________________
साए सवतुडियसद्दसन्निनाएणं महया इड्डीए महया जुइए महया बलेणं महया वाहणेणं | महया समुद एणं महया वरतुडियजमगसमगप्पवाइएणं संखपणवपडह भेरिझल्लरिखरमुहिहुडुक्कदुंदुहिनिग्घोसनाइयरवेणं कुंडपुरं नगरं मज्झंमज्झेणं निग्गच्छइ, निग्गच्छित्ता जेणेव नायसंडवणे उज्जाणे जेणेव असोगवरपायवे तेणेव उवागच्छइ ॥ ११३ ॥ उवागच्छित्ता असोगवरपायवस्स अहे सीयं ठावेइ, ठावित्ता सीयाओ पच्चोरुहइ, पच्चरुहित्ता सयमेव आभरणमल्लालंकारं ओमुअइ, ओमुइत्ता सयमेव पंचमुट्ठियं लोअं करेइ, करित्ता छट्टेणं भत्तेणं अपाणएणं हत्थुत्तराहिं नक्खत्तेणं जोगमुवागएणं एगं देवदुसमादाय एगे अबीए मुंडे भवित्ता अगाराओ अणगारिअं पवइए ॥ ११४ ॥ समणे भगवं महावीरे संवच्छरं साहियं मासं जाव चीवरधारी होत्था, तेण परं अचेलए पाणिपडिग्गहिए । समणे भगवं महावीरे साइरेगाई दुवालस वासाईं निच्चं वोसट्टकाए चियत्तदेहे जे केइ
66
