________________
संवेगरंगसाला
धनसारपुत्रस्य सुवर्णकलशादीनां गगनमार्गेण पलायनम् ।
||५३६॥
एवं च जावजीवं, विहडइ मेत्ती न वजजडिय ब्व । पडिवन्नमिमं दोहि वि, जुत्तं ति विमुक्तकुवियप्पं ॥६९५५।। अह धणमित्तस्स सुओ, जाओ धणसारसेट्ठिणो धूया । अण्णोष्णं ताण कयं, बालाण वि तेहिं दिजति ॥६९५६।। नियनगरीए य गओ, धणसारो साहिऊण नियकों। इयरो य संपउत्तो, वट्टिउमऽभिरुइयकिच्चेसु ॥६९५७॥ एगम्मि य पत्थावे, सरयऽभचलत्तणेण जीयस्स । सो पत्तो पंचतं, तस्स पयम्मि य ठिओ पुत्तो ॥६९५८।। सो एगया निसनो, मजणपीढम्मि ण्हाणकरणत्थं । तइया चउसु दिसासु, चउरो कलहोयवरकलसा ॥६९५९॥ तत्तो दुव्वर्णमया, तंबमया तयणु मिउमया तत्तो। तेहिं च कीरमाणे, ण्हाणे महया पबंधेण ॥६९६०।। इस्सरियतस्स सुरेंद-चावचवलत्तणेण कणयमओ। पुव्वदिसाए कलसो, नट्ठो गयणेण खयरो व्य ॥६९६१।। एवं चिय सव्वे वि हु, नट्ठा तो उडियस्स हाणाओ। नटुं मजणपीढं पि, विविहमणिकणयचिचइयं ॥६९६२॥ तो जायगाढसोगो, सो तब्विहवइयरं पलोइत्ता । गेयट्ठमुवट्ठियनाड-इजपुरिसे विसज्जेइ
॥६९६३॥ जाओ भोयणसमओ, भिच्चेहि रसवई उवट्ठविया । कयदेवऽचणकिच्चो, भोयणकरणथमाऽऽसीणो ॥६९६४॥ विहियं पुरिसेहि पुरो, तस्सिंदुसमुज्जलं स्ययथालं। अच्चतजच्चकंचण-कच्चोलयरुप्पसिप्पिजुयं । ॥६९६५।। भुजंतस्स य एकेक-भायणं नासि समारद्ध । ता जाव मूलथालं पि, पत्थियं नासणकएण ॥६९६६॥ तो तेण विम्हिएणं, गहियं हत्थेण तं पणस्संतं । गहियं च जेत्तियं मोत्तुं, तत्ति सेसयं नहूँ ॥६९६७॥ तो सिरिहरं पलोयइ, तं पि हु पेहेइ विगयसव्वधणं । नट्ठाई निहाणाई, वढिपउत्तं पिनो लहइ ॥६९६८॥
॥५३६॥
