________________
सिरिसंति नाहचरिए
अग्गिसम्मस्स बंभणस्स कहाणयं
एवं तत्थाऽऽउयं भोत्तुं मरिऊण नरयं गया । रयणप्पहपुढवीए तत्थ दुक्खं अणोवमं ॥१३६॥५२६३॥ अँजिउं खोडिउं कम्मं तत्तो उव्वट्टिउं इमा । पुणो वि माणुसत्तम्मि रोरगेहे समागया ॥१३७॥५२६४॥ वासवो वणिओ अत्थि भजा तस्स अणुधरी । वसति ताई निस्साइं पुरम्मि गिरिवद्धणे ॥१३८॥५२६५॥
ताण जाओ इमो पुत्तो संपत्तो जोव्वणम्मि य । तत्थ कल्लोलमालाओ उप्पाजंति खणे खणे ॥१३९॥५२६६॥ * चित्तम्मि णेगरूवाओ लोहसंदसियस्स उ । लोहनंदाऽभिहाणस्स माइदेवजियस्स उ ॥१४०॥५२६७॥ चिंतए "कत्थ गंतूणं विढवेमि बहुं धणं ? । किं करेमीह वाणिजं? किंतु दव्वं विणा न तं ॥१४१॥५२६८॥ खणामि रोहणं किं वा ? तरामि किं व सायरं ? । किं वा वि धाउवाएणं पाडयामि सुवण्णयं? ॥१४२॥५२६९॥ किं वा रोद्दे मसाणम्मि महामंसस्स विक्कयं । काऊणं देवयं किंचि आराहेमि धंणासया ॥१४३॥५२७०॥ किं वा विसामि विवरम्मि रसमाणेमि उत्तम ?" । इच्चाई चिंतयंतस्स तस्स बुद्धी मणे ज्यिा ॥१४४॥५२७१॥ जहा "किं चिंतिएणेह कजसारो भवामि हं"। एवं च चिंतिउं जाइ पिउणो पायबंदओ ॥१४५॥५२७२॥ कहेइ चिंतियं सव्वं, पिया तत्तो पयंपइ । जहा 'पुत्त ! ण एयाणं एकं पि धणवज्जियं ॥१४६॥५२७३॥ जाइ अत्थऽज्जणं काउं किं कल्लोला कुणंतु ते? | किंच एगअवच्चाणं अम्हाणं एगलोयणं ॥१४७॥५२७४॥ १. अणुद्धरी पा० विना ।। २. वसंते पा० जेसं० ।। ३. निम्माई जे० ।। ४. 'तम्मणेग जे० ।। ५. रुद्दे पा० विना ।। ६. वणे सया जे० ।। ७. कुणंति त्रु० ।। ८. किंतु का०॥
