________________
निग्गया । थेरेहितो णं अज्जवइरेहितो [गोयमसगोत्तेहितो] एत्थ णं अज्जवइरा साहा निग्गया ॥२२०॥
थेरस्स णं अज्जवइरस्स गोयमसगोत्तस्स इमे तिण्णि थेरा अंतेवासी अहावच्चा अभिण्णाया होत्था, तंजहा-थेरे अज्जवइरसेणिए, थेरे अज्जपउमे, थेरे अज्जरहे । थेरेहितो णं अज्जवइरसेणिएहितो एत्थ णं अज्जनाइली साहा निग्गया। थेरेहितो णं अज्जपउहितो एत्थ णं अज्जपउमा साहा निग्गया । थेरेहितो णं अज्जरहेंहितो एत्थ णं अज्जजयंती साहा निग्गया ॥२२१॥
थेरस्स णं अज्जरहस्स वच्छसगोत्तस्स अज्जपूसगिरी थेरे अंतेवासी कोसियगोत्ते । थेरस्स णं अज्जपूसगिरिस्स कोसियगोत्तस्स अज्जफग्गुमिते थेरे अंतेवासी गोयमसगोत्ते ।
कल्पसूत्र ३०६
Jan Education International
For Private & Personal use only
www.jainelibrary.org
