________________
सिरिसंतिनाहचरिए
सुलससावगस्स अक्खाणयं
जे सतरसविहसंजम सीलंगऽहारसहसधुरधवला । उद्धरधारियखंधा, ते वंदसु मुणिवरे भद्द ! ॥१५६॥६३५॥ इय पंचमणज्यिा मुणिणो परमेट्ठिणो नमसंति । भावेण जे तेसिं पंचमयं मंगलं होइ ॥१५७॥६३६६॥ सिरिपंचमंगलमिमं भत्तिवसुल्लसियबहलरोमंचो । चित्तम्मि धरसु सुद्धो, तरसि इमं जेण भवजलहिं ॥१५८॥६३६७॥ एसो य मंगलाणं सव्वेसिं मंगलं हवइ पढमं । ता एवं धरसु मणे सिवपुरपहरहवरं परमं ॥१५९॥६३६८॥ चत्तारि मंगलं तुह हुंतऽरहता तहेव सिद्धा य । साहू य सव्वकालं धम्मो य तिलोयमंगल्लो ॥१६०॥६३६९॥ लोगुत्तमा वि एए भावेसु तुम विसेसओ भद्द ! । अरहंत सिद्ध साहू धम्मो य तिलोयमंगल्लो ॥१६१॥६३७०॥ एए चेव य सरणं पडिवजसु मरणदेसकालम्मि । संसारघोररक्खसभयभीओ निभयढाए ॥१६२॥६३७१॥ इयं चउविहसरणगओ मा हु भएजासि थोवमेत्तं पि । संसाररक्खसाओ अच्चंतघोररूवाओ ॥१६३॥६३७२॥ तव-नियम-संजमरहे पंचनमोक्कारसारहिनियुत्ते । नाण-चरणवसहजुत्ते आरुहिउं जाहि सिवनयरे ॥१६४॥६३७३॥ आलोएहि य सुपुरिस ! पुरओ सिद्धाण सव्वदुच्चरियं । उच्चारेहि सयं चिय महव्ययाई महाभाग ! ॥१६५॥६३७४॥ खामेहि सव्वजीवे संसारत्थे तहेव सिद्धे य । मेत्तीभावमुवगओ पयच्छ मिच्छुक्कडं सोम ! ॥१६६॥६३७५॥ पुढवि-जल-जलण-मारुय-वणस्सईसु गएण जे केवि । दुक्खाविया उ तुमए पयच्छ मिच्छुक्कडं तेसिं ॥१६७॥६३७६॥
७५९
१. दृश्यता चतुर्थ परिशिष्टम् ।। २. उड्डर पा० ।। ३. इह जे० ।। ४. नाणवरचरणजुत्ते आ जे० । नाणचरणतुरए आ° का० ।।
