________________
मेयं देवाप्पिया ! पडिच्छियमेयं देवाणुप्पिया ! इच्छिय - पडिच्छियमेयं देवाणुप्पिया ! सच्चे णं एसमट्ठे से जहेयं तुब्भे वयह त्ति कट्टु ते सुमिणे सम्मं पडिच्छइ, पडिच्छित्ता ते सुविण - लक्खण - पाढए विउलेणं असणेणं पुप्फ-वत्थ-गंध-मल्लालंकारेणं सक्कारेइ सम्माणेइ, सक्कारित्ता सम्माणित्ता विउलं जीवियारिहं पीइदाणं दलइ, दलइत्ता पडिविसज्जेइ ॥ सृ. ८२ ॥ तए णं से सिद्धत्थे खत्तिए सीहासणाओ अब्भुट्टेइ, अब्भुट्ठित्ता जेणेव तिसला खत्तियाणी जवणियंतरिया तेणेव उवागच्छइ, उवागच्छित्ता तिसलं खत्तियाणिं एवं वयासी ॥ सू. ८३ ॥ एवं खलु देवाणुप्पिए ! सुविणसत्यंसि बयालीस सुमिणा तीसं महासुमिणा जाव एगं महासुमिणं पासित्ता णं पडिबुज्झति ॥सू. ८४ ॥ इमे अणं मे देवाणुप्पिए ! चउद्दस महासुमिणा दिट्ठा, तं उराला गं तुमे जाव जिणे वा तेलुक्कनायगे धम्मवर - चाउरंत - चक्कवट्टी ॥ सू. ८५ ॥ तए णं सा तिसला खत्तियाणी एयम सोच्चा निसम्म हट्टतुट्ट जाव हयहियया करयल जाव ते सुमिणे सम्मं पडिच्छइ ॥सू. ८६॥ | पडिच्छित्ता सिद्धत्थेणं रण्णा अब्भणुन्नाया समाणी नाणा - मणिरयण - भत्तिचित्ताओ भद्दासणाओ
