________________
सिरिसंतिनाहचरिए
गंधव्वनागदत्तस्स अक्खाणयं
सो भणइ 'एत्थ सप्पा चिटुंति महाविसा अइपयंडा' । तो धाविऊण परिसो वच्चइ नियसामिपासम्मि ॥३६॥५३८०॥ जंपइ य 'कोवि एसो मग्गेणेएण पेच्छ वोलेइ । सप्पकरंडयहत्थो, कीलावइ जो महासप्पे' ॥३७॥५३८१॥ तं सोऊणं पभणइ धावित्ता नागदत्तनामो उ । 'भो ! भो ! पडिच्छसु खणं पयडसु नियसप्पमाहप्पं ॥३८॥५३८२॥ खेल्लामि तुज्झ सप्पेहिं, भद्द ! खेल्लसु तुम मईएहिं'। इय भणिओ सो जंपइ 'मुचउ एसा कहा ताव ॥३९॥५३८३॥ जम्हा मदीयसप्पा अचंतं घोररूव-विसपुण्णा । ण हु सक्कइ खेल्लेउ पुरिसो अइमंतकुसलो वि ॥४०॥५३८४॥ तं च पुणो अइमुद्धय परिहीणो मंत-ओसहिबलेहिं । कह घेच्छसि मह नागे, जे दुग्गेज्झा सुराणं पि?' ॥४१॥५३८५॥
ता भणइ नागदत्तो 'घेप्यते पेच्छ निययसप्पे वि । किं वहसि गव्वमलियं ? मुंचसु रे मूढ ! नियसप्पे ॥४२॥५३८६।। । अहवा वि मज्झ सप्पे पडिच्छ' तो हसिय तं भणइ देवो । 'पेच्छ इमं कह जायं, ससएहिं वि लउडया लइया ॥४३॥५३८७॥
ता मुंच मुंच सिग्छ, जेणं वारेमि विसहरे तुज्झ' । तो मुयइ नागदत्तो उग्गविसे विसहरे नियए ॥४४॥५३८८॥ ते वि हु मुक्का संता न चेव लग्गति विसहरा तस्स । लग्गा उ नेय पीडं कुणंति ते तस्स देवस्स ॥४५॥५३८९॥ तो अमरिसभरभरिओ जंपड़ गधब्बनागदत्तो वि । रे! रे ! मेल्लसु एए नियसप्पे मा चिरावेह' ॥४६॥५३९०॥
६४३
१. पेच्छसि पा० का० ।। २. तो पा० ।।
