________________
सुंदरी - पामुक्खाणं अज्जियाणं तिण्णि सयसाहस्सीओ उक्कोसिया अज्जियासंपया हुत्था ॥ सू. २१५॥ उसभस्स णं अरहओ कोसलिअस्स सिज्जंस - पामुक्खाणं समणोवासगाणं तिण्णि सयसाहस्सीओ पंचसहस्सा उक्कोसिया समणोवासगाणं संपया हुत्था ॥ सू. २१६ ॥ उसभस्स णं अरहओ कोसलिअस्स सुभद्दा - पामुक्खाणं समणोवासियाणं पंचसयसाहस्सीओ चउपण्णं च सहस्सा उक्कोसिया समणोवासियाणं संपया हुत्था ॥सू. २१७ ॥ उसभस्स णं अरहओ को - लिअस्स चत्तारि सहस्सा सत्त सया पण्णासा चउद्दसपुव्वीणं अजिणाणं जिणसंकासाणं जाव उकोसिया चउद्दसपुव्विसंपया हुत्था ॥ सू. २१८ ॥ उसभस्स णं अरहओ कोसलिअस्स नव सहस्सा ओहिनाणीणं ० उक्कोसिया ओहिनाणिसंपया हुत्था ॥ सू. २१९ ॥ उसभस्स णं अरहओ कोसलिअस्स वीस सहस्सा केवलनाणीणं उक्कोसिया केवलनाणि-संपया हुत्था ॥ सू. २२० ॥ उसभस्स णं अरहओ कोसलिअस्स वीस सहस्सा छच्च सया वेउव्वियाणं उक्कोसिया वेउव्विसंपया हुत्था ॥ सू. २२१ ॥ उसभस्स णं अरहओ कोसलिअस्स बारस सहस्सा छच्च सया पण्णासा विउलम
O
