________________
संवेग
रंगसाला:
परीक्षाद्वारस्वरूपम् ।
॥३६८॥
आराहणाए पडिदार-दसगमइयम्मि बीयदारम्मि । गणसंकमणे भणियं, छ?' उवसंपयादार ॥४७२६॥ उवसंपन्नो वि मुणी, अन्नोन्नपरिच्छणाए विरहम्मि । न लभइ समाहिमणहं, परिच्छदार अओ भणिमो ॥४७२७॥ अह जो अणसणकामो, साहू सूरी व पुव्वनिद्दिट्ठो। तग्गणनाहो मुणिणो य, निहुयबुद्धीए पढमं पि ॥४७२८॥ तेणं परिकिखयव्या, किमिमे भावियमणा व इयरे वा । तग्गणगयसाहहि वि, परिकिखयव्यो इमो बहुहा ॥४७२९।। तप्पहुणा वि न केवल-मऽणसणकामी परिकिरखयव्यो हु। किंतु नियगा वि मुणिणो, तदऽत्थनिव्वाहिणो व न वा ॥४७३०॥ आगंतुगेण तत्थ उ, विभावणिज्जो गणाहिवो ताव । जइ हरिसवियसियऽच्छो, सागयमिच्चाइ जंपतो ॥४७३१।। अब्भुटेज सयं चिय, इतं दट्ठण अहव नियमुणिणो। पेसेज्जुचियं काउ', ता सो पत्थुयविहि विहाया ॥४७३२॥ कसिणमुहच्छाओ सुन्न-चकूखुकुखेवो य विस्सरगिरो य । एवंविहो य नेओ, इयरो पत्थुयपवित्तीए ॥४७३३।। मुणिणो वि हु भणियव्वा, भिकूखाकाले अहो ! मह निमित्तं । कलमोयणं सखीर, तुब्भेहि आणियब्वं ति ॥४७३४॥ जइ ते एवं वुत्ता, हसंति अन्नोन्नमऽहवमुल्लुंठं । जति ता अभाविय-मइणो त्ति विभावणिज्जा ते ॥४७३५।। अह ते सहरिसमेवं, वयंति तुमए अणुग्गिहीयम्ह । एवं चिय काहामो, सइ लामे सव्वजत्तेण ॥४७३६॥ आगंतुगेण एवं, वत्थव्वपरिकखणा उ कायव्वा । आगंतुगं पि वत्थव्व-साहुणो इय परिकखन्ति ॥४७३७।। कलमोयणाऽऽइउत्तम-आहारमऽमग्गिया वि उवणिति । आगंतुगस्स जइ सो, सविम्हयं एवमुल्लवइ ॥४७३८॥ अहह चिरधरणिभमणे वि, एरिसा पवरगंधबंधुरया। सरसत्तगं पि नेवो-यणस्स दिट्ठ कहि पि मए ॥४७३९॥
॥३६८॥
