________________
संवेगरंगसाला
प्रवर्तिन्यास्तथा आर्याणामनुशास्तिः ।
॥३४९॥
मा ताओ चेव तुम, धारेज्जसु किंतु तदियराओ वि। संजमभरवहणगुणेण, जेण सब्बाउ तुल्लाओ ॥४४८७।। अवि नाम जलहिवेला, ताओ धरि कयाइ उज्झइ वि । निच्चं पि तुम तु धरेज, चेव एयाओ धन्नाओ ॥४४८८।। अन्नच दुत्थियाणं, दीणाणमणकखराण विगलाणं । ऊणहिययाण निबंध-बाण तह लद्धिरहियाणं ॥४४८९।। पयइनिराऽऽदेयाणं, विनाणविवजियाण अमुहाणं । असहायाण जरापरि-गयाण निब्बुद्धियाणं च ॥४४९०॥ भग्गविलुग्गगीण वि, विसमाऽवत्थगय'ख'ढरखरडाणं । इयरूवाण वि संजम-गुणेकरसियाण समणीणं ॥४४९१।। गुरुणी व अंगपडिचारिग ब्य, धावी व पियवयंसी व । होज्ज भगिणी व जणणी व, अहव पिइमाइभाया व ॥४४९२।। तह दढफलियमहादुम-साह व तुम पि उचियगुणसहला। समणीजणसउणिसाहा-रणाददं होज्ज कि बहुणा ॥४४९३।। एवमऽणुसासिउणं, पवत्तिणि अजियाउ अणुसासे । जह एसो तुम्ह गुरू, बंधू व पिया व माया व ॥४४९४॥ एए वि महामुणिणो, सहोयरा जेट्ठभायरो व सया। तुम्हं देवाणुपियाण, परमवच्छल्लतल्लिच्छा ॥४४९५॥ ता गुरुणो मुणिणो वि य, मणसा वयसा तहेव कारणं । न य पडिकूलेयव्वा, अवि य सुबहुमन्नियव्वा उ॥४४९६।। एवं पवित्तिणी वि हु, अखलियतव्वयणकरणओ चेव । सम्ममऽणुवत्तणिजा, न कोवणिजा मणाग पि॥४४९७।। कुविया वि कवि तुम्हं, सदोसपडिवत्तिपुव्वमऽणुवेलं । खामेयव्वा एसा, मिगावईए व्व नियगुरुणी ॥४४९८॥ एसा सिवपुरममणे, सुपसत्था सत्थवाहिणी जं भे। एसा पमायपरचक्क-पेल्लणे पहु (डु) यपडिसेणा ॥४४९९॥
१ खंद : कुब्ज ( अनुमानात् ) खरडाण = हीनजातीनाम् ।
सं.२.३०
॥३४९॥
