________________
सिरिसंतिनाहचरिए
दसमेक्कारसभवग्गहणाई
एयं च समायन्निऊण विम्हयुप्फुल्ललोयणाहिं पुच्छियं देवीहिं, जहा-'सामि! कस्स तुब्भेहिं पणामो कओ?' तओ भणियमीसाणंदेण, अवि य'एसो तिलोयसुंदर ! राया मेहरहनामधेजो त्ति । दसदिसिविक्खायजसो घणरहजिणनंदणो भयवं ॥२॥३८६१॥ अटुमभत्तुववासी पडिमाए डिओ विसुद्धझाणम्मि । वट्टइ एस महप्पा भविस्सतित्थंकरो भरहे ॥३॥३८६२॥ एयं दटुण मए भत्तिवसविसप्पमाणहियएणं । सहसा कयंजलेणं एस पणामो पिए ! विहिओ ॥४॥३८६३॥ एवंविहम्मि झाणे वटुंतं नेय चालिउं सक्का । सीलव्वएहिं सुंदरि ! लोए सिंदा वि तियसगणा' ॥५॥३८६४॥
एयं च ईसाणसुराहिवइमुहकुहरविणिग्गयमइसयवयणमायन्निऊण सुरूव-अइरूवाओ दोन्नि ईसाणिंदऽग्ग-महिसीओ अमरिसियाओ तक्खोहणत्थमागयाओ । विउव्वति य उत्तरवेउब्बियाई विसमसरदीवणकराई उक्किटुरूव-जोव्वणलावण्ण-कंति-दित्तिजुत्ताई सुरकरिकुंभविब्भमथोरथणहरभारियाई कुरंगीतुल्ललोयणभमुहधणुविणिग्गयकडक्खसरधोरणी
खेवचउराई सिंगाररसभरनिटभराई रूवाई विउव्विऊण डाऊण य मेहरहपुरओ जंपिउं पवत्ताओ, अवि य'सामिय ! सुरंगणाओ अम्हे तुम्हाऽणुरायरसियाओ । संपत्ताओ एत्थं, ता भुंजसु नाह ! सेच्छाए ॥६॥३८६५॥ किंचऽम्हेहिं समाणं को पाबइ सुरयकेलिरसपसरं । सामन्नेण वि वरपहु ! विसेसओ रत्तमत्ताहिं ? ॥७॥३८६६॥
४६२
१. एवं पा० ।। २. °मधेयो जे० त्रु० ।। ३. बटुंते पा० ।। ४. "गीउल्ल° जे० ।। ५. तुम्झानु त्रु० का० ।।
