________________
दसमेक्कारसभवग्गहणाई
सिरिसंति- * अह अन्नया कयाई घणरहराया सनिक्खमणसमयं । आभोयइ णाणेणं तओ य लोगतिया देवा ॥१॥३६५२॥ नाहचरिए पत्ता जिणस्स पासं निययथुई-मंगलाई पभणंति । 'जय जय नंदा जय जय भद्दा' इचाइ बोत्तूणं ॥२॥३६५३॥
'बुज्झाहि लोगणाहा ! लोगहियं तह पवत्तयसु तित्थं' । संवच्छरदाणाई दाऊणं मेहरहकुमरं ॥३॥३६५४॥ रजम्मि विऊणं गेण्हइ दिक्खं सुरिंदनयचरणो । उप्पाडिऊण नाणं पडिबोहइ भव्यसंघाए ॥४॥३६५५॥ कालंतरेण सिद्धिं पत्तो भयवं जिणो धुयकिलेसो । मेहरहो वि य रज्जं परिवालइ नियविभूईए ॥५॥३६५६॥
परिवालंतो रज्जं पभूयसामंतपणयपयकमलो । जुयरायपयट्ठिएणं दढरहकुमरेण संजुत्तो ॥६॥३६५७॥ * अन्नम्मि य दियहम्मि देवरमं नाम अत्थि उजाणं । तस्स य सिरिमणुहविउं बच्चइ नियएण विभवेण ॥७॥३६५८॥
तत्थ य अभिरममाणो जहिच्छियं भमइ निययलीलाए । पियमित्तदेविजुत्तो असोयहेटुम्मि उवविट्ठो ॥८॥३६५९॥ मणि-कणग-रयणचित्ते सिलायले कुणइ तत्थ पमयगणो । वरनट्ट-गीयवाइयरवेण रमणिजपेच्छणयं ॥९॥३६६०॥ एत्थंतरम्मि सहसा उवढिया भूरिभूयसंघाया । मेहरहरायपुरओ अउव्वपेच्छणयकरणत्थं ॥१०॥३६६१॥ अवि यके वि हु गहियगरुयवरमोग्गर-कुंत-तिसूलहत्थया, के वि हु धणुह-बाणकयकरयलपीडियजुबलभत्थया । के वि हु परसु-सत्ति-असि-सूलविराइयपंचसाहया, के वि हु सेल्ल-भल्ल-बावल्ल-महल्लयसत्थगाहया ॥११॥३६६१॥ १. वोत्तूण ७० ।। २. °पइदि° पा० का० ।। ३. °णुभविउं त्रु० का० ।। ४. °यले तत्थ कुणइ प जे० ।। ५. हु फरुस-सत्ति पा० । हु परुसु -सत्ति त्रु० ॥
४४३
