________________
सिरिसंतिनाहचरिए
चउत्थ-पंचमभवग्गहणाई
चेड-पीढमद्दग-सरीरारक्खमाइएहिं संपरिवुडो सुरवरो व्व सुरसमूहेहिं अत्थाणत्थो मुइयमाणसो विविहविणोएहिं चिटुए सिरिविजयराया, ताव समागओ पडिहारो, अवि यघोलंतभूसणधरो वरवत्थसुसंवुयंगपचंगो । करकलियचारुलट्ठी भूरुलियसिरो भणइ एवं ॥१॥७८१॥ 'देव ! दुवारे एगो सियवत्थनियंसणो अइपसंतो । खोलमाणसियबंभसुत्तकयकंधरादेसो ॥२॥७८२॥ वरपोत्थयगहियकरो सिद्धत्थय-द्रव्यदिन्नसिरदेसो । संडिल्लायणनामो नेमित्ती चिंटुए खलिओ ॥३॥७८३॥ देवस्स दंसणसुहं वंछइ, को एत्थ देव ! आएसो ?' । भणइ निवो 'भद्द ! तयं लहुं पवेसेहि नेमित्तिं ॥४॥७८४॥ वीसजिओ य तेणं अह पविसइ तम्मि रायअत्थाणे । आसीसं दाऊणं उवविसइ वरासणे दिन्ने ॥५॥७८५॥ भणइ य 'सुण देव ! मए जं नायं वरनिमित्तसत्थाओ' । भणइ निवो 'नेमित्तिय ! कहेहि निस्संकिओ सिग्धं ॥६॥७८६॥ भणइ इमो 'जइ एवं, तो एत्तो सत्तमम्मि दिवसम्मि । पोयणपइस्स उवरिं पडिही इंदासणी घोरा' ॥७॥७८७॥ सोऊण इमं परिसा बजेण व ताडिया असेसा वि । जुवरन्ना वि य भणियं अचंत कोक्कलिएणं ॥८॥७८८॥ रे! रे ! पोयणवइणो उवरिं इंदासणी जइ पडेही । तो तुह सिरम्मि तम्मिं दिणम्मि किं निवडिही धिटु ?' ॥९॥७८९॥ नेमित्तिओ पयंपड 'मा रूससु कुमर ! जमिह सत्थम्मि । दिटुं तमन्नहा होइ नेय, मह उवरि पुण तम्मि ॥१०॥७९०॥
१. सिरिदेसो जे० ।। २. चेटुए पा० ।।
