________________
सिरिसंतिनाहचरिए
चउत्थ-पंचमभवग्गहणाई
भद्दई पावइ णरु जीवंतउ, जाहि मुक्कु मई चित्ति अभंतउ', एउ सुणेविणु कुमरु पयंपिउ, दप्पुद्धरु नियचित्ति अकंपिउ, 'मेल्लि मेल्लि एउ चक्कु तुरंतउ, मा मा गजहि जिह घणु रित्तउ', तं णिसुणेविणु कोवफुरंतिण, मुक्कु चक्कु नरनाहिं तुरंतिण, तं अमोहु तुंबिण वच्छत्थलि, लग्गु तिविठ्ठह णं कढिणत्थलि, मुच्छिउ तेण तिविद् खणंतरु, पडिउ रहोवरि वियणणिरंतरु, तं निएवि विजाहररायहिं, किउ कलयलु णियपहुअणुरायहि, 'मेसु भिडिउ जह होइ गयंदह, एहु वि हू तह जुडिउ गरिंदह', इय जा तुटुचित्त ते जंपहि, ताव कुमारु वि ठिउ खणु जंपहि, आससेवि उट्ठियउ समच्छरु, ता वग्गंतउ तुडु सुरच्छरु, पेच्छइ रहउच्छंगि फुरंतउं, तं रहंगु जालोलि मुयंतउ,
१. जाइ पा० ।। २. जिंव का० ।। ३. तिबिदुह पा० ।।
