________________
सिरिसंतिनाहचरिए
मंगलकलसकहाणयं
पुण्णकुंभं अणेगेहिं मंगलेहिं समन्नियं । पेच्छित्ता उडिया एसा भत्तारस्स णिवेयइ ॥४२॥१५१॥ तेणावि भाणिया 'भद्दे ! णंदणो ते भविस्सइ । सव्वलोयमणाणंदकारओ गुणसंजुओ' ॥४३॥१५२॥ जंपई सा 'इमं होउ गुरु-देवाण पसायओ' । पुण्णे पसूइकालम्मि सव्वलक्खणसंजुयं ॥४४॥१५३॥ पुत्तं पसबई एसा तेएणं तडिसन्निभं । तत्तो बद्धाविओ सेट्ठी दासचेडीए वेगओ ॥४५॥१५४॥ सोउ तयंतिए सो वि तीए दाउं मणिच्छिये । बद्धावणयं महार-मं पवत्तेइ दुयं दुयं ॥४६॥१५५॥ अवि यवजिरतूरसमाउललोय लोयसमागयकयसम्मोयं । मोयसमुद्धरणच्चिरवेसं वेससमुज्जलजणकयसोहं ॥४७॥१५६॥ सोहोहामियसुंदरराय रायपसायविमोइयबंदं । बंदाघोसियजय-जयसई सद्द-फास-रस-रूव-सुगंधं ॥४८॥१५७॥ गंधगुणड्ढविलेवणसार सारसमागयअक्खयवत्तं । बत्तसुमंगलसद्दापुण्णं पुण्णपवित्तसमाणियसंघं ॥४९॥१५८॥ ति । एवं वित्तम्मि पीईए वद्धावणमहूसवे । कायव्वाइं कुणताणं संपत्ते णामवासरे ॥५०॥१५९॥ सुमिणस्साऽणुसारेणं अम्मा-पीईहि से कयं । मंगलकलसो णाम सव्वलोयसमक्खयं ॥५१॥१६॥ कमसो बद्धमाणो सो संजाओ अटुवारिसो । जाव ता पुच्छए ताय, 'पभाए कत्थ गच्छसि ?' ॥५२॥१६१॥ जपए जणओ 'पुत्त ! पुप्फाणं जामि पइदिणं' । बोल्लेइ तो इमो 'अज अहं पि तुमए समं ॥५३॥१६२॥
१. तेण वि भाणिया पा० || २. बत्तम्मि का० ।। ३. वणयम का० ।। ४, लकलसी जे० पा०।।
