________________
अज्ज-तावसाओ अज्ज-तावसी साहा निग्गया ४ इति ॥ सू. ६ ॥ वित्थर - वायणा पुण अज्ज - जसभद्दाओ पुरओ थेरावली एवं पलोइज्जइ, तं जहा - थेरस्स णं अज्ज - जसभद्दस्स तुंगियायण - सगुत्तस्स इमे दो थेरा अंतेवासी अहावच्चा अभिण्णाया हुत्था, तं जहा-थेरे अजभबाहू पाईण-सगुत्ते, थेरे अज्ज - संभूअ - विजए माढर-सगुत्ते, थेरस्स णं अज्ज - भद्दबाहु|स्स पाईण- सगुत्तस्स इमे चत्तारि थेरा अंतेवासी अहावच्चा अभिष्णाया हुत्था, तंजहा-थेरे गोदासे १ थेरे अग्गिदत्ते २ थेरे जण्णदत्ते ३ थेरे सोमदत्ते ४ कासवगत्ते णं । थेरेहिंतो गोदासेहिंतो कासव - गुत्तेहिंतो इत्थ णं गोदास-गणे नामं गणे निग्गए, तस्स णं इमाओ चत्तारि साहाओ एवमाहिज्जंति, तं जहा - तामलित्तिया १ कोडिवरिसिया २ पोंडवगुणिया ३ दासीखब्बडिया ४ | थेरस्स णं अज्ज-संभूअविजयस्स माढर - सगुत्तस्स इमे दुवालस थेरा अंतेवासी अहावच्चा अभिष्णाया हुत्था, तं जहा - नंदणभददु १ वनंदणभद्दे २ तह तीसभद्द ३ जसभद्दे ४ | थेरे य सुमणभद्दे ५ मणिभद्दे ६ पुण्णभद्दे ७ य ॥ १ ॥ थेरे अ थूलभद्दे ८
