________________
ND
A
पलोइउ लहंति, किं पुण तत्थ गमणंति भणिओ भट्टो गओ सगिहं, भारियाए निवेइयं सयलं पि तेण सरूवं । तओ सा पावा वजाहयत्व चिंतिउं लग्गा, हंत ! मह उच्छूपुष्पं व जाओ निष्फलो उवक्कमो, ता नृणं न मणहरो महुरो, तओ कइवयदिणपजंते पुणोवि हालाहलमीसियाणं फीणियाणं करंडयं दाऊण तहेव तीए विसजिओ निय-1 दइओ, पुच्चजुत्तीए चेव तेणेव सुरेण हालाहलमवहरियं, तहेवतीसे पसंसा जाया, पुणो वि तइयवेलं कयपचयतालउडभावियमडियाहिं पडिपुण्णं करंडयं दाऊण बंभणो भणिओ तीए-बच्छा संपयमावन्नसत्ता सह चेव आणेयचा, जहा इत्थ पढमो पसवो होइ, जइ राया कहमपि न पेसेइ, तओ तए बंभणत्तं दंसणीयंति, तवयणमंगीकाऊण भट्टो मग्गे गच्छंतो सुत्तो वडपायवस्स हिट्ठा, देवेण वि पुबंव अवहडो तालउडो, तओ पुवजुत्तीए पुत्तीए पाहुडं दाऊण राया तेण विन्नत्तो-पुत्तिं मम घरे पेसह, तओ तब्बयणं मणयंपि राया जाव न मन्नइ, ताव सो जमजीहसहोयरिं छुरि उदयरोवरि धरिय वाहरइ-जइ पुत्तिं न पेसिस्सह, ता अप्पघायं करिस्सामि, तओ राया तन्निच्छयं मुणिऊण महया परिवारेण परियरियं मंतिणा सहारामसोहं पेसेइ । तओ अमुणियतप्पुण्णपगरिसा आरामसोहमागच्छंतिं सुणिय सवत्तिमाया सहरिसा नियमंदिरपिट्ठदेसे महंतयं कूवयं खणाविऊण किंपि पवंचं मणेरै भाविऊण तम्मज्झगयभूमिहरए नियधूयं ठवेइ । अह समागया आरामसोहा सपरियणा, सवत्तिमाया वि तीए पुरो नियमभिप्पाथमप्पयडती किंकरिव्व कजाई करिती चिट्ठइ । अह संजाए पसवसमये सुरकुमराणुकारं
CEBCAMERICRCISCCSCR-SC
MERI
Jain Education intamational
For Privale & Personal Use Only
N
www.jainelibrary.org
