________________
सिरिसंतिनाहचरिए
बारसमं भवग्गहणं
झल्लंतमुत्तदामयं, सुरेहचित्तरामयं, विचित्तचित्तचित्तियं, समुल्लसंतदित्तियं, पणासियंधयारयं, सुरम्मवारफारयं, सुरेंदतोसकारयं, कयं विमाणवारयं, तहिं चडवि सुराहिवु, जियअसुराहिवु, आइउ जिणवरजम्मगिहि । भत्तीए तुरंतउ, हरिसु वहंतउ, जिण-जिणजणणिहि नमइ बिहिं ॥११४॥४७१४॥ 'नमो ते देवि ! चिंतामणीदाइए ! नमो ते देवि ! कप्पडुमुप्पाइए ! । नमो ते देवि ! जयदीवउज्जोइए ! नमो ते देवि ! सिवसोक्खसंजोइए !। भाइयव्यं न ते देवि !, जिणमज्जणं करिमु, सुरनाहु हउं कम्मसम्मजणं' । भणवि इय देइ देवीए ओसोवणिं लेइ जिणु धरइ पासम्मि पडिरूविणिं । करवि अप्पाणु पंचप्पयारंतओ, धरइ एक्केण जिणु करयले जंतओ। चामराजुयलु बिहिं खिवइ, वरडंडयं धरइ, छत्तत्तय एक्कि उइंडयं । एक्ककरकलियवरवंज जिणअग्गओ, जाइ वग्गंतु सुरसेन्नपरिसंगओ। गरुयपरितोसरसपसरहल्लप्फलो, तूर-जयसद्द-बरगेयकयकलयलो।
५४९
१. रम्मदार° बु० ।। २. आगउ पा० विना ।। ३. वरदंडयं त्रु० का० ।। ४. बज्जु जे० त्रु०॥
