________________
Jain Education
मिय जहोच्चिट्ठाणे उवविट्ठो, भगवयावि पारद्धा देखणा - अणोरपारे संसारे, भमंतोवि जणो सया । पावाओ दुक्खरिछोलिं, लहंते धम्मओ सुहं ॥ १ ॥ इच्चाइधम्मदेसणावसाणे जोडियकरसंपुडा आरामसोहा गुरुं विन्नवेइ - भयवं ! जं जहा तुम्हेहिं आइटुं तं तहेव परं मए पुव्वभवे किं कयं ? तं संपयं पसीय आइसह । तओ सूरीवि सजलजलहर गंभीरसरेण वागरिउमादत्तो - इहेव जंबूद्दीवे दीवे भारहे वासे चंपाए नयरीए सयललोयप्पसिद्धो धणउव्व समिद्धो कुलधरो नामा सिट्ठी हुत्था, तस्स कुलाणंदा नाम भारिया, तीए समं बिसयमुहमणुहवमाणस्स कमेण रूवलडहलायण्णपुण्णाओ सत्त धूयाओ जायाओ । तासि कमेण नामाणि - कमलसिरी, कमलवई, कमला, लच्छी, सिरी, जसएवी, पियकारिणी, य, ताओ धणवंतकुलेसु परिणीयाओ भोगे भुअमाणीओ सुहं सुहेण विहरति । अह दिवसा अट्ठमिया वि कन्नया जाया, तम्मि समए मायापियरो अईव दुक्खिया, तीसे नामंपि न कुणंति, सावि अणायरेण वड़ंती जुव्वणमणुपत्ता, निब्भग्गत्ति लोए तीए नामं पयडं जायं, तं पिक्खंताणं अम्मापिऊणं अईव उब्वेओ होइ, अन्नदिणे परियणेण सिट्ठी भणिओ - तुममेयं (बुड़) कुमारिमपरिणाविंतो लोए गरुयमववायं पामिहिसि, एवं भणिओवि मणे खेयमुव्वहंतो दुहेण सिट्ठी चिट्ठइ । एगया सचिंतस्स सिट्टिणो हमि उवविट्ठस्स मलमइलगत्तो दीहमग्गुलंघणपरिस्संतो एगो पहिओ दिट्ठीगोयरं गओ, तओ सिट्टिणा पुट्ठो कओ तं समागओ ?, कोसि तुमं ? काय ते जाई ?, किंनामासि ?, किमत्थमत्थागओऽसि ?, तओ तेण संलत्तं - अहं सागरतीरमंडणाओ चउडदेसाओ
For Private & Personal Use Only
jainelibrary.org
