________________
संवेगरंगसाला
| निर्यामकद्वार
समाप्तिः दर्शनद्वारप्रारम्भश्च ।
॥४१८॥
असमाहिणा व कालं. करेज्ज वच्चेज्ज दुग्गईए वि । तेण जहण्णेण वि होति, दुन्नि खवगस्स निज्जवया॥५३९५॥ किंचसंलेहगं सुणेत्ता, जुत्ताऽऽयारेहि निज्जविजंतं । सव्वेहि वि गंतव्वं, जईहिं इयरत्थ भयणिज्ज ॥५३९६॥ संलेहगस्स मूलं, जो वच्चइ तिव्वभत्तिराएण । भोत्तूण दिव्वसोखं, सो पावइ उत्तमं ठाणं ॥५३९७॥ एकम्मि वि भवगहणे, समाहिमरणेण जो मओ जीवो। न हु सो हिंडइ बहुसो, सत्तट्ठभवे पमोत्तूणं ॥५३९८॥ सोऊण उत्तमऽदुस्स, साहगं तिव्वभत्तिसंजुत्तो। जइ नो वच्चइ का उत्त-मट्ठमरणम्मि से भत्ती ॥५३९९॥ जस्सुत्तमट्ठमरणम्मि, नेव भत्ती वि विज्जए तस्स । कह उत्तमट्टमरणं, संपज्जइ मरणकालम्मि ॥५४००॥ न य खमगस समीवे, अल्लियणमसंवुडाण दायव्यं । तेसि असंवुडगिराहि, होज खवगस्स असमाही ॥५४०१॥ तेल्लकसायाऽऽईहि, बहुसो गंडूसया य दायव्वा । इइ जिब्भाकन्नवलं, जायइ वयणं च से विसयं ॥५४०२॥ इय धम्मवएसमणोहराए, संवेगरंगसालाए । संविग्गमणोमहुयर-कुसुमियवणराइतुल्लाए
॥५४०३॥ आराहणाए पडिदार-नवगमइए ममत्तवोच्छेए । तइए दारे तुरियं, भणियं निजवगपडिदारं ॥५४०४॥ एवं सामग्गीसंभवम्मि, आहारचायकामस्स । खवगस्स सव्ववत्थूसु, सम्मं नाउ' निरीहतं
॥५४०५॥ दायव्वमऽणसणं तं च, नजए भोयणाऽऽइदंसणओ। ता तहसणदारं, एत्तो लेसेण साहेमि
॥५४०६॥ १ विशदम् = निर्मलम् ।
॥४१८॥
