________________
सिरिसंतिनाहचरिए
सीलवई सीलस्स रक्खणं
तायम्मि विजमाणे ? अहिगारो एस तायपायाण' । जंपइ महायणं तो 'न दीसए अज्ज देवो' त्ति ॥१४५॥६०४५। 'जइ न वि दीसइ ताओ, तो विन्नत्ती करेह मंतिस्स' । तेहिं विभणियं 'सो विहु न दीसए' भणइ तो कुमरो॥१४६॥६०४६॥ 'करणम्मि तायमुद्दासमन्नियं तो बलाहियं भणह' । भणियं च तेहिं 'तं पि हु मन्नेमो ताण पासत्थं ॥१४७॥६०४७॥ ते तिन्नि वि केणाऽवि हु कजेणेगागिणो गया मन्ने । जम्हा हु परियणो वि हु न जाणए कोवि तव्वत्तं ॥१४८॥६०४८॥ ता कुमर ! न कायव्वं गवसणं ताण ताव मा कहवि । नाऊण कोवि सत्तू चिंतेज अमंगलं सहसा ॥१४९॥६०४९॥ ता तुडभे चिय एवं विन्नत्तिं अम्ह सामि ! साहेह' । इय भणिए कुमरो वि हु पेसइ नियए तहिं पुरिसे ॥१५०॥६०५०॥ ते वि तहिं गंतूणं मज्झं गेहस्स जा निवेति । ता पेच्छंति न किंचिवि तत्तो कुमरस्स साहेति ॥१५१॥६०५१॥ 'सामिय ! तत्थ गिहम्मि बारसहत्थो भमेइ अक्खलिओ । मोत्तूण महपमाणं एकं चिय तत्थ मंजूसं ॥१५२॥६०५२॥ अन्नं न किंचि दीसई' इय भणिए जाइ तत्थ तो कुमरो। जाव न किंचिवि पेच्छइ, ता पुच्छइ सेटुिणिं एवं ॥१५३॥६०५३॥ 'किं गेहे तुह किंचिवि न दीसए?' जंपए इमा 'कुमर! । तइय चिय सव्वं पि हु सझेरित्ता गओ सेट्ठी ॥१५४॥६०५४॥ मोत्तूण मज्झ जोग्ग भोयण-अच्छायणाइयं अन्न । उवियं न किंचि गेहे मोत्तूणेकं तु मंजूस ॥१५५॥६०५५॥ जा अचंतमहल्ला संझेरेउं न तीरए कहवि । एत्थ वि य तालयाई दाऊण सयं गओ सेट्ठी ॥१५६॥६०५६॥
७१६
१. "रूयंति जे० का० ।। २. तत्व कुमरो सो जे० ।। ३. तो नास्ति का० ।। ४. सेटुिणी जे० का० ।।
