________________
सिरिसंतिनाहचरिए
धणसत्थाहस्स अक्खाणयं
* अणुवजणा, अओ हं गतुं देसंतरम्मि दूरम्मि । विढवेमि पभूयधणं जेण न एसा खयं जाइ" ॥३॥५५८९॥
इय चिंतिऊण एवं पभायकालम्मि गहियढोयणियं । वच्चइ रन्नो पासे विन्नवइ करंजलिं काउं ॥४॥५५९०॥ * 'देव ! अहं बच्चामि तुम्हाणुन्नाए दूरदेसम्मि । अत्थोवजणहेउँ' राया वि विसज्जए तत्तो ॥५॥५५९१॥ ॐ पडहयसद्देण तओ घोसावइ सव्वणयरमज्झम्मि । जह 'जाइ धणो एत्तो निव्वुइनामाए नयरीए ॥६॥५५९२॥
ता जइ तेण समाणं आगच्छइ कोइ तीए नयरीए। ता सो तस्साखूणं कुणइ, अओ चलउ जस्सिच्छा' ॥७॥५५९३॥ तं सोऊण अणेगे संचल्ला सत्थिया समं तेणं । सो वि हु चउविहभंडं गिण्हित्ता चलइ सुहलग्गे ॥८॥५५९४॥ तत्तो वचंतो सो कमेण पत्तो अणोरपाराए । घोराए अडवीए मुहम्मि तोलेइ आवासं ॥९॥५५९५॥ मेलित्तु सत्थियजणं गुण-दोसे कहइ तस्स मग्गस्स। 'भो भो सत्थियलोया ! निसुणह मग्गस्स गुण-दोसे ॥१०॥५५९६॥ एत्थ य एगो मग्गो सुपद्धरो जाइ किंतु अइलहूओ । तस्स य पवेससमए दोसु वि पासेसु अइविसमा ॥११॥५५९७॥ ऊंति विगरालरूवा सीहो वग्यो य पहियविद्दवया । उम्मग्गे वच्चंत दोन्नि वि भक्खंति नियमेणं ॥१२॥५५९८॥ अणुसजंति य दोन्नि वि जा तीए पुरवरीए दारं ति । ते उ अपमत्तयाणं मग्गत्थाणं न पहवंति ॥१३॥५५९९॥ तत्तो कमेण पुरओ अच्छइ थोवो चलंतओ अग्गी । तं विज्झवित्तु सिग्धं बच्चेयव्वं तु मग्गम्मि ॥१४॥५६००॥
६७१
१. तुज्माणु' का० ॥ २. तस्साक्खूर्ण का० ।। ३. दुन्नि जे० ।। ४. दारम्मि का० ॥
