________________
सिरिसंति- नाहचरिए
मंगलकलसकहाणयं
सगेहस्स समासन्ने कलऽभासं पकुव्बई । उवज्झायस्स पासम्मि दिट्ठो अम्हेहिं सामिय !' ॥२८२॥३९१॥ एवं सोउ कुमारेण सीहो आभासिओ लहुं । जहा 'केण उवाएण किणेयव्वा तुरंगमा ?' ॥२८३॥३९२॥ सीहो पयंपई 'तुब्भे पमाण, सेवया वयं । आएसं देह णिस्संकं जेणं संपाडिमो तयं ॥२८४॥३९३॥ कुमारो जंपई 'सीह ! एवमेयमसंसयं । अओ करेहि आएसं इमं एयत्थसाहयं ॥२८५॥३९४॥ गंतूणं तत्थुवज्झायं णिमंतेहि संचट्टयं । जेणाऽऽगयस्स से भावो एत्थ लक्खिज्जए सुहं' ॥२८६॥३९५॥ तत्तो सीहेण गंतूण उवज्झाओ निमंतिओ । सव्वच्छत्तसमग्गेण कुमारो मन्नियव्वओ ॥२८७॥३९६॥ 'एवं होउ' त्ति तेणाऽवि मन्निए आगओ इमो । 'सामग्गिं कारवेहि' त्ति सीहो कुमर पयंपई ॥२८८॥३९७॥ सव्वा वि जाव सामग्गी जाया तावाऽऽणिओ लहुं । उवज्झाओ, कओ तस्स गोरवो सव्वसोहणो ॥२८९॥३९८॥ दटुं मंगलकलसं तु रूवेण जियवम्म । न माइ नियदेहम्मि कुमारो लद्धवंछिओ ॥२९०॥३९९॥ तओ दिन्नाणि सव्वाणं आसणाणि जहक्कम । मोत्तूणं मंगलकलसे, कुमारो तो पयंपइ ॥२९१॥४००॥ 'देहि एयस्स छत्तस्स एवं मम वरासणं । थालं च मज्झ जे इटुं रत्तपजंतणिम्मियं ॥२९२॥४०१॥ आहारो वि विसेसेण दिण्णो तस्स मणोहरो । रायपुत्ताणुरूवाए पडिवत्तीएं भोइओ ॥२९३॥४०२॥ १. एवमेवम त्रु० ।। २. सछत्तयं पास०।। ३. लक्खियए पा० । लक्खिाइ का० ।। ४. निययदे त्रु० । ५. "ए वि भो त्रु० ।।
