________________
अमयंबनिवस्स कहाणयं
सिरिसंति- ता नूणं कुन्नायं कुस्सुय कुपरिक्खियं कुदिटुं वा । होही नियमा ता कह नित्थरियव्वं इमं वसणं? ॥७६॥२९३९॥ नाहचरिए अहवा कालविलंब करेमि केणाऽवि एत्थुवाएण" । इय चिंतिऊण पविसइ रायसमीवम्मि तो भणइ ॥७७॥२९४०॥
'जग्गेइ एस अज्जवि न हु जग्गंतो विणासिउं तरइ । ता देव ! सुयउ पच्छा निस्संको घायइस्सामि' ॥७८॥२९४१॥ ‘एवं ति होउ' रन्ना पडिवन्ने भणइ वच्छराओ वि । 'जावऽज्ज वि जग्गामो, ता कहह कहाणयं किंपि ॥७९॥२९४२॥ अहवा वि सुणह जम्हा न निविणोयाण बच्चए रयणी । ता दिजउ आएसो, जे अम्हेहिं करेयव्वं ॥८०॥२९४३॥ राएणाऽऽइट्ठो सो 'कोहि त चेव भद्द ! अक्खाणं' । तो वच्छरायसुहडो एवं कहिउँ समाढत्तो ॥८१॥२९४४॥ "बहुपयइसंपउत्तं, उत्तमधण-धन्न-संपयाजुत्तं । नीसेसपुरपवित्तं, विज्जासस्साण वरखेत्तं ॥१॥२९४५॥
नयरगुणपवरजुत्तं, चउहट्टय-तिय-चउक्कसुविभत्तं । कयसत्तुभयपयत्तं, घरदेउलनिचयसंपत्तं ॥२॥२९४६॥ ॐबरपायारसुगुत्तं, नाणाविच्छित्तिचित्तसुविचित्तं । बहुनरवइसयभुत्तं अत्थि पुर पाडलीपुत्तं ॥३॥२९४७॥
तत्थऽत्थि पुहइराओ राया निद्दलियसत्तुसंघाओ । बहुनरवइविक्खाओ विउससहादिटुसन्नाओ ॥४॥२९४८॥ ॐ देवो व्य दिव्वकाओ, बहुविहगुणरयणमंडियसुगाओ । मग्गणयदिन्नचाओ, बाहत्तरिकलवरुज्झाओ ॥५॥२९४९॥ * बंधुजणजणियछाओ, उत्तमकुल-वंस-जाइसंजाओ । सव्वत्थ वि निम्माओ आराहियदेव-गुरुपाओ ॥६॥२९५०॥
१. होही एवं ता का० ।। २. पाटली त्रु० ।। ३. बायत्तरिकलोज्झाओ त्रु० ॥ ४. बरोज्झाओ जे० ।।
३४६
