________________
मित्ताणंदाईणं कहाणयं
सिरिसंति- चिंतइ "इमेण रइया पेच्छह धुत्तेण धुत्तया गरुई"। तो कागलिं विहेउं गेण्हित्तु धणं विसजेइ ॥२२४॥२०१९॥ नाहचरिए रन्ना वि कोउगेणं पुढो एसो 'कहेहि भो भद्द ! । मारिउवद्दवमडयं कह सव्वं रक्खियं रयणि ?' ॥२२५॥२०२०॥
* जंपइ इमो वि 'सामिय ! खणमेक्कं अवहिओ निसामेहि । जेण कहेमि असेसं जं वित्तं तीए रयणीए ॥२२६॥२०२१॥
चिंतेमि ताव रयणी एकं, बीयं तु मडयरक्खणयं । मारीहयं तु तइयं, भयं कहं नित्थरेयव्वं ? ॥२२७॥२०२२॥ * नायं अपमत्तस्स नो भयं एत्थ किंचि संभवइ । इय चिंतिऊण आबद्धपरियरो कड्ढिउं छुरियं ॥२२८॥२०२३॥
चिट्ठामि दस दिसाओ अवलोयंतो, तओ गए पहरे । फोडितो इव हिययं सिवारवो दारुणो जाओ ॥२२९॥२०२४॥ पेच्छामि य सव्वत्तो कविलमहाकेसभासुरतणूओ । जालाकरालवयणाओ दारुणाओ सिवालीओ ॥२३०॥२०२५॥ जाओ पेच्छंताणं कायरपुरिसाण फुट्टए हिययं । अहयं तु ताओ दटुं चिंतेमि बिभीसिया एसा ॥२३१॥२०२६॥ अवलंबिऊण सत्तं खणमेकं जाव संडिओ अहयं । ताव कहिं पि गयाओ घणविगमे विजुलाओ व्व ॥२३२॥२०२७॥ एत्थंतरम्मि सामिय ! बीए पहरम्मि जामिणीए उ । पेच्छामि सुप्पणक्खे लोढयसमचलण-अंगुलिए ॥२३३॥२०२८॥
छुहनीसाहाचलणे तालमहारुक्खसरिसजंघिल्ले । अइगरुयविसमगिरितडकडीयडाऽऽभोयभीसणए ॥२३४॥२०२९॥ *उट्टियकभल्लपोट्टे विसमसिलायलसरिच्छवच्छयले । अइगरुयवहणकूवयखंभयसारिच्छभुयदंडे ॥२३५॥२०३०॥
१०
२२०
१. फोडेतो पा० ।।
