________________
सिरिसंतिनाहचरिए
सीलवई पुव्वभववुत्तंतं
तत्तो संवेगगया भणंति सव्वे वि 'सामि ! जं तुमए । नाणेण समक्खाय, संजायं पायडं अम्ह ॥८५॥६१८५॥ जम्हा हु जाइसरणं उप्पन्न अम्ह चरियसवणाओ। ता संपइ निम्विन्न चित्तं संसारवासाउ ॥८६॥६१८६॥ किंतु गिहेसु गतुं सुत्थं सव् पि जाव चिंतेमो । ता तुम्ह पायमूले पव्वजं अब्भुवेहामो' ॥८७॥६१८७।। इय भणिउं सब्चे वि हु वंदित्ता जति निययगेहेसु । आवंति जणसमक्खं रजाइपएसु निययसुए ॥८८॥६१८८॥ एवं सुत्थं काउं नियनियगेहेसु रम्मसिबियासु । आरुहिउं संपत्ता पवरविभूईए गुरुमूले ॥८९॥६१८९॥ सेट्ठी वि तीए सहिओ घरिणीए भाविऊण तं चेव । वच्चइ सए गिहम्मि सेटुिपए कावए पुत्तं ॥९०॥६१९०॥ नामेण सिरिदत्तं तहेब सिबियाए आरुहेऊण । संपत्तो गुरुमूले तत्तो सूरी वि सव्वाणि ॥९१॥६१९१॥ दिक्खइ विहीए सम्म, अणुसटुिं देइ, धरइ नियपासे । सीलमई पि हु अप्पइ पवत्तिणीए सुजक्खाए ॥९२॥६१९२॥ एवं च पालिऊणं आजम्मं निक्कलंकसामन्नं । अणसणविहीए मरिउं गयाणि सव्वाणि सुरलोग ॥९३॥६१९३।। तत्तो य चइत्ताणं होहिंति कुलेसु धणसमिद्धेसु । भुंजिस्संति य भोगे, तत्तो लभ्रूण वरधम्म ॥९४॥६१९४॥ पुणरवि सुरलोगम्मि भोत्तुं सोक्खाई चित्तरूवाइं । पुणरवि सुमाणुसत्तं, पुणरवि जइधम्मपडिवत्ती ॥९५॥६१९५॥ उप्पाडियनाणाई कमेण एएण सिद्धिनयरीए । गंतुं सासयरूवं काहिंति अणोवमं रजं" ॥९६॥६१९६॥
७३०
१. सीलमई पि जे० का० ।।
