________________
सिरिसंतिनाहचरिए
चउत्थ-पंचमभवग्गहणाई
तुह दंसणम्मि वरवारितरणसरिसम्मि पाविए तह वि । बुड्डामि णाह ! पेच्छसु लोहमहासागरे भीमे ॥१६॥९६६॥ फासो रसणा घाणो सवणं चक्खू अईवविसमाई । बाहिति संबजीवे अहियं पुण मज्झ पहवंति ॥१७॥९६७॥ मणतुरओ हरइ मम, वयणगओ सामि ! पीडए अहियं । कायरहो मं चूरइ णिरूविओ मोहराएणं ॥१८॥९६८॥ इय कित्तियं व भन्नउ ? मोहमहारायसंतियं सेन्नं । सव्वं चिय जाणतो पहु ! किमियं कुणसि गयलीलं ॥१९॥९६९॥ इय पहु ! पेक्खंतस्स वि किंकरभावेणुवटुियं पि ममं । ज लुंपइ परपक्खो तं तुह ओहावणा किं नो ? ॥२०॥९७०॥ तेलोकरक्षणक्खम! सुतिक्खगुरुदुक्खलक्खखयखेत्तं । म पेक्खिऊणखीणारि! तुह खमा किंखमा होइ ? ॥२१॥९७१॥ केवि सिवसंगसंपयसमेय संसारिसत्थ संविहिया । हं पुण दुहसंतत्तो इइ कह गयराग-दोसो सि? ॥२२॥९७२॥ हा! हा ! णिल्लज्जो हं तुज्झ वि जो णाह ! देमि अहिखेवं । दुहसंतत्तेणऽहवा जे भणियं तं खमेज्जासु ॥२३॥९७३॥ जय जय तिहुयणरक्खय!। जय जय मोहारिसेन्नवणदाव!! जय जय देवनयक्कम!। जय जय भवजलहिवरपोय!॥२४॥९७४॥ जय करुणाजलजलणिहि! दुहियाण वि दुक्खियं ममं सामि! धरि नियपयपासे रक्खहि मोहारिसेन्नाओ॥२५॥९७५॥ सिरिदेवचंद ! जइपुंगवेहिं भयभंतणेत्तचित्तेहिं । रोमंचिएहि भत्तिए विन्नत्तो जिण ! कुण पसायं" ॥२६॥१७६॥
११८
१. सव्वजीवा त्रु० ।। २. थ जे० ।। ३. रक्खण पा० ।।
