकंतसुंदर-सरूवजिणबिंबसोभमाणाई। काराविही विहीए, पउराई जिणि'दभवणाई
॥९९९१॥ अइदुक्करतवचरणोवउत्त-मुणिपज्जुवासणानिरओ। साहम्मियजणवच्छल्ल-संगओ उवसमपहाणो
॥९९९२॥ लोगविरुद्धच्चाई, जत्तेणं विजियइंदियग्गामो। सम्ममणुव्वयगुणवय-सिकखावयपालणपहाणो ॥९९९३॥ उवसंतवेसधारी, पडिमाऽणुट्ठाणविहियपरिकम्मो । गमिऊण केत्तियं पि हु, कालं निरवजवित्तीए ॥९९९४॥ स महप्पा रायसिरिं, नयरिं धणकणगरयणसंभारं । अम्मापियरो दढनेह-निन्भरं बंधवजणं च ॥९९९५॥ मोत्तूण तणं व पडऽग्गलग्ग-मुवसमदमप्पहाणस्स । चोद्दसपुवमहासुय-रयणनिहाणस्स मूरिस्स ॥९९९६॥ धम्मजसनामधेयस्स, अंतिए तियसनिवहकयमहिमो। घणकम्मसेलवज, पव्वज गिव्हिही सम्म ॥९९९७॥ तो चिरकालं सुत्तत्थ-वित्थरुद्दामविलसिरतरंगं । अइसयरयणाऽऽइन्न', अवगाहे तो समयसिधु ॥९९९८॥ छट्ठट्ठमाऽऽइदुक्कर-विगिट्ठतवचरणभावणाहिं दद। दुहओ वि हु अप्पाणं, पइदियहं संलिहंतो य ॥९९९९।। कायरचित्तचमक्कार-कारिवीरासणाऽऽइठाणेहि । संलीणत्तं परमं, पइकखणं अब्भसंतो य
॥१००००|| संसारभीरुभव्वे, धम्मुवएसप्पयाणरज्जूए । मिच्छत्तकूवयाओ, समुद्धरंतो य करुणाए
॥१०००१॥ सूरो व्व दित्ततेओ, ससि व्व सोमो धर व्व सव्वसहो। सीहो व्व दुप्पधरिसो, एगागी खग्गसिंग व ॥१०००२॥ वाउ ब अपडिबद्धो, संखो व्व निरंजणो गिरि व्व थिरो। भारुडो व्वपमत्तो, गंभीरो खीरजलहि व्व॥१०००३।। इय लोगुत्तरगुणगण-विराइओ विहरिऊण धरणीए । पजते सविसेसं, काही संलेहणविहाणं ॥१०००४॥
॥७६५॥
