________________
सिरिसंति- नाहचरिए
अग्गिसम्मस्स बंभणस्स कहाणयं
तीए कुच्छीए मज्झम्मि पुत्तत्तेण उवागओ । पत्ते पसूइकालम्मि जाओ, णामं च से कयं ॥१००॥५२२७॥ माइदेवो इमो होउ पुत्तो अम्हाण सोहणो । तत्तो कमेण वड्ढतो जाओ मायाए मंदिरं ॥१०१॥५२२८॥ बालएहि समं सो उ रमंतो ताणि णेगहा । विप्पवंचेइ मायाए हरेई खेल्लणाणि य ॥१०२॥५२२९॥ एवंकमेण संपत्तो जाव रम्मम्मि जोव्वणे । ताव देवपसायस्स देवईकुच्छिसंभवं ॥१०३॥५२३०॥ धूयरं नंदिणि नाम वरेइ तस्स सो पिया । समाणकुल-सीलेहिं रूवाईहिं च संजुयं ॥१०४॥५२३१॥ कारेइ लग्गदिवसम्मि विवाहं सविभूईए । आणित्ता य सए गेहे वासगेह समप्पए ॥१०५॥५२३२॥ तो तीए य समं भोए भुंजमाणस्स पइदिण । केत्तिएणाऽवि कालेण पंचत्तं जाइ णंदणो ॥१०६॥५२३३॥ काऊण तस्स किच्चाई सयणेहिं समन्निओ । माइदेवो सयं चेव संजाओ गिहणायगो ॥१०७॥४५२३४॥ तओ हट्टे णिविडो उ वंचए थीजण बहु । कयाणगनिमित्तम्मि कयाई कहणेण य ॥१०८॥५२३५॥ अन्नया तस्स संजाया सम मेत्ती अणोवमा । मित्तेण सोमदेवेण अचंतं उज्जुचेयसा ॥१०९॥५२३६॥ माइदेवस्स मायाए निम्माइस्सेयरस्स उ । वच्चए ववहरंताण जा कालो केत्तिओ वि हु ॥११०॥५२३७॥ ताव अन्नम्मि दिवसम्मि वंचणथमिमस्स उ । माइदेवेण संलत्तो सोमदेवो इमं गिरं ॥१११॥५२३८॥ १. देमई जे छ ।। २. विजे० ० ।। ३. तीए बि य समं पा० । तीए य समं जे० का० ।। ४. सई पा० । समं जे० ।। ५. हट्टणि त्रु० जेमू० ।। ६. सम्म धा७. मित्ती त्रु का ।। ८. कित्तिओ त्रु०।।
६३०
