________________
तित्थयरगुणा पडिमासु नत्थित्ति न संसयं वियाणंतो। तित्थयरोत्ति ण मंतो सो पावइ निज्जरा विउला ॥३०९।। जह सिद्धा संपुण्णा गुणेहि सत्ताइ नोवियत्तीए। तह दव्वसिद्धरूवा पडिमा अझप्पजोगेण ॥३१०॥ जइ नो ता खलु एवं तब्भावणभावमाण भव्वाणं । कहमेयारूवं चिय पयडइ ता सिद्धरूवत्तं ॥३११॥ जइ अप्पभावपगुणं विसुद्धहेऊ जणेइ झाणाणं । ता अण्णा सव्वपडिमा त्थीपमुहा गुणकरी किं तो ॥३१२।। लिंगं जिणपन्नत्तं जइ वि नमंतस्स निज्जरा विउला । जइवि गुण विप्पहीणा वंदइ अझत्थसोहीए ॥३१३॥ संता तित्थयरगुणा तित्थयरे ते सिमंतु अन्नत्थ । नय सावज्जा किरिया इयरेसु धुवा समणुपन्ना ॥३१४॥ जत्थ सावज्जा किरिया नत्थि पडिमासु एवमियरावि । तयभावे णत्थि फलं अह होइ अहेउगं होऊ ॥३१५।। कामं उभयाभावो तह वि फलं अस्थि मणविसुद्धीए । तीए पुण मणसुद्धी कारणं हुंति पडिमाओ॥३१६।। जइ विय पडिमासु जहा मुणिगुणसंकप्पकारणं लिंगं । उभयमवि अत्थि लिंगे न य पडिमासूभयं अत्थि ॥३१॥ नियमा जिणेसु य गुण पडिमा उद्दिस्स जे मणे कुणइ । अगुणे उ वियाणंता कं नमओ मणा गुणं काउं ॥३१८॥ जह वेडंबगलिंगे जाणंतस्स नमओ हवइ दोसो। निबंधसमिय नाऊणं वंदमाणे धुवं दोसा ॥३१९॥ जिणपडिमा वि तयंग सकहाइ अत्थि जत्थ तट्टाणे । अच्छरसाहिं समं चिय कुणंति कीडुन सुरनिवहा ॥३२०॥ आसायणपरिहारो जिणप्पइकस्स किं पुण जिणाणं । तस्सासायणरूवं पावं पावा कुणंति नरा ॥३२१॥ लकणजुत्ता पडिमा पासाइया समत्तलंकारा । पल्हायइ जह व मणं तह णिज्जरिसो वियाणाहि ॥३२२॥ अजिणे जिणरूवत्तं मिच्छत्तं पालविऊण अवसाणं । कुव्वंति ते वि पवयण-वयणमसारं कयं तेहिं ॥३२३॥
Jain Education International
For Private & Personal use only
www.jainelibrary.org
