________________
कल्प ० बारसा०
॥ २० ॥
Jain Education Intern
णाण मज्झे ससिव पिअदंसणे नरवई नरिंदे नरवसहे नरसीहे अब्भहिअरायते अलच्छीए दिप्पमाणे मजणघराओ पडिनिक्खमइ ॥ ६२ ॥ मज्जणघराओ पडिनिक्खमित्ता जेणेव बाहि-रिआ उवद्वाणसाला तेणेव उवागच्छइ, उवागच्छित्ता सीहासणंसि पुरत्थाभिमुहे निसीअइ, निसीइत्ता अप्पणो उत्तरपुरच्छिमे दिसीभाए अट्ठ भद्दासणाई सेअवत्थपच्चुत्थुयाइं सिद्धत्थयकयमंगलोवयाराई रयावेइ, रयावित्ता अप्पणो अदूरसामंते नाणामणिरयणमंडिअं अहि| अपिच्छणिजं महग्घवरपट्टणुग्गयं सण्हपट्टभत्तिसयचित्तताणं ईहामिअउसभतुरगनरमगरवि| हगवालग किन्नररुरुसरभचमरकुंजरवणलय पउमलयभत्तिचित्तं अभितरिअं जवणिअं अंछावेइ, अंछावेत्ता नाणामणिरयणभत्तिचित्तं अत्थरयमिउमसूरगुत्थयं से अवत्थपच्चुत्थुअं सुमउअं अंगसुहफरिस विसिद्धुं तिसलाए खत्तिआणीए भद्दासणं रयावेइ ॥ ६३ ॥ रयावित्ता कोटुंबिअपुरिसे सद्दावेइ, सद्दावेत्ता एवं वयासी ॥ ६४ ॥ - खिप्पामेव भो देवाणुप्पिआ ! अट्टंगमहानिमित्तसुत्तत्थधारए विविहसत्थकुसले सुविणलक्खणपाढए सद्दावेह ॥ तए णं ते १ पुरन्धिमे ( क० कि० ) । २ सगं कि०सु० ।
For Private & Personal Use Only
महावीर - चरि०
भद्रासन
रचना
॥ २० ॥
ainelibrary.org
