________________
सिरिसंतिनाहचरिए
अग्गिसम्मस्स बंभणस्स कहाणयं
जलहिवेलाए पत्ताए पूरियं वहणं तओ । वायाणुकूलओ सिग्धं जाइ तं वहणं वरं ॥१६०॥५२८७॥ थोवेहिं चेव दिवसेहिं रयणद्दीवम्मि तं गयं । पत्तं वेलाउले तत्तो भंडं सव्वं पि नीणियं ॥१६१॥५२८८॥ पाहुडं गिहिउं तत्तो रायरायस्स अंतिए । जाइ गुणसायरो सेट्ठी अप्पेउं पाहुडं तओ ॥१६२॥५२८९॥ निसन्नो आसणे दिन्ने, पुच्छिओ कुसलाइए । तुटुंण राइणा तस्स अद्धदाणं पसाइयं ॥१६३।।५२९०॥ विक्कीयं सत्थवाहेण सलाहं तं कयाणयं । गहियं पडिभंडं च जोगक्खेमभएण य ॥१६४॥५२९१॥ रयणाई सव्वसाराई अणग्धेयाई काइं वि । पच्छन्नाई करेऊण एगट्ठाणम्मि आवई ॥१६५॥५२९२६॥ लोभनंदेण दिट्ठाई, न अन्नेण, तओ इमो । चिंतए लोभदोसेण णिए चित्तम्मि दूसिओ ॥१६६॥५२९३॥ "सव्वस्ससारभूयाणि हत ! रन्नाणि सायरं । एएण एत्थ आणम्मि गोवियाणि विसेसओ ॥१६७॥५२९४॥ न दिवाणि य केणाऽवि, मए एक्कं विवजिउं । ता केणाऽवि उवाएण अवहरामि इमाणि उ ॥१६८॥५२९५॥ अहवा इमम्मि जीवंते ण पारिजंति गिहिउं । ता मारिउं उवाएण, पच्छन्नाणि गहेमऽहं" ॥१६९॥५२९६॥ एवं च चिंतिउं एसो तओ छिद्दाणि मग्गइ । अन्नया अद्धरत्तम्मि दिव्वजोएण उटुिओ ॥१७०॥५२९७॥ सत्थवाहो सरीरस्स चिंताए कारणेण उ । दिह्यो य तेण पावेण घोडियाए ववत्थिओ ॥१७१॥५२९८॥
६३५
१. पुच्छिए पा० ।। २. सव्वसाराइ रन्नाइ अ° पा० ।। ३. गहेऊण पा० ॥ ४. अओ पा० ।। ५. रयणाणि ७०।। ६. गेण्हिउं त्रु० ।।
