________________
आसी पुण सोमदत्तवणियस्स । तस्स य संसग्गीए सो जाओ सावओ सम्मं ॥ ३० ॥ यतः
प्रीतिः पुण्यवता साकं श्रीमता च विधीयते । एकतः सुकृतप्राप्तिरन्यतः स्युः समृद्धयः ॥ १ ॥
गुणसुंदरिनियकन्नं परिणावर अजिअसेणकुमरेण । जिणदत्तो तत्रयणा हरिसियहियओ तओ समहं ॥ ३१ ॥ अह रयणायरसिद्धी जिणधम्माराहणेण कालगओ । पत्तो पढमे कप्पे तओ चुओ निधुई गमिही ॥ ३२ ॥ अह अजिअसेणकुमरो जाओ नियगेहसामिओ सिरिमं । गुणसुंदरीइ सहिओ भुंजइ भोए विगयसंको ॥ ३३ ॥ अविर - तमाणसाणं विसयपसत्ताण कइवयदिणेसु । तेसिं गएसु पावोदएण दारिद्दमोइन्नं ॥ ३४ ॥ मेहेण व कमलवणं दिव| सेण व तारयाण पंतीओ। गिहिकिरियाओ तत्तो जाया विच्छायरूवाओ ||३५|| अह अन्नया पियाए भणिओ सिट्ठी सयं अजिअसेणो । गेहंमि कंमवसओ दारिद्दं अप्पणो जायं ॥ ३६ ॥ भोअणभित्तस्स कए कइया गेहंमि वट्टए चिंता । दारिद्देणं दलिओ गिहधम्मो दूरओ नट्ठो ॥ ३७ ॥ सयणावि सयणकज्जे नियगेहं परिहरंति पचेसु । गंतूण ससुरभवणं ता मग्गह एडगं एगं ॥ ३८ ॥ ऊरब्भरूत्र एसो चंदुज्वलमिसिणरोमसंपन्नो । पुण्णोदएण लब्भइ दारि| दविणासणो पाणी ॥ ३९ ॥ रोमेहिं तस्स कंबलरयणं छम्मासम्भंतरे होइ । दीणारसय सहस्सं जस्स य मुलं पुणो लभइ ॥ ४० ॥ सो पुण सरीरसंगेण जीवइ मणुआण पवणसंतुट्ठो । दूरे नियदेहाओ नो मुत्तवो तओ तुमए ॥ ४१ ॥ तं देहेण वहतं दद्दण य चउपयं विहिअसूगो । मग्गंमि नाह ! तुमयं उवहासपरो जणो होही ॥ ४२ ॥ तह वि
